الموضوع: تجربة خطيرة جدا مع abs النيو سيراتو !!!!!!!!!!!!!

الحمد لله على عدت على خير وعمار يا شباب كيا :)))

المشاركة الأصلية كتبت بواسطة atrees

معكم مراسلكم من قلب الحدث عريسسسسسسسسسسس


موجز الانباء
اليوم في تمام الساعه السادسة وعشر دقائق تم التحقق من قدرة النيو سيراتو علي التحكم في اصعب المواقف واعتاها


الانباء بالتفصيل


كما اعلنت سابقا - وفي تمام الساعة 10 :6 مساءا - وفي طريقي للعودة من العمل متخذا كوبري 6 اكتوبر ومتجها الي مدينة نصر من اخر مخرج للكوبري والتجة الي قسم ثاني مدينة نصر وفي الشارع المخروب امام مبني امن الدولة - يوجد مطب صناعي - لم اتخيل ان السائل المسكوب طول الطريق علي اليسار الا انة ماء من رش الجنينة (الجزيرة ) كاي شخص عادي - كبست بنزين اول الطريق متجها الي المطبي محاولا تخطي سيارة تلات ارباع نقل من اليسار (فوق السائل )

واذا بس افاجاء ان النقل مصر علي عدم عبوري بشكل مستفز فكبست اكتر واصبحت السيراتو محشورة بين الرصيف والنقل من اليمين وانا اتسارع للتخطي فوق السائل المخروب


وفجاة المطبببببببببببببببب -- تاتانتانتاااااااااااااااا ااااااااااااااااااااا :)

كبست فرامل قوية جدا لان سرعتي كانت كبيرة بسبب التخطي - والمفاجاءه - السائل هوا جااااااااااااااااااااااز وليس ماء


وتتحول السيراتو الي ما تعودنا علية وتصرخ - ( ما تخفش انا معااااااااااااااااااااك ) - وتبدا في تفهم الموقف وتستشعر مواطن الخطر وتقوم بتحليل الموقف في اعشار من الثانية لتصدر امرا لنظام ال abs للعمل علي وجه السرعة وتدارك الموقف مراعيا وجود نقل علي يميني ورصيف علي يساري وجاااااااااز تحتي (مش عارف من الطريق ولا مني انا - هههههههههه )


يعمل النظام ويصدر صوتا كصوت قائد حربي يعطي امرا بالهجوم وتتعالي اصوات الديسكات وترتعش الارض تحت قدمي كزئير اسد ينقض علي فريستة


وتتهادي السيارة وقوفا كاني اتمشي علي الكورنيش لا تغير اتجاها ولا تزحف نصف متر حتي واصل للمطب تقريبا واقف وتعبر السيراتو المطب كعبور 6 اكتوبر بلا منازع ثابتة متانية فخورة بانها انقدت سائقها من خطا لا يمكن ان يغتفر



بالبلدي بقي

انا جبت جاز بجد يا رجالة من الخضة - فعلا السيراتو سيارة تعتمد عليها

ربنا يسترها معانا

مقلتلناش سرعتك كانت كام
الي اعرفة ان المكان دة مش مكان جري علي الاطلاق

الحمد لله ربنا ستر وكويس انها جت على قد كده...........

لأ ...خد بالك يا عتريس باشا .....الشباب مستنية الأرباح

هههههههههههههههههههههه

هاه ؟؟؟......انا جاي أهدي النفوس :)

انا ساعات كمان بعمل عقلي بعقل سواقيين الميكروباصات والنقل واعمل نفس الي عمله عتريس , انا كمان حصلي موقف كنت ماشي وراء ميني باص ومش عنده نور فرامل وفجاة مره واحده لاقيته وقف وانا ماشي على 60 مثلا ضربت فرامل ولاقيت " ضرب نار " تحت رجلي لغايه لما وقفت ومن ساعتها بطلت امشي وراء اي حاجة كبيرة ماشيه وفعلا يا جماعه ال abs بيفرق والله يا جماعه والي بيقول ان الفرامل العاديه بتوقف اسرع ممكن بتكون بتوقف اسرعه لكن عواقبها وخيمة وكارثيه وبتخرب الكاوتشات وحاجة بهدله ومفش مقارنها بينها وبين فرامل ال abs ويا سلام لو معاها ebd زي اللانسر