مشكلة فى استلام ميجان 2010 الجديدة

**wawoo** · 03-06-2010 12:58 PM

المشاركة الأصلية كتبت بواسطة ahmed a.maksoud

بعتتوا لرينو فرنسا و لا لأ ؟؟؟

اهلا يا احمد بك ...احنا شغالين على محتوى الرسالة عشان منسبش اى نقطة ...هى بالاجنليزى عادى و لا نعملها بالغة الفرنسية افضل ؟
وبعدين كان فى اقتراح اننا نروح لمدير المبيعات فى مصر الاول قبل ما نبعت لرينو فرنسا ..اية رايك فى كدة

**Ahmed Selim** · 03-06-2010 01:44 PM

أزيك أنت يا باشا

حاول موضوع مدير مبيعات رينو مصر......بس متتأخرش عن كده....يعنى يوم الأحد إن شاء الله تكونوا عنده.

و الأيميل جهزه أحتياطى و مفيش مشكلة أنه يبقى بالأنجليزى

**rana_abdalla** · 05-06-2010 01:30 AM

انا مع الاخ الذى نصحك بارسال اميل الى الشركة بفرنسا وانة وقع عليك ضرر من التاخير ومن كسر الوديعة لضياع عليك الفائدة وعدم مصداقية الشركة فى الاتفاق .. وتطالبهم بالتعويض وانك سترفع الامر الى جهاز حماية المستهلك وتنشر ماحدث لك بالصحافة ... وتاكد ان الشركة ستقوم بارضاءك وتلبية مطلبك ... لان صديق لى حدثت معة مشكلة فى التوكيل وارسل اميل للشركة بفرنسا وكان الرد سريع وتحقق مطلبة .. لان الشركة بتخاف على سمعتها مش زى الشركات المصرية وخداها عافية ومركونة على الى بيسندها ..طبعا انت فاهم

**rana_abdalla** · 05-06-2010 01:37 AM

لو عايز تكتبة بالفرنساوى وهذا افضل ارسلة لى بالعربى وانا حخلى بنتى تكتبة بالفرنسة وترسلة .. مش تقلق اللغة متمكنة منها لانها اللغة الاولى من الطفولة ولسة راجعة من الدراسة بالسربون .. ونحن فى الخدمة

**AHMED1718** · 05-06-2010 01:55 AM

المشاركة الأصلية كتبت بواسطة gazzar91

ُeit بتستهبل رسمي..... إعمل قلق برة بالإيميل و جوة بشكوى للجنة حماية المستهلك و إديهم علشان سوق السيارات في مصر بقى ضحك على الدقون!!

للعلم بس رينو تبع eim مش eit

انا عارق ان الاتنين لنفس المالك بس الادارة تختلف

**wawoo** · 05-06-2010 06:42 PM

المشاركة الأصلية كتبت بواسطة rana_abdalla

لو عايز تكتبة بالفرنساوى وهذا افضل ارسلة لى بالعربى وانا حخلى بنتى تكتبة بالفرنسة وترسلة ..

شكرا استاذة رانا على اهتمامك و على اضافتك ..الحمد لله اللغات موجودة لكن تم ارسال إيميل بالفعل بالانجليزى و ان شاء الله يكون بنتيجة ..

هل كان بالفرنسى افضل فعلا
اذا كان ممكن اعرف مشكلة الصديق باختصار هل هى كانت خاصة بالحجز ايضا و لا كانت خاصة بموضوع بعد البيع ..

**احمد عبدالله** · 06-06-2010 03:06 PM

المشاركة الأصلية كتبت بواسطة ahmed a.maksoud

الحل ده أنه يبعت لرينو فرنسا و يوضح و يؤكد لهم أنه فك وديعة بنكية لشراء السيارة و أن ده خسارة عليه مبلغ كذا.....و أنه متوقعش أنه بعد فك الوديعة يروح يلاقى الموضوع كده....و يعيش شوية دور الشهيد ( بتكلم جد مش هزار ) و أنه أبتدى يفقد المصداقية فى توكيل رينو و أنه بيفكر جدياً يلغى الحجز و يجيب عربية تانى مش من رينو......و طبعاً يوضح لهم أنه فى الأول قالوله الأستلام فى شهر مارس و أحنا دلوقتى فى شهر يونيو و عشان ينتظر العربية اللى هو عاوزها هينتظر كمان 3 شهور.

و يشوف الرد هيكون عامل أزاى.

وحش كبير والله يا أحمد بيه

**mouraddesk** · 06-06-2010 04:08 PM

فعلا لازم تبعت ميل حتى لو مش هتاخد العربية علشان تحمى حقك و حقوق اللى زيك من بعدك و علشان كمان يبقى مفهوم انك استنيت الفترة الكبيرة دى احتراما لاسم رينو بس بالطريقة دى هما بيخلو الناس تفقد الثقة فى اسم كبير و خلى بالك لازم تبعت الميل و هما هيكلموك و حط كل نمر تليفونك