الموضوع: هي فعلا البلد مافيهاش شغل؟

[QUOTE=Ahmed.Ali;3872734509]

المشاركة الأصلية كتبت بواسطة OlaOsman

الكلامم دا 100% صح
انا هرجعك بالتاريخ ورا بتاع 4 سنين او اكتر لو تفتكري جروب المحروسه حضرتك كنت بتبعتي الوظايف المطلوب ناس ليها و سألتك ساعتها عن CPA و قلتيلي انها مطلوبه
صحيح معملتهاش بس عملت Certificate تانيه وانا في الجامعه و لله كنت في انتبرفيو بتاعت طلب التسجيل بتاعه الشهاده قبل امتحاناتي باسبوعين و الدكتوره الي بتعملي انترفيو بتقولي مش عندك امتحانات هتحضر ازاي قلتلها الي عاوز يتعلم لازم يستحمل
الحمد لله ربنا كرمني بشغل قبل حتي ما استلم شهادتي و لا اعرف حتي انا اتخرجت ولا لا و الحمدد لله دلوقتي شغال في شركه Multi National و مرتبي والحمد لله محترم جدا كل دا بتوفيق من ربنا و المجهود الي عملته

انا مؤمن ان الجامعه عمرها متشغلك لاكن سعيك هو الي هيشغله
في دكتور محترم جدا في الـ AUC قالي مره حكمه
كل الشهادات الي بنعملها دي مهمتها انها توصلك لحد غرفه المقابله الشخصيه بعد كده دماغك و تعبك هو الي هيشغلك

ياااااااااااه.. إنت من أيام المحروسة؟

و الله كويس ان لسه الواحد بيقابل حد من زمان كده

المشاركة الأصلية كتبت بواسطة Cutevampire

أحب اضيف تجربة مختلفة شوية :

التجربة دي حصلت لأخويا ... خريج اقتصاد و علوم سياسية 2005 .. قسم اقتصاد ( المفروض انها كلية محترمة ) ..
قعد كام شهر في البيت بعد التخرج ( ياخد كورسات و بتاع ) .. المهم ربنا كرمه و اشتغل في cib ... ما شاء الله طبعا فرصة و مرتب كويس و 100 100 ... المهم اشتغل لغاية لما اتفحت سهر و بتاع و بعد كدة نقلوه قسم القروض .. باختصار قعد يسأل شيوخ و ناس متدينة ناس لعبت في دماغه و اقنعته يسيب الشغل ..

ساب الشغل و بعدين تتخيلوا قاعد بقاله قد ايه في البيت دلوقتي ؟؟ سنة

يعني الاخت صاحبة الموضوع مقتنعة ان في شغل في البلد ... و ان الشباب هو اللي مش مؤهل و كسلان و .........
لأ للاسف فرص الشغل قليلة جدا .. لأن انا شايف ان واحد في ظروف اخويا و خبرته المفروض يلاقي فرص اكتر من كدة شوية .

الأخت صاحبة الموضوع لازالت مقتنعة ان البلد مليانة شغل و إن اللي يقعد في البيت سنة من غير شغل يبقى بالتأكيد فيه حاجة غلط يا إما في طريقة بحثه عن شغل او في نوعية الشغل اللي هو مصر يشتغلها أو في السي في بتاعته أو في طريقة حضوره الانترفيوهات أو في إمكانياته اللي تأهله للوظيفة اللي هو عايزها و المفروض عليه إنه يطلب مساعدة من الناس المتخصصة و من طوب الأرض حتى عشان يشتغل و ما يقعدش في البيت سنة

بالرغم من إن إتجاه الموضوع واخد الطريق المأساوي و نغمة التباكي على الحال لازالت سايدة، بس انا مبسوطة من الموضوع و شايفة فيه ثراء كبير بالخبرات و النقاشات الجادة البعيدة عن التعصب و التشنج، و ده أنا باعتبره مكسب لأي موضوع يزيد عن 15 صفحة و في قسم الاجتماعي

أما بالنسبة للي لسه مصرين إن مافيش شغل و إن الدنيا مقفلة و مافيش قدام اللي مش لاقي الشغل غير إنه يندب حظه اللي وقعه في بلد زي دي، فأنا للأسف و بالرغم من إني ذكرت أكتر من مرة إني باشتغل في شركة توظيف و إنه إتوظف على إيدي شباب كتير و الحمد الله فللأسف تاني ما جاليش على الخاص ولا رسالة واحدة من حد واحد من اللي بيشتكوا ان مافيش شغل بيسألني ممكن يقدم السي في بتاعته ازاي، أو بيطلب إستشارة وظيفية حتى أيا كانت.

يعني متهيألي إن ألف باء "الرغبة" في العمل هي إنك تاخد بالأسباب و تبعت السي في بتاعتك في شركات التوظيف، و آدي واحدة بتقول إنها بتشتغل في شركة توظيف.. مش فاهمة إيه المطلوب تاني عشان حد من اللي بيشتكوا يتحرك و يبعت السي في بتاعته؟

طبعا ده لاهو تبكيت و لا تقطيم و لا دعاية للشركة اللي باشتغل فيها، و مش ضامنة أصلا هل مسموح إني أعلن عن وظايف هنا و لا لأ.. بس أضعف الإيمان يعني حد يبعت السي في و بعدين نشوف هانعمل ايه.. إنما للأسف احنا بنعرف نشتكي كويس أوي و نلم شماعات الدنيا نعلق عليها إحباطاتنا، انما وقت الجد ما تلاقيش برضه غير الكلام و الشكوى.

آسفة لو كان كلامي جامد، بس حبيت أحط الناس قدام مراية تشوف فيها نفسها عشان نحاول نبطل شكوى شوية و نعمل حاجة.

المشاركة الأصلية كتبت بواسطة olaosman

الأخت صاحبة الموضوع لازالت مقتنعة ان البلد مليانة شغل و إن اللي يقعد في البيت سنة من غير شغل يبقى[overline] بالتأكيد فيه حاجة غلط[/overline] يا إما في طريقة بحثه عن شغل او في نوعية الشغل اللي هو مصر يشتغلها أو في السي في بتاعته أو في طريقة حضوره الانترفيوهات أو في إمكانياته اللي تأهله للوظيفة اللي هو عايزها و المفروض عليه إنه يطلب مساعدة من الناس المتخصصة و من طوب الأرض حتى عشان يشتغل و ما يقعدش في البيت سنة

طب نفسي افهم ليه اصرارك على ان الغلط فى الباحث عن الوظيفة !!

ليه الغلط ميكونش و لو حتى بنسبة 10 % على الدولة !!!!!

و بعدين لما الشاب يعمل كل الاحتياطات اللى بتقولى عليها علشان يلاقى شغل فاحب ااكد لك ان ده اكبر عيب على الدولة , لان تعليمها لوحده لا يكفى حتى لقبول الشاب فى وظيفة .

المشاركة الأصلية كتبت بواسطة hany_mohamed

باشا أنا مش معاك خالص .... وكده عرفنا مين هيغرق فى مارينا قريب

لاااااا ارجوك الا مارينا
انا شايف انة مش حظ خالص

المشاركة الأصلية كتبت بواسطة hany_mohamed

باشا أنا مش معاك خالص .... وكده عرفنا مين هيغرق فى مارينا قريب

لاااااا ارجوك الا مارينا
انا شايف انة مش حظ خالص