الموضوع: هي فعلا البلد مافيهاش شغل؟

لا فى شغل كتيير ... بس مش يفضل يدور على وظيفة مدير ويقول مش لاقى شغل
اللى عايز يشتغل بيشتغل

بالعكس البلد مليانة شغل
بس للاسف نسبة كبيرة من الشباب بيتك وعايز وظيفة معينة في مكان معين بمرتب معين
انا بحترم جدا الشباب اللي مش بيقعد في بيته عاطل ويشتغل اي شغلانه مدام حلال ومتهينش كرامته
واهانة الكرامة هنا مقصدش بيها الوظائف اللي بعض الناس بيبصولها نظرة متدنية انما اقصد بيها اللي يقبل ان مديرة يشتمه ويهينه ويستمر في العمل
مرة جالي شابين تبع مححل الستائر يركبوا الستائر شهادات عليا
كنت محترمامهم جدا
وجامع القمامة ليسانس اداب
واعرف ناس شهادات عليا بدأوا حياتهم بعربية كبدة

هو شرط على المصريين يعنى و ذنب عليهم ان كل واحد يتخرج من كلية يشتغل مندوب مبيعات !!

الشباب مش بيتنك ولا حاجة , بالعكس كله بيتمنى اى فرصة و لكن !!

محدش قعد يدرس 4 سنين جامعة و يذاكر و ياخد كورسات علشان فى الاخر يشتغل مندوب .

ده كده مستقبله ضاع من قبل ما يبدا اساسا , و اصحاب العمل فى مصر بيستغلوا كدا جدا فى قتل المرتبات و مرمطة الشباب .

احلى جملة بتتقال ( هو فى حد لاقى شغل ) !

اضافة على كده اسلوب الواسطة و حكاية ( حسنة المظهر )

طيب يعني تشتغل أي حاجة بعيد عن تخصصك الدراسي ولا تقعد في البيت بالسنين؟ هو ده مربط الفرس.

المشاركة الأصلية كتبت بواسطة ramy_tantawi

خللينا نفنط الموضوع بس الأول عشان نستفيد .

انا متأكد ان 90 % من اجابات اللي ربنا كارمهم بعمل ووظيفه هاتكون فيه طبعاً شغل في البلد بس الشباب هو اللي مش عارف او مستكبر على الشغل او له شروط عشان يتنازل ويقبل وظيفه.

كمان 90 % من اجابات الشباب اللي لسه ربنا ما اكرمهوش بالوظيفه هاتكون يا جماعه انتوا بتتكلموا على بلد تانيه غير مصر ولا ايه ؟ فين الوظائف اللي ماليا البلد دي وفين الشباب اللي مش عاوز يشتغل ده ؟

اللي عاوز اقوله يا جماعه اني فعلا عن تجربه زي اي شاب مر بالتجربه طبعاً وما زلت فيها لكن ربنا كرمني واشتغلت بس من سنه مثلاً كنت باقول الكلام اللي الشباب هاتقوله دلوقتي ولما اشتغلت وربنا كرمني باقيت غصب عني باقول لأ البلد فيها شغل طبعا بس اللي يدور ويتعب هيلاقي ان شاء الله شغل.

فينا مشكله واقعين فيها مش عارف ليه وهو ان فيه فجوه بنقع فيها كل مره ومش بنوصل لحاجه لا بنعرف نفيد اللي ماشتغلش لسه ولا بنعرف نقر واقع حاصل ايا كان الواقع ده ان في شغل او مافيش .

يعني انا حبيت بس اعمل زي نقطة نظام كده على قدي وكلنا ان شاء الله نشارك في الموضوع ده ونفيد بعض على قد ما نقدر وربنا يكرم ان شاء الله.

طيب يا رامي انت لما كنت بتقول البلد مافيهاش شغل، كنت بتدور على شغل يتناسب مع مؤهلك؟ و لا كنت بتدور على أي شغل و مالقتش أي وظيفة أيا كانت؟