لا إله إلا الله
معلش الموضوع غريب حبتين
يعني انا اسيب كل اللي بيدور حواليا فلعالم دا كلو..واقعد احسب حلة الملوخية فيها كام لقمة........................!!!
لا إله إلا الله
معلش الموضوع غريب حبتين
يعني انا اسيب كل اللي بيدور حواليا فلعالم دا كلو..واقعد احسب حلة الملوخية فيها كام لقمة........................!!!
ملحوظة كمان مينفعش نخصص سؤال علي فئة محددة
المرأة هي المرأة وقدرتها علعمل واحدة دكتورة بقي صيدلانية سباكة
هي واحدة
طب ملخياطة بتقعد بال15 ساعة برا بيتها
والمدرسيات اللي بشوفهم بلنهار فلمدرسة وطول الليل فلسناتر
والشغالات طول النهار مطحونين فلبيوت
والعمال فلمستشفي بيروحوا بالضالين
ومتهيألي احنا تخطينا المرحلة اللي الست بتشتغل فيها عشان تثبت وجودها
معتقدش ان واحدة هتعيش طول حياتها تصحي ملنجمة وتنزل تتبهدل فمواصلات وتتعامل مع اسوأ فئات الشعب وتشيل الهم والقرف برا وجوا بمزاجها
محدش ينكر ان مرتب الزوجة دلوقتي بقي جزء رئيسي من دخل الاسرة الا من رحم ربي
ودا مش عيب ولا حرام
في فيلم بتاع مديحة كامل مش فاكرة اسمه ايه...لما الستات قعدت فبيوتها اول ناس اعترضوا الرجالة عشان حصل أزمة اقتصادية وفجوة كبيرة
انا بصراحة بحب الشغل جدا..بس كفولنتير
مبحبش التقيد بمواعيد يومية غبية لمجرد اثبات الحضور
انا انسانة عاوزة اكون طبيبة ناجحة وليس العكس
مش طبيبة بتحاول تكون انسانة ناجحة
واللي عاوز ينظم حياته يا استاذ غزالي هينظمها ان شالله كان سكرتير هيئة الامم المتحدة
وأكم من سيدات قاعدين فبيوتهم ليل ونهار ووجودهم زي عدمه
حلوة أكم دي
كل شئ ممكن بالاتفاق والتنظيم
أنا اعرف عائلة الرجل دكتور يعمل فى السعودية
والزوجة فاتحة صيدلية تديرها + تدير البيت (عندهم 3 أولاد أكبرهم اعدادية)
والحمد لله مستقرين والأولاد متربيين على تحمل المسئولية والمشاركة وربنا يديمها عليهم نعمة
وأعرف عائلة الزوج والزوجة أطباء ,,,, بعد الزواج ب 10 سنوات الزوجة قررت بمحض ارادتها انها تسيب الشغل
اللى عاوز اقوله ان القرار ده سابق جداً لأوانه .... وماحدش يقدر يتخذه قبل التجربة الفعلية
والطبيبة اللى قعدت فى البيت بمحض ارادتها كانت مش ناوية تقعد فى البيت أساساً وتراجعت عن ذلك
و السبب هو (أولادى أولى بى من أى حاجة فى الدنيا)
واعرف برضه دكتورة مازالت تعمل بعد الزواج وعندها ولدين ...
بعد ولادة كل واحد منهم كانت بتوديه الحضانة من سن 3 شهور وتروح الشغل
الأولاد دلوقت عندهم 13 ، 10 سنين والحمد لله صحتهم ........... زفت
انا ضد عمل المرأة المتزوجة بشكل قاطع ..... بغض النظر عن المهنة
الست شغلتها انها تظبط عيشة جوزها ..... نفسيا و معنويا و في البيت .... و تربي اولادها صح بحيث انهم يطلعوا ذرية صالحة ..... و الراجل مهمته السعي للرزق ..... ال overlap بين الاتنين هو سبب كل المشاكل الزوجية دلوقتي .....
اتفق معك يا باشا فيما ذكرته
و ان كنت لا انكر عمل المرأة ككل و لكن عمل فى ظروف محددة لظروف محددة
عمل كطبيبة نساء و توليد
او ما شابه من الاعمال التى تتطلب احتكاك مباشر بين المرأة و من تطلب منه او منها خدماتها
و لكن قبل هذا ان تكون ظروف العمل مناسبة
من المواصلات الى بيئة العمل و خلافه
ارجو مشاهدة هذا المقطع للشيخ الجليل محمد متولى الشعراوى رحمه الله
YouTube - ‫ط.ظƒظ… ط¹ظ…ظ„ ط§ظ„ظ…ط±ط£ط© ظپظٹ ط§ظ„ط¥ط³ظ„ط§ظ… - ط§ظ„ط´ظٹط® ط§ظ„ط´ط¹ط±ط§ظˆظٹ‬‎
عارف المشكلة يا استاذ أحمد ان احنا معندناش نظام
لا احنا ماشيين حسب شرعنا و لا ماشيين حسب طريقتهم الغربية
هم كغربيين بيتكلمو كتير عن حرية المرأه و دورها فى المجتمع و ان الزواج نظام اجتماعى فاشل و المساواة بين الرجل و المرأه كلام كتير كده
و تيجى تشوف المرأه عندهم تلاقيها بتتباع فى الشارع و فى وسائل الاعلام و كل حته و بتمسك مناصب قيادية و تساهم فى تنمية المجتمع بشغلها و خرابه بتفكيك الاسرة
احنا بقى عندنا فى ديننا و شرعنا بسم الله " فقلنا يا آدم إن هذا عدو لك ولزوجك فلا يخرجنكما من الجنة فتشقى ( 117"
يعنى آدم هو اللى يشقى عشان يجيب لقمة العيش
يعنى هو اللى يتحمل النفقات و هو المسئول عن توفير حياة كريمة للاسرة
و عشان كده كمان هو اللى بياخد قد الانثى مرتين فى الميراث و هو اللى ليه حق القوامة و ده لا يمنع ان مجتمعاتنا ذكورية و فى قهر بيحصل للمرأه و ده مش من ديننا لكن من سوء تطبيقه
احنا بقى لا بنطبق ديننا و لا بنطبق علمهم اللى المفروض لما يحصل نلغى نظام المواريث و ما شابه
يعنى تلاقى البنات يقولوك طموحاتى و شخصيتى و ابنى نفسى و فاكرين انهم كده بيدو المرأه حقها و بينصروها فى المجتمع اللى واقف ضدها على طول الخط !! ميعرفوش يعنى ايه ست فى الفلاحين و ازاى هى عصب البيت و لا فى الصعيد اللى ممكن تمشى كلمتها على اتخن شنب حسب مكانتها
انا شايف ان المساواة بين الرجل و المرأه غلط جدا و انما هو العدل المطلوب
و كل ميسر لما خلق له
و اللى بيتظلم فى الهوجه دى كلها هى الست برضه لانها و هى بتشتغل بيبقى مطلوب منها القيام بكل واجباتها الزوجية يعنى تعرف تربى عيالها و تحتوى جوزها
و مقصدش الطبيخ و الغسيل و الكلام ده هى مش ملزمة بيه لكن تعمله تطوعا لو مفيش امكانية مادية
و التعلل بان المراه تشتغل عشان الاسرة تعيش فى مستوى مادى احسن غير مبرر كفاية لان قوام الاسرة و راحة البال اهم بكتير من المستوى المادى الاعلى
ثم انا مش فاهم هن ليه كده ؟
يعنى الواحد ينزل و يتعب و يشقى و يمكن يتعرض للاهانة او الظلم و انتى معززة مكرمة فى بيتك
عاوزه ايه ؟؟؟؟؟؟؟؟؟
النقطتين دول تلخيص للمشكلة كلها
المشكلة فعلا انه بسبب الغلاء المرأة بقت لازم تشارك عشان تغطى جزء من النفقات لو كان مرتب الزوج ضعيف نسبيا
والمشكلة المترتبة على كده انه فى اجزاء من حقوق الزوج بتكون ضايعة فعلا لانها لان مع وجود الشغل والمرمطة فى المواصلات ومذاكرة العيال وتربيتهم ووشهم ودوشتهم وبعدين تشوف شؤون البيت من تنظيف وطبخ وبعدين هل حتبقى لسه فيها حيل انها تشوف جوزها عاوز ايه
وهو دا مربط الفرس انه اختيار الزوجة للوقت اللى حتلاقى فيه انه لازم تضحى بالشغل من اجل البيت والزوج وهو برضه مش اختيار سهل خصوصا اللى قعدت سنين حققت فيها نجاحات وبعدين تتخلى عنها حتى لو قدمت اجازة لانه ساعات بيكون صعب انها ترجع لنفس المنصب لو حبت ترجع للشغل تانى
وتقريبا بالنسبة للصيدلانيات انسب حاجة هو شغل الحكومة ساعتين واخلع لكن بالنسبة للطبيبات فمعرفش ظروفهم ايه
أحلى حاجة ان تلاقي كل واحد يقول انا ضد عمل المرأة و الست مكانها بيتها و كلام كبير قوي زي ما يكون قاضي القضاه بتاع أمير المؤمنين. هو ليه اللي بيقول رأيه لازم يعممه؟؟؟ يعني انت رافض ان مراتك تشتغل براحتك, ده حقك أكيد. انما الكلام الكبير بتاع تفكك الأسرة و ضياع الأولاد و المجتمع اللي انهار عشان فيه ستات بتشتغل ده مالوش لازمة.
بيتهيألي ان الأجيال بتاعتنا فينا كتير قوي أمهاتهم كانوا بيشتغلوا و رغم كدة ربوهم أحسن تربية و بقوا كويسين جدا في حياتهم. و في المقابل فيه برضه بيوت كتير الأم مابتشتغلش و العيال طلعوا لا أخلاق و لا تربية.
و بعدين مين قال ان اللي بتشتغل بتهمل جوزها و ولادها؟؟ هو جوزها ده مش أكيد بيشتغل هو كمان, يعني برة البيت من صباحية ربنا لغاية المغرب؟؟ و الولاد دول مش بيروحوا مدارس؟؟ و لا هي النباطشي بتاع البيت على رأي سعيد صالح؟؟؟؟
من الأخر كل واحد ليه ظروفه, و كل واحد و ليه رأيه. يعني فيه واحد مش عايز مراته تشتغل خالص و هي موافقة على كدة. و فيه زوجة بتشتغل عشان تساعد في مصاريف البيت زي ما الناس قالوا, و فيه واحدة بتحب الشغل و مش عايزة تقعد في البيت و جوزها موافق و بيشجعها. كل بيت ليه ظروفه و كل زوجين أكيد ادرى باللي يناسبهم و الموضوع ده بالذات مفيهوش صح و غلط, كل واحد حر.
طيب و لو الزوج ربنا كارمه و هو مش متاخر في حاجة و مكفيها هي و عيالها و بيتها و مع ذلك تلاقي الزوجة مصممة تشتغل و تضيع وقتها و صحتها و مجهودها للغريب بملاليم
لا مش نباطشي
بس حضرتك شغل البيت ما بيخلصش
و مفيش واحدة بتشتغل - و اتحدى - الا و بيتها مش كامل 100%
شغل البيت و تربية العيال - في رأيي - مهمة أدق و اصعب و اعظم و اكثر تعبا من الشغل برة البيت
من طبخ لغسيل لتنضيف لتوضيب لتربية العيال لاكلهم و شربهم و مذاكرتهم ..... بالاضافة لحقوق زوجها عليها من انها تبقى بشوشة و لابسة كويس و و و و
نجاح الزوجة في بيتها هو اللي بيخلي الزوج مرتاح البال و الجسد و النفس فيبذل اقصى طاقته في العمل و ده بيعود عليها و على اولادها
و كمان نجاحها في تربية و تعليم اولادها بينعكس على مستقبلهم و تكوين شخصيتهم ..... تدين و علم و نجاح دراسي و تكوين الشخصية السوية ......
لما تبقى واحدة بتشتغل من 9 الى 5 و بترجع البيت 6 .....
مبدئيا العيال هيقعدوا فين بعد رجوعهم من المدرسة؟ لوحدهم؟ ده أس البلاء و الفساد أصلا !!!!!
ثانيا لو هنقول انها بتنام الساعة 12
في 6 ساعات هتغير هدومها و هتطبخ و تغسل و تنشر و توضب و تأكل العيال و تغير لهم و تحط الاكل لجوزها و تذاكر للعيال و تشوف المسلسل و تقعد مع جوزها شوية ؟؟؟؟؟؟؟؟
و هل هيبقى عندها طاقة انها تستحمل جوزها اللي جاي قرفان من شغله و مش طايق نفسه و محتاج واحدة تحتويه نفسيا و تروقه؟ و لا هتبقى مش طايقة نفسها و واقفاله عالكلمة؟
اليوم 24 ساعة مش 48 و صاحب بالين كداب ...... و كفاية رفص للنعمة و دي رسالة لكل زوجة مش محتاجة الشغل ماديا و مع ذلك مصممة تضيع تعبها و مجهودها للغريب بملاليم بدل جوزها و عيالها .......