النوبيرا اتخبطت يارجاله حد يلحقنى

**taswos** · 10-02-2008 05:44 AM

امبارح كنت راكب مع واحد صاحبى عربيته نوبيرا 2007 وبعدين اخدنا الكلام وهو سرح خبط فى اتوبيس فى الرفرف الشمال الحمد لله الخبطه مش جامده بس احنا عايزين نصلحها قبل ماأبوة يعرف ياريت حد يفيدنا ارجوكم
العربيه موجوده فى اكتوبر وياريت لو حد يقولنا على مكان سمكرى يبقى ممتاز فى الملاكى ويوصيه علينا ويخلصهالنا فى نفس اليوم
هى الخبطه بالظيط بعد الفانوس بشوية حوالى شبر بايدك بس شكلها وحش
ياريت حد يرد على ويجاوبنى

**taswos** · 10-02-2008 02:50 PM

باقى من الزمن على رجوع الوالد يومين
حد يلحقنا طيب

**TAG_Turbo0** · 10-02-2008 02:53 PM

بص انا رأى الولد يرجع لأبوه ويأله أتخبط وخلاص مش هيموتو يعنى
وبعدين لو ردتها على البارد هتبان بردو
قول لصحبك يخليه شجاع ويواجه الموقف

**taswos** · 10-02-2008 03:05 PM

ماهو اللى ايده فى الميه مش زى اللى ايده فى انار
هيبقى فى كلام كتير
ياريت ياجماعه حد يقولنا على عنوان سمكرى كويس
ياريت

**شاهين - بنز** · 10-02-2008 03:06 PM

لو مش عايز الوالد يعرف يبقى لازم تردها على السخن بتكلفة 300 جنيه شاملة الدهان والسمكرية حتلاقيهم في الحي السابع خلف مدرسة الروضة

**taswos** · 10-02-2008 03:17 PM

اشكرك بس تعرف اسمه ايه
وانت قصدك انهى حى سايع (اكتوبر,مدينة نصر)
وهو شغله حلو ولا لأ؟

**mohamed ibiza** · 10-02-2008 04:01 PM

الرد علي البارد هيتعرف بسهولة تترد و يحمي عليها بالنار و دوكو انا اعرف سمكري في المريوطية انما اكتوبر لا

Ibiiiiiiiiiiiiiiiiiiiiiiiiiiiiiiiiiiiiiiizzzzzzzzz zzzzzzzzzzzzzaaaaaaaaaaaaaaaaaaaa For Ever

**road_devil** · 10-02-2008 04:23 PM

بص فيه واحد عندى فى الهرم لسه كنت برد عنده شوية خبطات بسيطة على البارد بصراحة هو شغله حلو وسعره حنين بس المشكلة أنه زحمة أوى وعملى العربية بالعافية من زحمة الشغل , بس عاوز أنبهك لحاجة أن الرد على البارد لازم هيبان مهما حاول السمكرى انه ياخد باله وخاصة أن رش الدايو كله مش قد كده وخاصة كمان لو معاك لون فاتح . وفيه واحد تانى ينفع فى نفس مشكلتك ديه , ده فى عابدين وأسمه على ما أتذكر "العربى السريع" وسبب التسمية انه أغلب الى بيروح عنده بيبقى فى الأغلب العيال الى مش مطلعة رخصة و سارقة العربية من ورا أهلها واتخبططت منها (كلام بجد والله مش هزار) فبيخلص العربية فى وقت قياسى وانت واقف بس طبعا سعره حراق وده على حسب كلام واحد صاحبى كان بيعمل العربية بتاعته عنده . لو عاوز اى واحد فيهم قلى وأنا تحت أمرك , السمكرى الأولانى أنا عارف مكانه كويس أنما التانى هسئلك عليه لو عايز, وكفانا الله جميعا شر الحوادث

**taswos** · 13-02-2008 05:11 PM

اشكركم جدا يارجاله والحمد لله صلحنا العربيه وكله تمام وشكلها مش باين خالص الا لو مشيت ايدك عليها هتحس بالسمكرة اللى فيها
وكلفته 200 جنيه بس
ومنجيلكمش فى حاجة وحشة ابدا