طيب الحمد لله ان الناس معايا طيب دلوقتي عاوزين نعرف نعمل ايه علشان منرجعش للجري تاني؟
عرض للطباعة
طيب الحمد لله ان الناس معايا طيب دلوقتي عاوزين نعرف نعمل ايه علشان منرجعش للجري تاني؟
الحمد لله الواحد بطل جري من زمان
من ساعة لما عملت حادث و عشت لحظه جميله جدا و واحد بيتشاهد جنبك عرفت ان الموضوع مش هزار و الواحد ممكن يتسبب في موت اعز الناس ليه او احداث عاهات لا قدر الله
انا ببحاول والله دايما مجرييش خصوصا لو معايا حد
لو لوحدي احيانا بتجنن
محدش عنده لينك للاغنيه دي يا جماعه اصلها تحفه
اللهم أهدنا جميعاً يا رب
بالنسبة لسؤال نعمل ايه علشان منرجعش للجري تاني فى كذا حاجة أنا جريتهم بينفعوا أحياناً كتير معايا
أولا: لقيت أنى لما بكون لوحدى و مشغل القرآن الكريم بيهدىأعصابى جداً و مش بجرى (على عكس الراب و الروك تماماً) سبحان الله - برضه أنا أحيانا بحس أن الجرى دة بيكون وسوسة شيطان عشان كتير الواحد يبقى ماشى هادى و مرة وحدة كدة تسخن بدون سبب أحيانا.
ثانيا: لما يكون راكب معايا حد بفكر دايما أنى مسئول عنه ذى ما معظم الزملاء أضاف
ثالثا: بحاول دايما أفكر نفسى على الطرق الطويلة لما بلاقى نفسى بعدى ال 120km انه ماذا لو أن فردة كاوتش فرقعت ايه اللى هيحصل...!! أكيد كلنا متفقين أنه اى كانت العربية اللى معاك و ثقتك فيها أنه هيكون صعب السيطرة عليها فى حالة زى دى خصوصا فوق ال 120
كمان دايما فكر انه اهلك سواء كان والديك او ابنائك و زوجتك منتظرينك ترجع لهم بالسلامة
و ربنا يستر طريقنا جميعا و يكفينا شر الحوادث و البلاء
السلام عليكم ورحمة الله وبركاته
الفيديو ده وكذا فيديو أثروا فيا جامد جدا
بقيت وانا سايق وابقي خلاص هاخد غرزة أو حد استفزني .... الاقي فيديو يقوم ضارب في نفوخي يخليني اتهد واحترم نفسي
طبيعة سواقتي :
لو معايا حد وخصوصا ماما .... ببقي عامل زي واحد عنده 100 سنة
لو لوحدي أو معايا حد من أصحابي أو حد فاهم في السواقة جامد ..... بجري وباخد غرز بس والله ببقي الي حد كبير عارف بعمل ايه ومبجريش غير لو واثق من الطريق ومباخدش غرزة الا لما أبقي كاشف الطريق قبلها
ولكن بعد كمية الفيديوهات اللي شفتها ده .... اتضحلي ان اللي عملوا الحوادث ده فيهم كتير بيبقوا واخدين بالهم ولكن هي لحظة سهو مش أكتر
انا معاكوا
الف شكر ليك ياباشا وانا بعد معملت موضوع بالفيديو ده كنت هعمل واحد تاني علشان نبطل جري وغرز لقيتك عملته (خطفته من الكيبورد يامعلم) :)
وانا اكيد معاك ونفسي نايل موتورز كلها تبقى معاك..........
تقبل مروري......
ان شاء الله معاكم وربنا يستر طريقنا جميعا
ربنا يسترها علينا جميعا.
بحكم اننى ببقى قاعد جنب سواقين كتير(سواقين درجة اولى).معظمهم اتفقوا على حاجة واحدة.لو انت عاوز تجرى اطلع اجرى على الدائرى بعد الساعة 1 وابقى خد بالك من الكاوتش الامامى لما يفرقع انك تبقى بعيد عن عربيات او ناس بتعدى او واحد جنبك مش لابس حزام.وطبعا لان ده كله تحقيقه صعب يبقى براحة.متعديش 100-120 وربنا يسترها.
كنا مرة على الدائرى من الهرم للمطار وفجاة لانسر بومة جاية على الاقل 130-140 ويقرر ياخد غرزة وبردة اللى ادامه يظطر يهدى فجاة,يحاول الانسر يحدف يمبن يتفاجئ بزمارة نقل.فطبعا يقرر يحرق بنزين وميلحقش يفادى عربية كانشيل.فرامللللللللللل ميلحقش ,العربيه تلف لفتين محترمين وهيلا هوب يتحدف برة الطريق على اليمين.الحمد لله مفتكرش حصله حاجة.بس كفايه الخدة.
سالت نفسى بعد كدة هو انا وانا باخد غرزة متاكد اد ايه ان اللى قدامى هيساعدنى ومش هيضطر يهدى فجاة او يرد على موبايل او عينه تتطرف ؟
والاغنيه الروك ايه
4shared.com - online file sharing and storage - download Evanescence - My Immortal (rock Version).mp3
الاغنية موسيقى بس
4shared.com - online file sharing and storage - download Evanescence - My Immortal Instrumental.mp3
ريمكس ممتاز للاغنية
4shared.com - online file sharing and storage - download Evenescence - My Immortal (Remix).mp3
الاغنية الاصلية
4shared.com - online file sharing and storage - download Evanescence - My Immortal (Band Version).mp3