السلام عليكم ورحمة الله وبركاته
السيد المهندس طارق ،اتمنى ان حضرتك تكون بخير
انا ليا بعض الاستفسارات بخصوص اللانسر وارجو ان يتسع صدرك لها وتفيدني باذن الله
1-بخصوص اللانسر الخليجي 1600 بنزين 92 ينفع لها ام لا وهل استخدامه بياثر على اداء السيارة ويسبب انخفاضه او كركرة والاهم هل بيتلف حاجة في الموتور او السيارة عامة، حيث ان ال95 مش متوافر وغالي؟
2-هل الرواس جدد فعلا مع ميتسوبيشي ام ميتسوبيشي اليابان سوف تختار واحد من ثلاثة وكيل جديد في يوليو حسب الخبر المنقول من جريدة الفجر؟
3-لانسر 1600 المصري هل هي 105 حصان ام 122 حصان مثل الخليجي؟
4-استهلاك اللانسر 1600 في الصفيحة (الاتوماتيك مثلا) (نظريا وعمليا) لاني هنا ارى ان الارقام متفاوتة ،ناس تقول 180 كم/الصفيحة وناس تقول 280 وناس 220 وناس 160 وناس تقول 370 للتانك كله (يعني حوالي 150 للصفيحة) فالتفاوت كبير
5-سحب السيارة 1600 الاتوماتيك معروف انه اقل بنسبة من المانيوال فكم هذه النسبة (10% - 30% ؟؟؟) وهل سحب الاتوماتيك فعلا ضعيف مقارنة بالسيارات الاخرى من فئتها؟
6-اخيرا حضرتك تنصحني بايه اجيب 1600 مانيوال ولااتوماتيك - مصري ولا خليجي علما باني من هواة الجري لكن باعتدال واكيد عايز العربية تسعفني وبسافر كتير وباحمل العربية وباجري بس على الطرق السريعة وبروح حتت متبهدلة في البلد عندنا في الشرقية بس بحافظ على العربية عامة
وجزاك الله كل خير يا مهندس طارق وربنا يجعله في ميزان حسناتك باذن الله