الموضوع: لو فى رقم بيعاكس على الموبايل اية الحل

يوووووووووووووووووو

اللي يغيظ اللي بيعاكس مش عارف بيعاكس مين
وهل هو بنت ولا ولد

كنت زمان لما الاقي رقم غريب بيلح فالاتصال مردش اصلا

لحد مامرة لقيت حد بيتصل من نفس رقمي بس فودافون

ليل ونهار

رحت بعتاله مسدج

heyy..u how can u get my daughter's num.????

ومن ساعتها قطع الاتصال تماما

رحت انا متصلة ومفخمة صوتي شوية

واول مفتح قلتله الو..

قالي : والله والله والله اقسم بالله اقسم بالله والله والله معرف بنت حضرتك ولاعمري شفتها

انا كنت هموت واضحك بس مسكت نفسي قلتله امال بتتصل ليه

قالي والله ابدا انا كنت بشوف الرقم دا موجود ولا لا عشان عاوز اشتريه وألف حوار غريب كدا وقفل ومن ساعتها حرم

مرة تانية بقي جنت علي نفسها براكش

------------------

كنت فمطروح وعماله ادور علي سنترال اشتري منه كارت او احول رصيد

ولقيت يافطة كدا فلشارع لتحويل الرصيد وتحتها مكتب وكرسي ومحدش قاعد عليه

بعد شوية لقيت واحد قاعد علكرسي وماسك موبايل

رحت قلتله حولي 10 جنيه لو سمحت

راح تنحلي كدا...نعم.؟؟؟

قلتله بكل ثقة: في اي حوللي عشرة جنيه بسرعة لو سمحت

الراجل تنح شوية كدا وقالي اديني رقمك طيب

رحت مملياه الرقم

قالي اسمك اي بقي..قلتله وانت مالك باسمي هو التحويل جيلي علبوسطة

راح قالي معلش الموبايل فيه حاجة ومش عاوز يحول رصيد

ممكن تشوفي اي مكان تاني بقي

صحابي بقي الله يكرمهم وينتقم منهم جايين من بعيد يندهو عليه باسمي بعلو صوتهم

روحنا بلليل اتاري اللي كان واقف دا كان زبون مستني الراجل بتاع الكروت يشتري مننه وقاعد فامان الله ونا ريحة اقوله اشحنلي 10 جنيه

منظري طبعا كان زفت

وتلات تيام اتصالات اتصالات وفكل مرة اخلي اخو واحدة صحبتي سنة 8 سنين يرد عليه وقنعه ان دا موبايل باباه لحد تقريبا مزهق وبطل يتصل