أنا الحمد لله بقالى بتاع شهر و نص بطلت جري بالعربية
اخري 100
و لو حد رمي على او عمال يسخني افتكر على طول قول الله تعالى { والكاظمين الغيظ والعافين عن الناس }
عرض للطباعة
أنا الحمد لله بقالى بتاع شهر و نص بطلت جري بالعربية
اخري 100
و لو حد رمي على او عمال يسخني افتكر على طول قول الله تعالى { والكاظمين الغيظ والعافين عن الناس }
أؤيدك بشده على القياده بالمعقول
أعقلها وتوكل
الله ينور عليك
على فكرة ان بعد اخر 150 جينية دافعهم قررت مجريش تانى و قلت لم نفسك بقى الكلام دة وانا رايح الجامعة وانا راجع من الجامعة ماشى على الاوتوستراد بليل طريق شراتون مدينة نصر قلت اعمل زى الناس الى ردار مبيلقتهاش ونمشى 60 حسيت انى عامل زى الجحش فى السباق والله مقدرتش وكنت بعدها ماشى 130 علما بانى معايا هيوانداى اكسل من ال90 لا تسئلنى من انا بس دة ادمان انا بسمع صوت متور اى عربية تانية رجلك لوحدها يتجيب اخر الدواسة و لما الار بى ام بيعلى زى مايكون مجموعك فى الثانوية العامة بيعلى من تانى الكلام دة مع اى عربية يعنى انا عندى فى الاكادمية البحرية كورفت و دودج شارجر و البى ام الفئة الستة التى يندر وجدها فى مصر غير التفاريح العادية منيها كوبرات والكثير من البى امات و الكريسلرات و وفيه جاجورايه و من كام يوم شفت بورش كامين فملخص الكلام انا قاعد فى سوق السيارات انا بسمع صوت المتور من دول لا اراديا برزع الدواسه دة مرض ربنا يتوب علينا منه
في فرق كبير بين اللي عايز يجري علشان مستعجل وهو مش بيحب الجري او مش فارقة معاه يجري او يمشي بالراحة في الحالات العادية، وبين اللي بيحب الجري وتحديدا الشباب الصغير. الفئة الاولى انا واحد منها وعالجت موضوع الجري نتيجة للاستعجال باني دوماً اتذكر قول الرسول صلى الله عليه وسلم «ان المنبت لا ارضا قطع ولا ظهرا ابقى» يعني اللي هيجري علشان يوصل بسرعة مش هينوله غير انه هيخرب عربيته سواء بطحن الموتور لانه هيقرص على الغيارات لحد ما يموتها والعفشة علشان هياكل مطبات لحد ما يشبع وطبعا ممكن يخيش فتبقى كملت. اما النوع الثاني فهو من وجهة نظري ملوش علاج غير هداية ربنا اولا ثم العقاب الحاسم والمراقبة المستمرة للطرق. وده هيجيب نتيجة مع كل القئات بس للاسف مفيش في إيدينا غير الدعاء ان ربنا ينور بصيرتنا جميعا ويبعد عنا الشيطان والنفس الامارة بالسوء. وجزاكم الله خيراً.
الهم ارحمنا واهدينا واعفو عنا واحفظنا من كل سوء
فيديو مؤثر جدا متهيالى الى يشوفة صعب انه يجرى تانى بس محتاجين تذكرة كل فترة عشان مننساش - بس هو الفيديو ده شغل سينما ولا فى حاجات حقيقية ؟
و الله يا جماعة انا مبقتش ازود عن ال100 و على الدائري مثبت 80 و ماسك ثاني حارة من الشمال و اللي عاوز يعديني عندو شمالي و عندو يميني و لو حد مستعجل بقيت اوسعلو علما باني ببقى ماشي اوتوستوراد و دائري الساعة 4 فجرا بقالي شهر تقريبا في الموضوع ده و بصراحة استهلاك بنزين ظبط و عربية ارتاحت و حسيت انها لما بحتاجلها تديني سرعة بزود بنزين سنة صغيرة الاقيها استجابت يعني حسيت ان العربية بتقولي شكرا و مستحملاني جدا خصوصا اني واحد بينشأ معايا قصة حب بيني و بين اي عربية بسوقها و مبطقش عليها الهواء =)
انا فعلا كنت بسوق بسرعه و غرز وكلام من دا :d
بس بقيت اهدى دلوقتى الحمد لله
بس على الطرق السريعه مش بعرف امسك نفسى
توكلنا علي الله .. ربنا يهدينا واياكم