شكل الi10

**a_tantawy7** · 02-06-2010 04:23 AM

الموضوع باختصار يا اخواني أني معايا عربية هيونداي i10 والعربية بسم الله ما شاء الله شايلاني و مبتشتكيش رغم أني مبهدلها معايا الصراحة,
المشكلة أني لما أشتريتها كان عاجبني جدا شكلها, بس مع الوقت أبتديت أحس أن شكلها بناتي و مش شيك زي ما كنت شايفها في الأول, الموضوع ده عامللي عقدة لدرجة أني فكرت جديا أبيع عشان موضوع الشكل ده. أنا عايز أخد رأي أخواني في المنتدى المحترم ده, أيه رأيك في شكل العلابية؟ يعني لما بتشوفها في الشارع بتقول عليها أيه, عربية لعبة, عربية صغيرة ولذيذة, شكلها وحش, حلوة , عربية رخيصة؟
مشكورين يا شباب..

**fadyspot** · 02-06-2010 04:47 AM

بص يا باشا , ال i 10 عربية اكتر من ممتازة بس مشكلتها انها فعلا بناتي شوية . يعني انا بصراحة عشان راكب ماتريكس يوم ما جيت اركب i 10 كانت بتاعت واحدة زمياتي و مكنتش حابب اني امشي بيها كتير لان مقارنة بالماتريكس دي تعتبر لعبة او بناتي زي ما حضرتك قلت .
بس عموما دي اذواق ولو حضرتك مرتاح للعربة و زي ما بتقول شيلاك متحطش في دماغك اي حاجة و ربنا يديك خيرها و يكفيك شرها .
تقبل مروري .

**Scuderia.M** · 02-06-2010 06:59 AM

بص يا باشا, مادام العربيه شيلاك ومريحاك و مبتشتكيش يبقى مش هتفرق بقى شكلها بناتي ولا لعبه. ماهو ممكن حضرتك تبقى راكب 4x4 وشكلها وحش وهي قرفاك.
وانا عن نفسي لما بشوفها في الشارع بشوفها عربية صغيرة ولذيذة

**M.Mosaad** · 02-06-2010 09:16 AM

عربيه لذيدة جداااااااااا و اعتقد مناسبة لسعرها بالنسبة للعربيات في مصر و طالما مؤديه الغرض منها انها وسيله مواصلات مريحه تبقي قلتها هي اللي وحشة

راي انها عربيه شيك بالنسبة للفئة بتاعتها

**YoussefMostafa** · 02-06-2010 09:27 AM

لا يا باشا بلاش موضوع الشكل يخليك تفكر ف بيعها الموضوع مش مستاهل

دايما بقول ال i10 ب جنوط وسبويلر بتبقي تحفة

**n_i_t_e** · 02-06-2010 10:00 AM

لا مش بناتى...هو النقطة أن ساعات الواحد بيبقى عنده انطباع أن أي عربية صغيرة هاتش باك تبقى بناتى...يبقى ضم بقى البيكانتو و الجيتز هههههههه
لا و الله دي عربية شيك و شكلها حلو. هو الحاجة اللى تخلينى أقول أن شكلها بناتى أختيار اللون. :)
بشوفها مع شباب مش بحس بأختلاف. بحس بأختلاف بس لو لقيت رجل كبير راكبها لأن ستايلها شبابى.

**yasoraa** · 21-06-2010 11:40 PM

عربية جميلة جدا وسيبك من الاوهام دي طالما العربية مريحاك

**Mostafa.Mahran** · 21-06-2010 11:56 PM

انت مالك و مال الناس كل واحد حر فى رأيه

المهم انت رأيك ايه فى العربية

**FLASH_SMILE** · 22-06-2010 12:07 AM

انا رايي سيبك من كلام اى حد بما انك مبسوط من العربيه دى ومرتاح معاها
اصلا اتجاهات الاغلبيه العظمى فى مصر للعربيات السيدان
لدرجة ان عدد كبير من الناس لو شاف عربيه هاتشباك يقولك عليها عربيه ماتساويش بغض النظر عن النوع وان السيدان هو الغالى(اللى تمنه فيه)
مع ان الحقيقه العكس حتى انا شايف اللى بيناسب جو مصر اكتر وزحمه السير هو الهاتش باك بس يكون للعائلات الصغيره او الشباب
لكن لو لعائله كبيره يبقى طبعا السيدان احلى
وانا عن نفسى لو بختار بين اى عربيتين ومتقاربين فى اى حاجة وواحده هاتش وواحده سيدان هختار الهاتش باك وهفكنى من كلام الناس , كلام الناس هو دائما اللى بيرجعنا لورا

**hema1975** · 23-06-2010 02:55 PM

انا معايا العربية و بجد تحفة و مبهدلها حرق و مشاوير و حفر و طرق مكسره و الحمد لله زى الفل ما شاء الله

بس مش راضى عن اداء التكييف فى عز الحر بالذات لو العربية مركونه فى الشمس بتولع لان الفرش جلد و انسى التكييف معرفش عندك نفس الشكوى ولا التكييف بتاعى عايز يتشحن؟؟؟؟ مع انه تلاجه بالليل

لكن بالنسبة للشكل انا اكتر حاجه شدتنى للعربية شكلها من قدام و تقليد شبكة السيفيك اللى ظهرت فى كل ال i + الطاره شكلها تحفه

مشاهدة نتائج الإستطلاع: رأيك في شكل الi10

الموضوع: شكل الi10

LinkBack

أدوات الموضوع

عرض

-

-

-

-

المواضيع المتشابهه

ولاعة الi10 عملالى مشكلة

الi10 لسة مكملتش 200 كيلو وأتخبطت!

الi10 لسة مكملتش 200 كيلو وأتخبطت!

الi10 ب54 ألف زيرو؟؟؟؟؟

توقعات عن الi10

الكلمات الدلالية لهذا الموضوع

المفضلات

المفضلات

ضوابط المشاركة