شكل الi10

**gazzar91** · 24-06-2010 02:47 AM

المشاركة الأصلية كتبت بواسطة FLASH_SMILE

انا رايي سيبك من كلام اى حد بما انك مبسوط من العربيه دى ومرتاح معاها
اصلا اتجاهات الاغلبيه العظمى فى مصر للعربيات السيدان
لدرجة ان عدد كبير من الناس لو شاف عربيه هاتشباك يقولك عليها عربيه ماتساويش بغض النظر عن النوع وان السيدان هو الغالى(اللى تمنه فيه)
مع ان الحقيقه العكس حتى انا شايف اللى بيناسب جو مصر اكتر وزحمه السير هو الهاتش باك بس يكون للعائلات الصغيره او الشباب
لكن لو لعائله كبيره يبقى طبعا السيدان احلى
وانا عن نفسى لو بختار بين اى عربيتين ومتقاربين فى اى حاجة وواحده هاتش وواحده سيدان هختار الهاتش باك وهفكنى من كلام الناس , كلام الناس هو دائما اللى بيرجعنا لورا

طيب سؤال برئ

حضرتك مش بتحس إن السيدان أشيك و وقورة أكتر؟؟؟
في رعاية الله.........

**digi_7E** · 24-06-2010 04:22 AM

بصراحة يا باشا تبقى غلطان جداً
امال اصحاب الفيرنا يعملوا اية بقى ؟ ... بقت عربية شعبية جداً و بقت تاكسي و بقيت بشوف فيها كمية نيكل فظيعة و شغل تاكسجية عاااار

لا يا باشا مش معاك ..اتمتع بعربيتك و ربنا يبارك لك

**MaZaGAngeE** · 24-06-2010 04:41 AM

بص يا باشا أنا هقولك نفس اللي قلته لواحد زميلي في الشغل اشترى عربية مستعملة و أنا كنت معترض عليها و بعد ماجابها اللي يقوله دي غالية دي مش حلوة دي عيبها مش عارف ايه و الراجل قرب يكره العربية و راح يتمنها عند ميكانيكي عشان اتعقد منها و خد رأيي تاني قلتله :
سؤال انت العربية عملت معاك مشاكل ؟
قاللي لأ
سؤال : انت مرتاح في سواقتها ؟
قاللي أيوة
سؤال : انت اشتريت و الراجل باعلك على اتفاقكم ؟
قاللي أيوة
سؤال : بتركب انت و عيلتك في العربية و مقضية كل طلباتكم و مشواركم ؟
قاللي أيوة

قلتله : لو قابلك حد و قالك العربية غالية أو مش كويسة رد عليه و قله اشتري انت عربية رخيصة أو حلوة لكن أنا مقتنع بعربيتي و مريحاني

لو كرهت عربيتك مش هتقدر تحط رجلك فيها , سيب الناس تقول زي ماهيه عايزة انت مش هتمسك لسان حد و كل واحد بيحكم على حسب وجهة نظره و ظروفه الشخصية ................................

أهم حاجة انك مرتاح في ركوب العربية و مشاكلها انت قادر تحلها و مقضية طلبات بيتك
غير كده كله كلام ملوش أي لازمة ...........................
.

**gazzar91** · 24-06-2010 04:47 AM

المشاركة الأصلية كتبت بواسطة mazagangee

بص يا باشا أنا هقولك نفس اللي قلته لواحد زميلي في الشغل اشترى عربية مستعملة و أنا كنت معترض عليها و بعد ماجابها اللي يقوله دي غالية دي مش حلوة دي عيبها مش عارف ايه و الراجل قرب يكره العربية و راح يتمنها عند ميكانيكي عشان اتعقد منها و خد رأيي تاني قلتله :
سؤال انت العربية عملت معاك مشاكل ؟
قاللي لأ
سؤال : انت مرتاح في سواقتها ؟
قاللي أيوة
سؤال : انت اشتريت و الراجل باعلك على اتفاقكم ؟
قاللي أيوة
سؤال : بتركب انت و عيلتك في العربية و مقضية كل طلباتكم و مشواركم ؟
قاللي أيوة

قلتله : لو قابلك حد و قالك العربية غالية أو مش كويسة رد عليه و قله اشتري انت عربية رخيصة أو حلوة لكن أنا مقتنع بعربيتي و مريحاني

لو كرهت عربيتك مش هتقدر تحط رجلك فيها , سيب الناس تقول زي ماهيه عايزة انت مش هتمسك لسان حد و كل واحد بيحكم على حسب وجهة نظره و ظروفه الشخصية ................................

أهم حاجة انك مرتاح في ركوب العربية و مشاكلها انت قادر تحلها و مقضية طلبات بيتك
غير كده كله كلام ملوش أي لازمة ...........................
.

+1111111111111111
نفس الكلام حصل معايا.. "ليه 60,000 في عربية مستعمله" .. "تكييفها وحش" .."عفشتها ناشفة".. "شكلها مش فابريكة"... "ماجبتش كذا ليه؟".. بالذات الجملة بتاعة السعر دي... و هم مش فاهمين إني ماقدرش أجيب زيرو في وسع ولا ثبات ولا كماليات عربيتي بالسعر ده إلا صيني!!
ناس كتير كرهتني فيها بالكلام ده... بس إكتشفت إني بحبها قوي.. خصوصاً بعد الحادثة!!!
إدعولي تقوم بالسلامة...
ربنا يكفيكم شر الحوادث...
في رعاية الله...

**kar!m** · 24-06-2010 12:14 PM

أنا شايف ان شكلها شبابى و روش و مميز وربنا يباركلك فيها.

**hatem_hkf** · 24-06-2010 12:23 PM

والله عربية اكتر من محترمة هي عربية من احسن العربيات الي ركبتها

**زينة الله** · 24-06-2010 12:30 PM

أهم حاجة انها مريحاك و مش عاملة معاك مشاكل والحمد لله
حكاية الشكل دى فكرتنى بواحد قريبى كان عنده عربية آخر شياكة
غير مصاريفها الغالية ، كانت كل مشوار بمصيبة أو حادثة
أو خبطة ملهاش اى لازمة حتى وهى وافقة مكانها فى الباركنج
استعيذ بالله من الشيطان وأقرأ المعوذتين و نفسك تهدئ إن شاء الله

**John_Samy_1** · 24-06-2010 06:08 PM

لو إنت مقتنع بعربيتك خلاص, العربية ديه زي العروسة إنت أكتر واحد فاهمها لو إنت شخصيا مش مقتنع (مش عشان كلام الناس عشان اقتناع داخلي) هنا بقى يبقى تفكر في الطلاق (اقصد البيع :d)
أنا ياما اتقالي ديه ضيقة, صغيرة, لما تبقي مدير لازم تغير, مش هتعرف تسافر بيها, .... كلام كتير. بس أنا بعشق عربيتي مهما قالولي ومش هاغير رأيي إلا لو تعبتني مش لو الناس قالولي هتتعبك. ابعد عن كلام الناس عشان تستريح أسهل حاجة إني أتكلم على عربية واقول وحشة دا بتاعتي أحلى.

**a_tantawy7** · 26-06-2010 03:55 AM

مشكورين جميعا على الردود يا شباب

**ahgendy** · 10-07-2010 12:19 PM

بصراحة من غير زعل

أنا مفكرتش فيها على الإطلاق غير إني أجيبها لمراتي

فيه عربيات هاتشباك كتير شيك ولذيذة وتنفع شبابي وعائلي
بس دي بالذات شكلها كده راكب معايا حريمي

مشاهدة نتائج الإستطلاع: رأيك في شكل الi10

الموضوع: شكل الi10

LinkBack

أدوات الموضوع

عرض

-

-

-

-

-

المواضيع المتشابهه

ولاعة الi10 عملالى مشكلة

الi10 لسة مكملتش 200 كيلو وأتخبطت!

الi10 لسة مكملتش 200 كيلو وأتخبطت!

الi10 ب54 ألف زيرو؟؟؟؟؟

توقعات عن الi10

الكلمات الدلالية لهذا الموضوع

المفضلات

المفضلات

ضوابط المشاركة