العربيه اتخبطت يارجاله؟

**Ahmed_selmy** · 20-09-2011 12:53 PM

السلام عليكم
كنت عايز اعرف سعر الباب الجنب الامامى يمين(اللى قاعد جنب السواق) سعره كام فى التوكيل وبره التوكيل او استيراد لحسن الباب عند والدتى اتعجن امبارح وشكله كده حيتغير .
وكان عندى استفسار اخر لو انا غيرته بره التوكيل ده يضيع الضمان ولا لا؟
علما ان العربيه افيو 2009 بيزك يعنى زجاج عادى و مفيهاش سنتر.
ارجوا الافاده ارجوكم لحسن انا محتاس على الاخر , وربنا ما يوقعكو فى ضيقه.

**ahmed** · 20-09-2011 03:03 PM

0103667474 ده تلفون محل فى الحرفيين شغال فى الافيو بس قطع غيار استيراد اسمه الحاج وليد كلمه واساله على سعر الباب واى حاجة انت عايزها

**Ahmed_selmy** · 20-09-2011 05:41 PM

شكرا يا باشا
وجارى الاتصال وان شاء الله ابلغ الجميع بالتفاصيل

**Ahmed_selmy** · 24-09-2011 12:59 PM

السلام عليكم
انا حاولت اتصل بالحاج وليد بس ماردش عليا فقررت انى اروح لسمكرى حبيبى يقولى اعمل ايه
روحت امبارح الصبح للسمكرى قللى "لازم باب جديد" واتفقنا اروحله باليل ونروح الحرفيين
وروحت الحرفيين امبارح ودى اول مره اروح هناك , حاجه ممتازه قطع غيار وانصاف عربيات وحاجه تفرح
المهم قعدت اللف على الباب ملقتوش كتير مش عارف ليه هل عليه اقبال ولا لا
الاسعار عموما كالتالى الباب استيراد فاضى 1500 جنيه تقريبا ومليان 2000 جنيه
جديد بقى واحد قالى 1200 جنيه وكنت حاجيبه بس طلع خلصان وواحد تانى قالى 1500 جنيه
عموما بعد اللف والتدوير والفصال قدرت بعون الله اجيب الباب ب 1300 جنيه بس فيه خبطه صغيره السمكرى قالى عادى هعملهالك.
ملحوظه الباب الجديد لازم يترش حاجه اسمها فليتوا علشان لما يركب يبقى عامل زى الاصلى ودى الفايده اللى فى الاستيراد انه بيكون مرشوش لانه كان راكب ولكن الجديد لازم يترش.
لو حد عنده علم سعرالباب فى التوكيل كام من اجل المقارنه؟

**fawzyyyy** · 26-09-2011 02:39 AM

قدر الله و ما شاء فعل

اول حاجة سعر الباب كويس جدا و طبعا لازم يترش لأنه بلون عربية مختلف عن عربيتك

لكن الباب في التوكيل الجديد بيبقي لونه اسود و ده لازم ياخد وش عازل قبل ميترش زي الاكصدامات الجديدة كدة عشان البوية متقشرش من عليه......و طبعا سعر في التوكيل بدون سؤال يمكن يكون الضعف او ممكن 3 اضعاف السعر اللي انت جايبه

**Ahmed_selmy** · 26-09-2011 03:42 AM

المشاركة الأصلية كتبت بواسطة fawzyyyy

قدر الله و ما شاء فعل

اول حاجة سعر الباب كويس جدا و طبعا لازم يترش لأنه بلون عربية مختلف عن عربيتك

لكن الباب في التوكيل الجديد بيبقي لونه اسود و ده لازم ياخد وش عازل قبل ميترش زي الاكصدامات الجديدة كدة عشان البوية متقشرش من عليه......و طبعا سعر في التوكيل بدون سؤال يمكن يكون الضعف او ممكن 3 اضعاف السعر اللي انت جايبه

شكرا يا باشا على الرد
هوا فعلا لو كان الباب جديد كان حيترش حاجه اسمها "فليتو" قبل ما يترش بلون العربيه وده حسب كلام السمكرى اللى كان معايا وان شاء الله هقوللكوا على سعر السمكرى والدهان لما اخلص.
ومنجيلكوش فى حاجه وحشه.

**HeMa_LanCeR** · 26-09-2011 11:26 AM

مافيش حاجه اسنها يترش فلتو
الفلتو ده السيليكون اللي بتقفل بيه شفه الصاج
ولما بتجيب باب جديد مش بيبقي فيه
فا بيتحط عليه علشان يبان اصلي
وانا ارجحلك باب أصلي نفس اللون
دور عليه شوية بس متعرفش التاجر انك محتاج اللون ده :)

**fawzyyyy** · 27-09-2011 01:11 AM

المشاركة الأصلية كتبت بواسطة hema_lancer

مافيش حاجه اسنها يترش فلتو
الفلتو ده السيليكون اللي بتقفل بيه شفه الصاج
ولما بتجيب باب جديد مش بيبقي فيه
فا بيتحط عليه علشان يبان اصلي
وانا ارجحلك باب أصلي نفس اللون
دور عليه شوية بس متعرفش التاجر انك محتاج اللون ده :)

كلام سليم 100%