الموضوع: جبتها امبارح ورايح ابيعها بكره

لا الصوت جاي من الفتيس بدليل لما امور العربيه وهيه مشيه على سرعه الصوت بيروح مجرد ممورها ولما اديها الدي يرجع تاني

المشاركة الأصلية كتبت بواسطة hamada_amg

بص ياباشا عشان محدش بس يشتغلك و عشان العربيه مش وحشه للدرجه اللى تخليك عشانها تبيعها و كل ده و له حل ان شاء الله تعالى

اولا موضوع الفتيس و البطء اللى فى الاول ده عيب فى الفتيس عندك مش ازيد و لا اقل و حله السليم انك تكشف عليه فى التوكيل و تعرف المشكله فين بالظبط و تعملها بره التوكيل طبعا عشان السعر و الفروق
او انك تروح لميكانيكي من بتوع اللانسر و متخصص فيها و تعمله و هيطلع مجرد بليه مش اكتر ان ماكنش اولسيه و فى الحالتين الموضوع سهل ان شاء الله

موضوع بقى انها بتنور و تطفى ده لوحدها ده حجاجه من اتنين يا اما البطاريه بتودع و ده احتمال ضعيف و حله تبص على البطاريه و تكشف عليها
و الحاله التانيه هي مجموعه الفيش اللى عند رجل السواق الشمال و ده الاكيد

حضرتك لما تفتح الباب بتاعك هتلاقى عتبه فيبر تفكها بسهوله هتلاقى تحت المفصلات حته كده فيبر بتتفك باتنين تيله تفكهم هتلاقيها طلعت معاك
و هتلاقى تحتها فى الوش على طول اربع فيش كبار تفكهم و تجيب علبه اسبراي اكاي ب 6 جنيه
و تنضف بيه الفيش كويس و تسيبها 5 دقايق لحد ما تنشف و تركبها و اتفرج على العربيه بعدها عامله ازاى

كل المواضيع ده سهله و حلها انك تلاقى صنايعي كويس فاهم فى العربيه مش اى حد و السلام و ده عادي فى اي عربيه ممكن يحصل لان الفيش و الكهربا ده ممكن من ضغط خرطوم مياه فى المغسله تيجي عليها ميه و تعمل كده

شوف كده الكلام ايه و اى سؤال انا معاك ان شاء الله

[frame="7 80"]
كلام موزون و من الاخر و لو عايز تريح دماغك خالص روح التوكيل الجديد بتاع دايموند موتورز و لو حاجة بسيطة توكل على الله وبالمرة بنفضو العربية تنفيضة حلوة و يديك تقرير بالحالة و الله الموفق[/frame]

انا متشكر جدا يااستاذ حماده وربنا يريح بالك وانا اسف اتاخرت في الرد لان انا مسافر وان شاء الله راجع يوم الجمعه وجهزت ميزانيتي الحمد لله بس هوه غالبا البلي يا ترى مين احسن ميكانيكي اروحله

وعلى فكره انا لعبت في الفيوسات العربيه اعدت تخرف ومترضاش تبطل ولعبت تاني لغاية مبطلت ومن يومها معدتش اللمبه بتاع الان بتنور وتطفي وعاد العربيه عزمها حديد بس فاضل مشكلة الوننه اللي في الفتيس تقريبا من البلي زي مالميكانيكي قال وفيه واحد تاني بيقولي الصوت من الكبالن مش الفتيس مش المفروض لو من الكبالن ميروحش لما امور؟ولا ايه؟

ازيكو يا جماعه وشكرا على الردود وانا لسه راجع من السفر انهارده وان شاء الله هروح اكشف عليها في توكيل دايمند زي مالاخ احمد قال بس هوه فين التوكيل ده وبيكشف عالعربيه كلها؟ وبكام؟