الموضوع: هولندا المصغرة Madurodam تحفه فنيه

كنت في رحله عمل في المانيا و اسعدني الحظ و وفقني ربنا و رحت هولندا في الويك اند قضيت هناك يومين و لا في الاحلام رحت كذا مكان و كل مكان يتعمله موضوع لوحدة بس من ضمن الحاجات اللي رحتها زرت Madurodam دي هولندا المصغرة بمعني ان هولندا بالكامل كل المعالم السياحيه كل شيء موجود في حديقه بمقياس رسم 1:25 كل شيء حتي الشجر و الورد

كل التفاصيل بنفس نوعيه الخامات المستخدمه في الحقيقه من اول ما بتدخل الواحد بيبلم بيفتح بقه و يفتح عينه لحد ما يخرج مش ممكن اتقان بشري رائع ناس بتشتغل بجد غلشان تطلع الترفيه دة كله

دة المدخل من برة و التمثال دة غايه في الاتقان و الهولنديين بقي دول فلاحين اوروبا يعني الخضرة اساتذة الله يكون في عونك يا مصر انتي و السودان
[shr71=http://img88.imageshack.us/img88/5499/dsc00856w.jpg]المدخل[/shr71]

دي ميناء كامله و السفينه الكبيرة دي بتحرك و بتطلع دخان زيها زي الحقيقيه بالظبط
[shr71=http://img155.imageshack.us/img155/4360/dsc00865r.jpg]Harpor[/shr71]

اسناد كرة قدم كامل بالمتفرجين و العربيات برة علي الطريق

[shr71=http://img15.imageshack.us/img15/9638/dsc00873rc.jpg]Stadium[/shr71]

شركه بترول
[shr71=http://img693.imageshack.us/img693/3392/dsc00878y.jpg]Petroul[/shr71]


شوفوا دقه التفاصيل
[shr71=http://img16.imageshack.us/img16/5392/dsc00913ui.jpg]home[/shr71]

مسرح لايف
[shr71=http://img138.imageshack.us/img138/3016/dsc00914lr.jpg]theater[/shr71]

بلاج

[shr71=http://img708.imageshack.us/img708/4282/dsc00940d.jpg]بلاج[/shr71]

كاتدرائيه
[shr71=http://img443.imageshack.us/img443/2123/dsc00992h.jpg]kad[/shr71]


مكان و لا في الاحلام ناس بتعرف تفكر بجد و سعر التذكرة مناسب جدااااااااااا للعمله بتاعتهم 14 يورو و جوة مفيش اي سلك و لا اسوار بينك و بين التحف دي و مفيش امن في كل حته عمال يزغرلك لو قربت من حاجة و مفيش حد بيلئح جتته عليك و لا بيبيع اي حاجة في كافتيريا لو عايز تشتري منها حاجة و اسعارها برضة عاديه مفيش حاجة اسمها اسعار سياحيه

بيسيبوك تستمتع و تنبسط باجازتك من غير اي رخامه و لا غلاسه و لا ممنوع تصوير علشان كدة الناس كلها في منتهي الالتزام و فعلا الحاجات بتخيلك عايز تحافظ عليها علشان الجمال دة يفضل كدة

محطة المترو قدام الحديقه يعني الوصول في منتهي السهوله

انا مش عارف لو حاجة بالاتقان دة اتعملت في مصر و احنا عندنا تحت كل حجر اثار هتبقي من عجائب الدنيا بس نقول لمين

اتمني الموضوع يكون عجبكم و اتمني انكم تشوفوها علي الطبيعه لانها فعلا معجزة بشريه

المشاركة الأصلية كتبت بواسطة w-m-a

حاجه رائعه
عقبالنا يا رب

الشيء اللي بيحزن بس ان احنا عندنا حاجات اجمل من دي مليون مرة و مش عارفين نستغلها يعني المساجد القديمه و الاثار مش بنحاول حتي نفكر نكسب من وراها كويس و بتفنن اننا نعقد اي سائح انه يجي مصر من الرخامه و اللزوجة بتاعه الناس اللي في الاماكن دي
محدش هناك بيكلمك مفيش اكراميات و لا حد يرخم عليك علشان تتصور بفلوس و لا حد ياخد منك ثمن تذكرة و يضرب علي الباقي

بيسيبوك تستمتع و بس