من هنا ورايح مش هحافظ على عربيتى

**nab!l** · 03-06-2010 08:42 PM

النهارده العربيه سامع من عند الموتور صوت هوا وبتبطل وتترج ومش مظبوطه
رحت للميكانيكى وبعد الفحص قاللى المنافولد عاوز يتغير
المهم فكه لقينا هذا الخرم اللعين ..[/URL]
وطلع الدراع ده منه
الدراع ده فيه فتحه قالى هى دى اللى خرمت المنافولد وسدها بلحام نحاس
وهو ده الدراع ..[/URL]
وقالى فيه سدد فى الشكمان غالبا من علبة البيئه ولازم انضفها وا فضيها
وقال كمان عندى منافولد ب250 جنيه قلتله ركب يعم
اكتشفنا انه بتاع 2001 مش 2000
قلتله والحل
قالى هنلحم المنافولد بامبوبتين اللحام المعروفين وتمشى
مع انى قلتله فى الاول الحم قالى مينفعش
وبعد ما انضف علبه البيئه هروحله تانى نفتح المكان اللى سدناه فى الدراع
وبعد ماعملها لهف مصنعيه منى 100 جنيه
ومرضاش يسيب مليم
الوقتى العربيه اتظبطت بس صوتها بقى عالى لما ادوس
ايه رايكو فى الحوار ده كله

**Ahmed_lol2007** · 03-06-2010 09:04 PM

قدر الله وماشاء فعل والحمد لله إنها جت بسيطة
وممكن الصوت العالى دة يكون من الشكمان
عموما أما تنضف الشكمان هيبان إذا فى صوت ولا لآ

**cayman69300** · 03-06-2010 09:22 PM

المشاركة الأصلية كتبت بواسطة ahmed_lol2007

قدر الله وماشاء فعل والحمد لله إنها جت بسيطة
وممكن الصوت العالى دة يكون من الشكمان
عموما أما تنضف الشكمان هيبان إذا فى صوت ولا لآ

هقول نفس كلام احمد باشا

**tananybasha** · 03-06-2010 11:11 PM

سبحانك يا رب
العربية بتدوب و المانفو زى ما هو
قدر الله و ما شاء فعل

**nab!l** · 04-06-2010 02:15 AM

المشاركة الأصلية كتبت بواسطة tananybasha

سبحانك يا رب
العربية بتدوب و المانفو زى ما هو
قدر الله و ما شاء فعل

طب ايه رايك فى كلامه
هل فعلا فى سدد فى علبة البيئه ؟ طب افضيها ولا اعمل ايه ؟
ولحام المانفول ده عملى ولا هيفك تانى

المشاركة الأصلية كتبت بواسطة elewey

والدراع دة بتاع ايه يا استاذى و ازاى خرمة ؟؟؟

والله مااعرف الدراع بتاع ايه
الدراع هو اللى فيه خرم
عشان كده من السخونه اللى خارجه من الخرم ده هى اللى خرمت المانفول

**tamertamer** · 04-06-2010 01:27 PM

بجد بجد اغرب ما سمعت فى عالم المكنيكة هذة الايام ربنا يكون فى عونك لو فى سدد فى علبة البيئة هتلقى الار بى ام لما ينزل من الكتمة تبطل دة قلى بيحصل

**nab!l** · 04-06-2010 06:50 PM

المشاركة الأصلية كتبت بواسطة tamertamer

بجد بجد اغرب ما سمعت فى عالم المكنيكة هذة الايام ربنا يكون فى عونك لو فى سدد فى علبة البيئة هتلقى الار بى ام لما ينزل من الكتمة تبطل دة قلى بيحصل

ياتامر انت كده قلقتنى اكتر
انا معنديش ار بى ام
بس اللى اقدر اقولهولك ان العربيه مقتووووووله فى السرعات العاليه
يعنى التالت بيموت عشان يوصل 90
والرابع 100
اما الخامس فى السفر بقى بيوصل 125 بعد معاناه
مع العلم بنزين زى الفل _ فلتر جديد_ مفيش اعطال