احذرو من مركز ياسين النزهه خلف السندباد

**negmelpahr** · 14-07-2010 05:56 PM

احلي حاجه ان الناس تدخل تقرا الموضوع وتكت رد مالوش اي علاقه بباقي المشاراكات ياريت نقرا المشاركات هاتعرف ان المشكله اتحلت ولا برده عليك وعلي حمايه المستهللك بعد ما المشكله اتحلت

**Abo el-Seoud** · 14-07-2010 05:59 PM

المشاركة الأصلية كتبت بواسطة negmelpahr

يا باشا تحت امرك بس الواحد بيزعل لما بيلاقي حد عامل موضوع وكات فيه كل حاجه غلط او سلبيه ولما مشكلته تتحل صباح الفل
زي مال قولت قبل كدا التوكيل مش وحش اوي كدا بس فيه اه عيوب وفيه حاجات وحشه بس برضه فيه ناس بتقدر وتفهم وفيه ناس بتحل المشاكل ليه بقي ما نقولش علي دا كمان

انا طبعا معرفش حضرتك بس انا كده متهيائلي انك انت اللي كلمتنى امبارح وانا قولت لك اني تمام ومبسوط جدا
بس انا كنت مشغول الايام اللى فاتت و كتبت اني حقول اللي حصل بالتفاصيل وعلا فكره انا مش من الناس ديه اللي بتقول المشاكل بس

بس مبدئيا احب انى اوجه الشكر لشركة منصور اللي هي فعلا شركه محترمه وتقدر العميل بتاعها
ولنا لقاء

**fawzyyyy** · 14-07-2010 06:28 PM

المشاركة الأصلية كتبت بواسطة abo el-seoud

انا طبعا معرفش حضرتك بس انا كده متهيائلي انك انت اللي كلمتنى امبارح وانا قولت لك اني تمام ومبسوط جدا
بس انا كنت مشغول الايام اللى فاتت و كتبت اني حقول اللي حصل بالتفاصيل وعلا فكره انا مش من الناس ديه اللي بتقول المشاكل بس

بس مبدئيا احب انى اوجه الشكر لشركة منصور اللي هي فعلا شركه محترمه وتقدر العميل بتاعها
ولنا لقاء

بصراحة اول مرة اشوف واحد بيقول ان منصور شركة محترمة....................!!!1
و الف مبروك ان مشكلتك اتحلت يا باشا و عايزين التفاصيييل بقي

**negmelpahr** · 15-07-2010 12:30 AM

المشاركة الأصلية كتبت بواسطة abo el-seoud

انا طبعا معرفش حضرتك بس انا كده متهيائلي انك انت اللي كلمتنى امبارح وانا قولت لك اني تمام ومبسوط جدا
بس انا كنت مشغول الايام اللى فاتت و كتبت اني حقول اللي حصل بالتفاصيل وعلا فكره انا مش من الناس ديه اللي بتقول المشاكل بس

بس مبدئيا احب انى اوجه الشكر لشركة منصور اللي هي فعلا شركه محترمه وتقدر العميل بتاعها
ولنا لقاء

يا بااشا تحت امرك المهم نقدر بس نصلح حاجه من الاخطاء وانا عارف ان المشاطل بتاخد شويه وقت بس بتتحل وان شاء الله خير
المهم ان حضرتك مش هاقول مبسوط عليا لاقل هاقول راضي عن التعامل وان شاء الله خير وشكرا لكلامك الجميل دا وكدا ولا كدا احنا اعضاء في منتدي واحد انا بس كنت عايز ابين للاعضاء ان مش كل حاجه وحشه في التوكيل لاني حسيت بجد ان فيه حاله من االستياء الشديد تجاه التوكيل ودا بسبب ان العميل مش عارف ايه هي الطرق اللي ممكن يتخذها علشان ياخد حقه

**Adham** · 19-07-2010 03:34 PM

المشاركة الأصلية كتبت بواسطة yoko

انا أعرفهم من زمان ومعظم الي فيه صحابي بس كلمة حق الصيانة ممتازة والسمكرة والدهان زي الزفت وحرام فيها الفلوس لكن كصيانة كويسين جدا أرحم من منصور بالذات إني من الناس القليلة الي نزلت الورشة تحت

انا من رايك انا برضة جربتهم صيانة و هما ممتازين برغم ان عربيتي مش دارجه و محتاجه تخصص قوي لكنهم اثبتوا كفائة بس عيبهم الوقت انما الشغل تمام و نضيف و محترفين و اسعار كويسة و المهندس دسوقي راجل محترم و بصراحه خدوم و بيتابع و بيدي العميل وقتة
و انا برضة سبق و نزلت الورشة تحت و لقيتهم شغالين في عربيتي رغم اني رحت فجأة اشوفهم عملوا فيها اية

ربما السمكرة و الدوكو عندهم ها اللي مش عالمستوى انا ماجربتهمش فيها لاني مش باعمل دهانات في توكيلات من اساسة و انما عند معارف من زمان

**negmelpahr** · 21-07-2010 12:59 AM

المشاركة الأصلية كتبت بواسطة fawzyyyy

بصراحة اول مرة اشوف واحد بيقول ان منصور شركة محترمة....................!!!1
و الف مبروك ان مشكلتك اتحلت يا باشا و عايزين التفاصيييل بقي

اعتقد ان السياره لسه في الفرع انا مش هاحرق اللي حصل انا عايز صاحب الموضوع يقول التفاصيل

**Abo el-Seoud** · 26-07-2010 10:10 AM

اولا انا اسف علي التاخير بس انا كنت مسافر
ثانيا شكرا لكل من اهتم بالموضوع واضاف تعليق
نبدا بس بدون اسامي اشخاص علشان الخصوصيه
كما انتو عارفين انه هناك واحد من منصور كلمني وقال لي انه ميستانيني علشان يشوف الموضوع وكان ميعادنا يوم الاحد الموافق 11-07 السععه 10.30 صباحا المهم روحت في الميعاد وانا مش متاكد من اللي ممكن يحصل (زي الاغنيه) علشان انت اكيد في مصر

.

رحت حسب الميعاد الي الشخص اللي كلمني وشرحتلو اللي حصل بالظبط ورحنا لمدير السمكره والدهان علشان يشوف العربيه وكانت علامات الاستغراب علي وجهه من اللي شافه وقالي مفيش ضمير (هو محبش يغلط في حد علشان هوا انسان محترم).

طيب ايه رايك اعمل ايه قال لازم تقدم شكوي مكتوبه وتقول اللي حصل وبعدين نشوف هنعمل ايه , ان قولت له بس انا عامل شكوي اصلا من حوالي شهر وبناء عليه انا جيت النهرده.
المهم الموضوع تصاعد مره اخري وطلع لمدير المركز وكان رده انه يجب اني ارجع لمركز ياسين تاني علشان يعملوها هناك.
انا اول ما سمعت كده حسيت انه كده بيتلعب بيا وقلت لهم انا عايز اقابله وفعلا روحت قابلته (ايضا شخصيه محترمه ومتفهمه) وشرحت له اللي حصل وهوا مقتنع تماما انه يجب اني اروح مركز ياسين للاصلاح هناك وقال لي انه سوف يكتب اللي في العربيه في تقرير وعند الاستلام هيبعت حد من منصور الي مركز ياسين لاستلام العربيه ولو فيها حاجه يبقي تتعمل في منصور (علي اساس اني فاضى والعربيه فار تجارب),

بس انا رفضت الاقتراح ده واصريت اني من حقي انها تتصلح في المركز الرئيسي علشان الاسباب الاتيه:-
1 انا رحت مركز ياسين اكثر من مره ولم يتم الاصلاح (ولو كانو يعرفوا وعندهم الامكانيت كانوا عملوها من الاول)
2 انا مش فاضى اروح تاني وانا عارف انهم مش هيعرفوا يعملوا حاجه وهجيلكم تاني
3 عربيتى مش فار تجارب لمركز ياسين

هوا قالي طب حضرتك لو عارف ان المركز مافيهوش امكانيت للسمكره والدهان وديت عربيتك هناك ليه ؟؟؟؟
رضي كان مختصر جدا ( انا رحت لياسين علي اساس انه مركز خدمه معتمد لوكيل شيفورليه مصر واسمه نازل في كتيب الضمان بتاعكو يعني انته لو مش شايفين انه مش معتمد ليكو المفروض انه يتشال من كتيب الضمان)

قالي هوا مش متمد في السمكره والدهان
انا قولت يعني انا مفروض اعرف منين [OVERLINE](ياسين مش معتمد وبياخد نفس سعر التوكيل في السمكره والدهان شوفتوه النصب)[/OVERLINE]
المهم الراجل بعد الكلام ده كلم مركز ياسين وقال لهم ان العميل (انا يعني) رافض انه يجيلكو تاني وانا هعملو العربيه عندنا وهحمل الفواتير عليكم علشان اللي حصل في العربيه ده مش طبيعي

نزلنا انا وهوا علشان نروح السمكره والدهان ويكتبلي امر الشغل , واحنا نازلين شاف العربيه وشاف المصايب اللي فيها وعرف اني لااتجني

سيبتيلهم العربيه يوم الخميس الموافق 15-07 ومفروض اني استلمها من يومين بس للاسف معنديش وقت اروح هيا خلصت انا كلمتهم بس يارب اعرف اروح بكره

طبا بعد الاستلام هقول لكم اللي حصل بس احب اني اوضح بعض الاشياء:-
1 من ساعة ما انا روحت لغاية لما اخدت حقي متنرفزتش ولا زغقت خالص لانهم ناس قمه في الزوق من اول الاستقبال مرورا بمدير السمكره والدهان الي مدير المركز
2 انك تاخد حقك في مصر صعب بس لو اصريت هتخدوه بس من غير زعيق (بالهدوء)

كلمه اخيره فعلا لو منصور مش شركه محترمه ولا كان عمل حاجه من ديه وقالي اخبط راسك في الحيطه لانو مش هوا اللي مصلحها, بس هيا فعلا شركه ليها كيان وبتحترم العملاء وده مش نفاق بس دي الحقيقه علشان اللي عملوه معايا

**fawzyyyy** · 26-07-2010 02:04 PM

ربنا يوفقك ........بس احنا عايزين نشوف النتيجة
اول ما تستلمها عايزين تقرير عن اللي حصل معاها
و بيني و بينك انا حاسس ان في مشكلة عندنا هنا في منتدي شيفرولية ............ان مفيش حد بيعمل تقرير عن عربيته او تقرير صيانة عملها الا اما يكون حصل معاه مصيبة او خناقة في التوكيل..........عشان كدة اول ما تيجي المنتدي و تقرا المواضيع تلاقيها كلها عن مصايب و شكاوي منصور............!!!!