عايز اشترى افيو وعايز اعرف رأى مالكى السيارة, وهى احسن ولا اللوجان

**shouk_1987** · 07-06-2010 11:01 AM

المشاركة الأصلية كتبت بواسطة hanyyacot

يا فندم ربنا يخليك , وكتر خيرك وميرسى على اهتمامك, انا اصلا قعدت فترة حوالى 5 شهور كده كانت معايا الافيو بس كانت بتاعة الشغل فى بلد برة مصر, اعتقد انها كانت كورى, وكانت ملاحظاتى ان عفشتها خشنة ومش ملايحة فى المطبات, كمان اتزانها مش كويس خالص بعد ال 100 , بس مكنتش عارف عيوب العفشة دى فى كل الافيو ولا العربية اللى كانت معايا عشان يمكن اتهلكت شوية , ولما نزلت مصر لقيت فى ناس ابتدت تشتكى من نفس الكلام , انا عارف ان ميزتها انها واسعة اوى من جوة , وشكلها كويس وسحبها معقول , عشان كده محتار وبقارن بينها وبين اللوجان وانا اولى بال 10000 الفرق , وفى الاخر متشكر جدا يا فندم

افيو ايه يا افندم اللى واسعة من جوه !!!!
الفيرنا و اللانوس والافيو التلاتة صالونهم مفعوص

اللوجان هى اللى وسعها رهيييييب ما شاء الله عليها روح المصرية اركبهم و انت تعرف او ممكن تلحق المعرض النهاردة اخر يوم

**hanyyacot** · 07-06-2010 11:15 AM

يا باشا براحة عليا شوية بس , انا العربية اللى سوقتها وكانت معايا كانت عربية شركة , وانت عارف بيحصل ايه فى عربية الشركات , ف قلت ممكن تكون دى حالة خاصة بالعربية دى عشان اتبهدلت ومشيت كتير اوى وطبعا محدش بيحافظ عليها , وكانت تقفيل كورى كمان , ف قلت اسأل الناس ملاك العربية اكيد معاملتهم للعربية مختلفة , هى بس ميزتها فعلا انها من اشيك العربيات فى الفئة بتاعتها وموتورها كويس , اعتقد انى مقتنع دلوقتى 90% ب اللوجان , وميرسى يا فندم على ردك

**shouk_1987** · 07-06-2010 11:36 AM

يا باشا و الله انا ما بهاجمك ولا حاجة و لعلمك انا اخواتى الاتنين متجوزين و معاهم افيو واحدة مصرى 2008 و واحدة كورى 2009
على فكرة انا معايا فيرنا 2010 و قبل ما اجيبها سمعت العجايب و اللى يقولك بطيخة يا حمرا يا أرعة و ابعد عن غبور و ابعد عن منصور و ابعد غن مش عارف مين طب أروح لمين ياعنى و اللى يقولك من اول 2008 تقفيلها بقى زباالة و طلعوا فيها القطط الفاطسانة بس الحمد لله زّى الفل حتى الآن
و ربنا يوفقك يا باشا فى اختيارك ان شاء الله

**shark12345** · 07-06-2010 05:00 PM

نيو اكسنت افضل من الافيو عن تجربة

**mmtronic** · 07-06-2010 06:49 PM

سيدى الفاضل

بص على اللينك دة - صاحب الموضوع جمع كل ما يتعلق بعيوب العربية دى - على فكرة انا معايا الاوتوماتيك 2009

http://www.nilemotors.net/Nile/13852...post3872530873

و لو انت فاضى

كباية شاى كدة و اعمل بحث على كلمة افيو او الافيو فى قسن شيفرولية بس ابقى خدلك ساتر من الموضيع الى حتنط فى وشك عن مشاكل العربية دى

و القرار ليك فى الاخر لان محدش حيشيل البلاء الا انت

و ربنا يوفقك