باشا أنا مش معاك خالص .... وكده عرفنا مين هيغرق فى مارينا قريب:36_1_58[1]:
عرض للطباعة
الأخت صاحبة الموضوع لازالت مقتنعة ان البلد مليانة شغل و إن اللي يقعد في البيت سنة من غير شغل يبقى بالتأكيد فيه حاجة غلط يا إما في طريقة بحثه عن شغل او في نوعية الشغل اللي هو مصر يشتغلها أو في السي في بتاعته أو في طريقة حضوره الانترفيوهات أو في إمكانياته اللي تأهله للوظيفة اللي هو عايزها و المفروض عليه إنه يطلب مساعدة من الناس المتخصصة و من طوب الأرض حتى عشان يشتغل و ما يقعدش في البيت سنة :original:
بالرغم من إن إتجاه الموضوع واخد الطريق المأساوي و نغمة التباكي على الحال لازالت سايدة، بس انا مبسوطة من الموضوع و شايفة فيه ثراء كبير بالخبرات و النقاشات الجادة البعيدة عن التعصب و التشنج، و ده أنا باعتبره مكسب لأي موضوع يزيد عن 15 صفحة و في قسم الاجتماعي :F_eyeb1[1]:
أما بالنسبة للي لسه مصرين إن مافيش شغل و إن الدنيا مقفلة و مافيش قدام اللي مش لاقي الشغل غير إنه يندب حظه اللي وقعه في بلد زي دي، فأنا للأسف و بالرغم من إني ذكرت أكتر من مرة إني باشتغل في شركة توظيف و إنه إتوظف على إيدي شباب كتير و الحمد الله فللأسف تاني ما جاليش على الخاص ولا رسالة واحدة من حد واحد من اللي بيشتكوا ان مافيش شغل بيسألني ممكن يقدم السي في بتاعته ازاي، أو بيطلب إستشارة وظيفية حتى أيا كانت.
يعني متهيألي إن ألف باء "الرغبة" في العمل هي إنك تاخد بالأسباب و تبعت السي في بتاعتك في شركات التوظيف، و آدي واحدة بتقول إنها بتشتغل في شركة توظيف.. مش فاهمة إيه المطلوب تاني عشان حد من اللي بيشتكوا يتحرك و يبعت السي في بتاعته؟ :original:
طبعا ده لاهو تبكيت و لا تقطيم و لا دعاية للشركة اللي باشتغل فيها، و مش ضامنة أصلا هل مسموح إني أعلن عن وظايف هنا و لا لأ.. بس أضعف الإيمان يعني حد يبعت السي في و بعدين نشوف هانعمل ايه.. إنما للأسف احنا بنعرف نشتكي كويس أوي و نلم شماعات الدنيا نعلق عليها إحباطاتنا، انما وقت الجد ما تلاقيش برضه غير الكلام و الشكوى.
آسفة لو كان كلامي جامد، بس حبيت أحط الناس قدام مراية تشوف فيها نفسها عشان نحاول نبطل شكوى شوية و نعمل حاجة.
يا جماعة انا بشتغل مسئول شئون الخريجين بإحدى الجامعات الخاصة ........
ومن ضمن أساسيات شغلى هو توفير فرص عمل للخريجين .......................
وعلى الأساس ده بكون على اتصال دائم مع الشركات لمعرفة احتياجتهم من الخريجين ونفس الكلام برده للشركات بتكون على اتصال معايا
ومن واقع التعامل من الشركات دية بقولكم انه فعلا البلد فيها شغل كتير ..........
طب نفسي افهم ليه اصرارك على ان الغلط فى الباحث عن الوظيفة !!
ليه الغلط ميكونش و لو حتى بنسبة 10 % على الدولة !!!!!
و بعدين لما الشاب يعمل كل الاحتياطات اللى بتقولى عليها علشان يلاقى شغل فاحب ااكد لك ان ده اكبر عيب على الدولة , لان تعليمها لوحده لا يكفى حتى لقبول الشاب فى وظيفة .
ممكن اسال حضرتك ايه هى مسؤولية الدوله من وجهة نظرك ؟
فى رايى الشخصى مسؤولية الدوله هى وضع سياسات تعليم لمواردها البشريه علشان تخدم بيها احتياجات سوق العمل بالاضاقه لخلق جو ومناخ اقتصادى جاذب لرأس المال وبالتالى توفير فرص العمل عن طريق القطاع الخاص بالاضافه لسن التشريعات للحفاظ على حقوق الموظفين والعمال وكمان حقوق صاحب العمل فقط لاغير ودا اعتقد كللنا متفقين عليه انو نقطة تقصير واضحه من كل الحكومات اللى مسكت البلد دى
انما لوحضرتك قصدك الدوله توفرفرص عمل للخريجين فدا مش من مسؤولياتها و مفيش حكومه فالدنيا بتعمل كدا