أرجو مساعدتي في ترشيح سيارة مناسبة للمبلغ اللي معايا .. وشكراااااا

**TransParancy** · 02-06-2010 10:11 PM

بسم الله الرحمن الرحيم

ياريت ياجماعة ترشحولي عربية تكون كويسة ومناسبة للمبلغ اللي معايا

انا معايا 17 وممكن يوصلو ل20 إن شاء الله

انا لقيت اعلان عن فورد اسكورت 2 باب موديل 89 ب17 بس قالولي حاجتها غالية جداا ومش اقتصادية خالص

انا ماليش أوي في العربيات ومعرفش الأنواع عشان كدا مش عارف اجيب ايه بالفلوس دي

يعني انا لقيت اعلانات للريجاتا في الرينج اللي انا بتكلم فيه دا بس معرفش بردو الريجاتا حلوة ولا لأ

ياريت تساعدوني بقى وتقوليلي عربيات وموديلات تكون مناسبة للسعر

وألف شكر مقدماً

**ahmdmagdy** · 03-06-2010 01:34 AM

لو انت لسه جديد في عالم السيارات انا ارشحلك ممكن لادا2107 او 128 او 131 او ريجاتا كلهم ممتازين و صيانتهم سهله و قطع غيار رخيصه

**hero_hamada** · 03-06-2010 02:25 AM

حضرتك اللادا هتستحمل جدا وهتلاقيها بالسعر ده
وكمان الريجاتا حلوة
والريتمو كمان تقريبا نفس السعر

**AMA** · 03-06-2010 04:51 AM

بص يا سيدى بما إنك لسه جديد فى العربيات فأحب أقولك أنك عايز عربية أكيد أستهلاكيه شوية و دا هيكون أقل من 1600 سى سى عشان سحب البنزين
بالنسبه للماركات النادرة حاول تجنبها لأنها هتكون فى قطع الغيار غاليه جدا حتى لو فانوس او حاجة حصلت هتغيرها بسعر يعتبر الضعف دا غير سعر إعادة البيع يعنى لو عايز تبيعها هتخسر أكتر من 6 ألاف جنيه
أنا من وجهة نظرى بالـ17 ممكن تجيب فيات 131 و هتكون حالتها كويسة جدا أو لادا 2105 أو ممكن تجيب ريجاتا على 15 ألف إلى 17 ألف
أو تجيب بالـ20 ألف لادا 2107 موديل قديم يعنى أوائل التمنينات

**TransParancy** · 03-06-2010 05:44 AM

ألف شكر ليكو ياجماعة .. بس أكتر حاجة انتو قولتوها وتنفع معايا هي الريجاتا وبعدها الـ31 بس هل دول فعلا سعرهم كدا ؟
لاني بشوف ناس بتطلب اكتر من 23 في العربيات دي !!
وبالنسبة للادا فانا ركبتها كتير لانها كانت عربية البيت 2015 بس كانت مشكلتها إنها تقيلة جداً في الدركسيون
لكن لو هي المشكلة دي في العربية القديمة بس أنا معنديش مشكلة اجربها تاني بس المهم متكونش اللادا عموما كدا تقيلة لأني بردو لسه بقول يا هادي في السواقة
+
في عربية بردو اسمها دايو تيكو عاملة 18 ألف موديل 96
بس دي 800 سي سي طبعا دي متستحملش مشاوير صعبة وسفر صح ؟

**TransParancy** · 03-06-2010 05:46 AM

AMA

طب ممكن حضرتك تقولي تفرق إيه اللادا 2015 عن 2017 ؟
وهل دي أو دي هيبقى فيها تكييف أو حتى ينفع أركبه أنا ولا لأ ؟

**mexmarine** · 04-06-2010 01:02 AM

الريجاتا و بس و ممكن تلاقيها مكيفه كمان بس ممكن تدخل على 22

**AMA** · 04-06-2010 02:22 AM

المشاركة الأصلية كتبت بواسطة TransParancy

AMA

طب ممكن حضرتك تقولي تفرق إيه اللادا 2015 عن 2017 ؟
وهل دي أو دي هيبقى فيها تكييف أو حتى ينفع أركبه أنا ولا لأ ؟

والله بص أنا يتهئ لى مفيش اختلاف بين لادا 2105 و 2107 ممكن فى الميكانيكا لكن الله أعلم و فى الموديلات لأن 2107 موديلات جديدة و حتى الان بينزل منها موديل 2009 لكن 2105 قديمه شوية يعنى فى التمانينات و هكذا لكن معرفش أكتر من كدة
بالنسبه للتكييف أى عربية ممكن يتركبلها تكييف مستعمل بحوالى 1500 جنيه و جديد بـ2500 جنيه بس لازم تكون فوق الـ1300 سى سى عشان تستحمل عندك ال128 ممكن يتركبلها تكييف بس السحب هيكون ضعيف جدا و سرعتها هتكون بطيئة و كمان التكييف بيزود فى أستهلاك البنزين عندك الماروتى مينفعش يتركبلها تكييف نهائى و كل المحاولات فشلت لأنها 800 سى سى فمش هتستحمل
دا كل إلى أعرفة بصراحه حتى الأن و أكيد الناس هتفيدك أكتر
و على فكرة كل أنواع اللادا الفتيس و الدريكسيون فيهم تقيل جداااااااااا

و دى صورة لادا 2105

و دى صورة لادا 2107

**TransParancy** · 04-06-2010 02:57 AM

هو أكيد في فرق بينهم غير أن الـ2015 تمانينات بس .. لأن العربية اللي كنت بقولك عليها دي كانت موديل 1995
ممكن يكون فرق في الاوبشن أو الموتور ..
عامة أنا لسه مقررتش وأديني بسأل وأدور على ما أحدد النوع اللي هجيبه وربنا يكرم إن شاء الله

ومتشكر جداً ومعلش تعبتك معايا

**AMA** · 04-06-2010 01:15 PM

المشاركة الأصلية كتبت بواسطة transparancy

هو أكيد في فرق بينهم غير أن الـ2015 تمانينات بس .. لأن العربية اللي كنت بقولك عليها دي كانت موديل 1995
ممكن يكون فرق في الاوبشن أو الموتور ..
عامة أنا لسه مقررتش وأديني بسأل وأدور على ما أحدد النوع اللي هجيبه وربنا يكرم إن شاء الله

ومتشكر جداً ومعلش تعبتك معايا

العفو يا باشا و أحنا كلنا هنا عشان نفيد بعض و إن شاء الله ربنا يكرمك بالحاجة إلى تريحك

الموضوع: أرجو مساعدتي في ترشيح سيارة مناسبة للمبلغ اللي معايا .. وشكراااااا

LinkBack

أدوات الموضوع

عرض

-

-

-

-

-

المواضيع المتشابهه

مساعدتي في اختيار أول سيارة لي

أرجو مساعدتي في تسعير هذه السيارة

ابحث عن سيارة مناسبة

أرجو مساعدتي يا شباب على وجه السرعة في باسات 2002

أرجو مساعدتي في الأختيار

الكلمات الدلالية لهذا الموضوع

المفضلات

المفضلات

ضوابط المشاركة