عايز اشترى افيو وعايز اعرف رأى مالكى السيارة, وهى احسن ولا اللوجان

**hanyyacot** · 02-06-2010 11:53 AM

السلام عليكم:

ان شاءالله ناوى اشترى عربية قريب وعايز اعرف الافيو التقفيل المصرى كويسة ولا فعلا زى ما بسمع فيها مشاكل كتيرة, وعايز اعرف لو حد عنده الخبرة , اشترى الافيو ولا اللوجان , ارجو الاهتمام والمساعدة وشكرا

**OilMan** · 02-06-2010 12:12 PM

متهيالى الكلام اللى سمعته صح وادخل على منتدى شيفروليه هنا وشوف البلاوى والاحسن انزل معرض اوتوماك الاختيار حيبقى اوسع لحضرتك

**Dr_Essam** · 02-06-2010 01:44 PM

العربية معايا من 3 شهور و مافيش أى مشاكل و الحمد لله ..
على فكرة , أنا قبل ما أشتربها كنت هاصرف نظر عنها بسبب الكلام و الشتائم اللى عليها فى المنتدى و لولا أنى جربتها أكثر من مرة مع ناس
أعرفهم ماكنتش صدقت أن العربية دى كويسة...بس خليك فى الكورى ..
و لو رجع الزمن بيا لورا كنت هاختار الأفيو برده..
نصيحة ليك , جرب العربية الأول و ماتأخدش بالكلام بس ..
و أنا تحت أمرك لو عايز تجرب عربيتى ...
و ربنا يوفقك لما فيه الخير...

**hanyyacot** · 02-06-2010 06:17 PM

يا فندم ربنا يخليك , وكتر خيرك وميرسى على اهتمامك, انا اصلا قعدت فترة حوالى 5 شهور كده كانت معايا الافيو بس كانت بتاعة الشغل فى بلد برة مصر, اعتقد انها كانت كورى, وكانت ملاحظاتى ان عفشتها خشنة ومش ملايحة فى المطبات, كمان اتزانها مش كويس خالص بعد ال 100 , بس مكنتش عارف عيوب العفشة دى فى كل الافيو ولا العربية اللى كانت معايا عشان يمكن اتهلكت شوية , ولما نزلت مصر لقيت فى ناس ابتدت تشتكى من نفس الكلام , انا عارف ان ميزتها انها واسعة اوى من جوة , وشكلها كويس وسحبها معقول , عشان كده محتار وبقارن بينها وبين اللوجان وانا اولى بال 10000 الفرق , وفى الاخر متشكر جدا يا فندم

**Dr_Essam** · 02-06-2010 06:38 PM

العفشة بتاعتها ناشفة شوية فعلا على المطبات لكن مش أوى يعنى..
لكن الثبات ممتاز لحد 120 و بصراحة ماجربتش على سرعة أعلى من كده ...
أكيد اللوجان عفشتها أنعم من الأفيو لكن فيها بعض الحاجات اللى تضايق زى أماكن الزراير و الكلاكس و عدم فتح الشنطة و التنك من الداخل ..!
لو الحاجات دى مش فارقة معاك و شكلها عاجبك توكل على الله و هات اللوجان و انت أولى بفرق ال10000 جنيه ..
و ربنا يوفقك

**mustafaibrahim** · 02-06-2010 06:47 PM

افيو او فيرنا

**dark_smoky** · 03-06-2010 12:17 PM

عندك كيا ريو ، هيونداي نيو اكسنت و اللوجان ... و أعقلها و توكل

**nadenono** · 07-06-2010 01:23 AM

أرجوك أرجوك أرجوك أرجوك أرجوك أرجوك أرجوك أرجوك أرجوك أرجوك أرجوك أرجوك أرجوك أرجوك أرجوك أرجوك أرجوك أرجوك أرجوك أرجوك أرجوك أرجوك أرجوك أرجوك أرجوك أرجوك أرجوك أرجوك أرجوك أرجوك أرجوك أرجوك لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا لا تشتري الآفيو طالما انك بتحس بعيوب العفشة

**OilMan** · 07-06-2010 10:32 AM

يعنى حضرتك ركبتها وكمان جربتها مدة وحسيت بالمشاكل ديه وجاى تسال الملاك هنا ايه رايكم مش عجيبه ديه شويه
ممكن الفرق 10000 يسبب لك مشاكل اكثر بكثير من قيمتهم وهى بهدلتك مع توكيل سمعته مش تمام وده من كلام كل من تعامل مع التوكيل وليس راى فردى منى
على فكرة كنت انوى شراء الافيو لزوجتى وخاصة انها عجباها جدا ولكن توقفت عن الفكره بعد ما رايت من ملاك السيارة هنا وخاصة انى فى مشاكل اغلبهم اجمع عليها

المشاركة الأصلية كتبت بواسطة hanyyacot

يا فندم ربنا يخليك , وكتر خيرك وميرسى على اهتمامك, انا اصلا قعدت فترة حوالى 5 شهور كده كانت معايا الافيو بس كانت بتاعة الشغل فى بلد برة مصر, اعتقد انها كانت كورى, وكانت ملاحظاتى ان عفشتها خشنة ومش ملايحة فى المطبات, كمان اتزانها مش كويس خالص بعد ال 100 , بس مكنتش عارف عيوب العفشة دى فى كل الافيو ولا العربية اللى كانت معايا عشان يمكن اتهلكت شوية , ولما نزلت مصر لقيت فى ناس ابتدت تشتكى من نفس الكلام , انا عارف ان ميزتها انها واسعة اوى من جوة , وشكلها كويس وسحبها معقول , عشان كده محتار وبقارن بينها وبين اللوجان وانا اولى بال 10000 الفرق , وفى الاخر متشكر جدا يا فندم

**akram2011** · 07-06-2010 10:34 AM

مش هاقولك اكتر من (ابعد عن الافيو وغنيلها )
بس خلاص

الموضوع: عايز اشترى افيو وعايز اعرف رأى مالكى السيارة, وهى احسن ولا اللوجان

LinkBack

أدوات الموضوع

عرض

-

-

-

-

المواضيع المتشابهه

عايز اشترى فلتر ميه وعايز اعرف افضل الانواع واسعارها؟؟

عايز اشترى افيو اوتوماتيك

قررت اشترى اوبل كورسا وعايز اعرف افضل مكان للفحص ضرورى جدا

عايز اشترى بطاريه وعايز اعرف سعر البطاريات الجافه 55 امبير بكام؟؟

عايز اشترى لوجان وعايز اعرف من السادة الملاك احسن مكان اشترى منه

الكلمات الدلالية لهذا الموضوع

المفضلات

المفضلات

ضوابط المشاركة