الموضوع: أرجو الافادة فى زيت فيسكو

المشاركة الأصلية كتبت بواسطة ahmadhussein

ياباشا يعنى مغيرش لفيسكو 2000 احسن ولا هو هو نفس اللزوجه ولا ايه ؟؟؟ ياريت تفيدنى وهل هو 3000 كم ولا 5000 كم زى ما المهندس الفاضل اللى شغال فى bp بيقول هنا فى المنتدى ؟؟؟؟؟؟؟

بص خش على الموضوع بتاع محمد التازي و خد رقم تليفونه و اتصل بيه وهوه يفيدك اكتر

شكرا ليك يا باشا كده فعلا زيت فيسكو ده ممتاز

بس خللي بالكم يا جماعة اللي هيغير الزيت بتاعه لازم يختار زيت يتوائم مع حالة الموتور ,
يعني الناس اللي بتغير الزيت كل 2000 أو 3000 ك دا زيت معدني فمينفعش يغيره لتخليقى بيقعد فترة طويلة لو الموتور خفيف ,

المشاركة الأصلية كتبت بواسطة a.saad

انت جايبه منين الاول
علشان ما يكونش تقليد

هوه فيه تقليد ؟؟

المشاركة الأصلية كتبت بواسطة ahmadhussein

السلام عليكم ورحمة الله وبركاته ....

يا جماعة انا امبارح كنت بغير زيت وحطيت زيت فيسكو موتور اويل بعد ما ناس كتير قوى فى المنتدى شكرت فيه وبالفعل دى تانى مرة احط فيها الزيت بس المرة الاولى العامل فى البنزينه قالى انه بيقعد 3000 كم وهنا فى المنتدى المهندس الفاضل كان قايل لى انه بيقعد 5000 كم بشرط سلامة الماتور ..... المهم انا نزلته على 3000 كم وحطيت امبارح تانى منه بس المرة دى غيرته عند الميكانيكى بتاعى ...

المهم اول ماجيبت الجركن وبغير الزيت الميكانيكى اول كلمة قالها الزيت ده لزوجته خفيفه قوى ( ده اخف من موبيل ) قولته له طيب وفيها ايه قالى استحالة ده يقعد 5000 كم او حتى 3000 كم ده بكتيره تقعده 2000 كم بس . وقالى هو ممكن يبقى زى موبيل يبقى خفيف بس لما تمشى بالعربية بيتقل شويه وبالفعل روحت مشوار ورجعت له بص عليه وشافه قالى لاء يا بيه الزيت عامل زة الميه نصيحتى قعده 1500 او 2000 كم بالكتير ...

انا بصراحه مش عارف يا جماعه اعمل ايه واسمع كلام مين ؟؟؟؟ فياريت لو حد مجربه كتير ومتاكد منه يفيدنى فى الموضوع ده وهل لو غيرت لفيسكو 2000 هيبقى احسن ولا لاء ولزوجته اعلى ولا لاء ؟ واغيره على كام علشان ابقى فى المضمون ...

ارجو الافاده من اهل الخبرة ...

وشكرا جزيلا مقدما لكل الاعضاء الكرام .

انا اوضح لك الموضوع
اولا ال 3000 كم دول للتاكسى فالفنيين يمكن اخدوا على الموضوع ده لكنه بيعمل 5000 كم فى الملاكىودة كلام البشمهندس محمد التازى من خدمة الدعم الفنى لشركة فيسكو