مشكلة فى استلام ميجان 2010 الجديدة

**wawoo** · 02-06-2010 12:43 AM

باختصار يا شباب ..هناك صديق لى قام بحجز ميجان 2010 الجديدة بعد عرضها بمعرض فورمولا الاخير و اعجابة بها وقد تم حجز الفئة الاولى من الفئات الثلاثة المطروحة ..

المهمة انة وقت الحجز تم ابلاغة ان التسليم سيكون خلال شهر مارس و لكن انقضى مارس و ابريل كمان و لم يستلم ,المهم انة توقع الاستلم فى مايو على اقصى تقدير
وبالفعل تم ابلاغة ان العربيات وصلت وانة حيستلم سيارتة قريبا بعد خروج السيارة من الجمارك
و تم ابلاغة بان السيارة وصلت و علية ابلاغ التوكيل و تحديد معاد استلامها و بالفعل تم تحديد معاد مع مندوب المبيعات المختص لاستلام السيارة

و حضر يوم الاستلام و كنت انا بصحبتة ايضا .. و قال المندوب ان السيارة جاهزة للاستلام و يمكنة مراجعتها ..لكن حدث مالم نتوقعة و لم يكن فى الحسبان ...
فوجئنا ان السيارة المعدة للاستلام غير مطابقة للموصفات الفئة التى تم حجزها مسبقا و ان مثبت و محدد السرعة غير متواجد فى هذة السيارة بالرغم انة موجود ضمن الموصفات المتفق عليها مسبقا وقت الحجز ..

اليكم ما حدث بعد ذلك :
بمناقشة مندوب المبيعات ابلغنا فى البداية ان الشركة قررت اسقاط مثبت و محدد السرعة من هذة الفئة و ستكون السيارة بنفس السعر المحدد سابقا .

ولكن بعد مناقشة الموضوع و التحوار مع مندوب المبيعات تغير الكلام و قال لنا ان هذة السيارة و مجموعة السيارت التى وردت كلها من هذة الفئة لا يوجد بها هذة الخصية وانها غلطة غير مقصودة من المصنع و عرض علينا الاتى :

يمكن استلام هذة السيارة الموجودة مع خصم ثمن مثبت و محدد السرعة من سعرها الاصلى
الاختيار الثانى هو الانتظار لموعد التسليم القادم و سيكون فى شهر 8 او 9 كما يدعى .

المهم ان صديقى انزعج جدا من تصرف شركة رينو وانا كمان بصراحة و ذلك لعدة اسباب منها مثلا لماذا لم يتم ابلاغة ان الموديل الموجود للاستلام لا يحتوى على مثبت السرعة قبل الحضور للاستلام و قد كان جهزة نفسة للاستلام واحضر معة المبلغ المطلوب و قام بسحب المبلغ من البنك و كسر الودائع الخاصة بة لهذا السبب

طبعا صديقى اعترض على طريقة المعالمة تلك و رفض الاختيار الاول لانة يريد هذة الخاصية فى السيارة و الان علية الانتظار مرة اخرى عدة اشهر لاستلام الموديل المطلوب و من سيكون المسئوال عن هذا التاخير وتعويضة .

و هناك ملحوطة اخرى و هى ماذا لو لم ننتبة لعدم وجود مثب السرعة فى السيارة وتم استلامها بالسعر الاصلى ..هل كانت محاولة من التوكيل لتمريير بيع السيارة بهذا النقص او ان الموقف غير مقصود من البداية

اريد راى الخبراء و قد عرضت الموضوع لاننى كنت بتابع معة الموضوع من بداية الحجز و بماذا تكون النصيحة فى هذا الموقف

**osama_ruan** · 02-06-2010 12:48 AM

موقف غريب بجد ولازم حد يتعاقب فية

**Hany Saad** · 02-06-2010 01:14 AM

فعلا المواضيع دى حصلت كتير قبل كده فى الميجان ii كل شوية الكماليات كانت بتتغير مع ورود دفعات جديدة مع ثبات تمن العربية....الوكيل مش هو المسئول لكن المصنع من كتر الضغط اللى عليه بيورد العربية ساعات بكماليات أعلى و ساعات بكماليات أقل....حسب الموديل المتوافر منه كمية...و الوكيل بيفاجاء بالموضوع ده بعد الإستلام.....

**Ahmed Selim** · 02-06-2010 01:23 AM

موقف وحش جداً طبعاً

و هو فيه أحتمالين ليه.....الأول أنهم حاولوا يضحكوا عليه على أعتبار أنه ممكن مياخدش باله
و الثانى أنهم هما مخدوش بالهم.....و فى الحالتين الغلط راكبهم من ساسهم لراسهم

عموماً.....لو جيت تشوف حل عملى للموضوع يبقى غالباً مش هيبقى قدامه غير الحلين اللى قالوا عليهم....الأنتظار أو الخصم.

فى حل تالت ممكن ميأثرش على موضوع الأستلام قوى....يعنى برضه هيبقى قدامه الحلين الأنتظار أو الخصم بس ممكن الحل ده يخلى رينو تعوضه بطريقة ما.....فترة ضمان زيادة....خصم أكتر من اللى عرضوه فى التوكيل....يعنى..

الحل ده أنه يبعت لرينو فرنسا و يوضح و يؤكد لهم أنه فك وديعة بنكية لشراء السيارة و أن ده خسارة عليه مبلغ كذا.....و أنه متوقعش أنه بعد فك الوديعة يروح يلاقى الموضوع كده....و يعيش شوية دور الشهيد ( بتكلم جد مش هزار ) و أنه أبتدى يفقد المصداقية فى توكيل رينو و أنه بيفكر جدياً يلغى الحجز و يجيب عربية تانى مش من رينو......و طبعاً يوضح لهم أنه فى الأول قالوله الأستلام فى شهر مارس و أحنا دلوقتى فى شهر يونيو و عشان ينتظر العربية اللى هو عاوزها هينتظر كمان 3 شهور.

و يشوف الرد هيكون عامل أزاى.

لو محتاج مساعدة فى كتابة الأيميل لرينو.....قولنا
و يستحسن قبل ما تبعته لهم تكتبه هنا عشان يمكن نزود حاجة ولا نعدل حاجة مع بعض.

**Ahmed Selim** · 02-06-2010 01:27 AM

نسيت أقولك أنه لازم يعرف من التوكيل الخصم قد أيه الأول قبل أى حاجة......أن رينو فرنسا ممكن تخليهم يعملوا خصم أعلى.

فى سؤال لحضرتك...........معرضش عليهم يركبوا مثبت السرعة على حسابهم و ياخد العربية بنفس سعرها ؟؟؟؟

**wawoo** · 02-06-2010 01:36 AM

شكرا يا شباب على التفاعل مع الموضوع و ابداء النصيحة ..

**wawoo** · 02-06-2010 01:41 AM

المشاركة الأصلية كتبت بواسطة ahmed a.maksoud

نسيت أقولك أنه لازم يعرف من التوكيل الخصم قد أيه الأول قبل أى حاجة......أن رينو فرنسا ممكن تخليهم يعملوا خصم أعلى.

فى سؤال لحضرتك...........معرضش عليهم يركبوا مثبت السرعة على حسابهم و ياخد العربية بنفس سعرها ؟؟؟؟

تمام يا احمد بك ..شكرا على اهتمامك ..هو الخصم اللى كان مقترح 4000 الاف جنية من ثمن الفئة دى ..
و فعلا اقترحنا عليهم تركيب مثبت السرعة فى التوكيل ..لكن الرد كان ان دة نظام متكامل و مش حينفع تركيبة فى التوكيل لازم فى المصنع نفسة ..
دة غير كمان ان فى تفصيل اخرى كانت متغيرة فى السيارة ..يعنى مثلا حولين العداد الطلاء كان اسود مش كروم زى ما هو كان متوقع ..بصراحة احنا قلقانا يكون فى اى متغيرات اخرى غير معلومة و رفضنا السيارة بالكامل لاننا قلقنا منها بصراحة بعد الموقف دة ..

**Ahmed Selim** · 02-06-2010 01:58 AM

أولاً....فى ناس سألت على المثبت للميجان 2 عشان عربياتها كانت نازله من غيره و فى التوكيل قالوا أنه ممكن يتركب بس تكلفته كانت كبيرة ( معدية ال 10 ألاف بشوية كويسين ) يعنى ممكن يتركب....دى كده كدبة متعمدة..........بس الحق يقال برضه....هتكلفهم كتير أوى عشان يعملوها...
عموماً هو أفضل أنكم مستلمتوش.....ابعت بس الميل و قولنا أيه الأخبار

-

-

الموضوع: مشكلة فى استلام ميجان 2010 الجديدة

LinkBack

أدوات الموضوع

عرض

-

-

-

-

المواضيع المتشابهه

تقرير استلام الصنى الجديدة

ليون الجديدة أم ميجان 2010

عندى مشكلة فى اللوجن الجديدة 2010

استلام كيا سيراتو 2010

ميجان 2006 ستوك استلام 2008

الكلمات الدلالية لهذا الموضوع

المفضلات

المفضلات

ضوابط المشاركة