اقتباس المشاركة الأصلية كتبت بواسطة أم حمـــاس مشاهدة المشاركة


ومتهيألي احنا تخطينا المرحلة اللي الست بتشتغل فيها عشان تثبت وجودها

معتقدش ان واحدة هتعيش طول حياتها تصحي ملنجمة وتنزل تتبهدل فمواصلات وتتعامل مع اسوأ فئات الشعب وتشيل الهم والقرف برا وجوا بمزاجها

محدش ينكر ان مرتب الزوجة دلوقتي بقي جزء رئيسي من دخل الاسرة الا من رحم ربي
اقتباس المشاركة الأصلية كتبت بواسطة أحمد كمال مشاهدة المشاركة
انا ضد عمل المرأة المتزوجة بشكل قاطع ..... بغض النظر عن المهنة

الست شغلتها انها تظبط عيشة جوزها ..... نفسيا و معنويا و في البيت .... و تربي اولادها صح بحيث انهم يطلعوا ذرية صالحة ..... و الراجل مهمته السعي للرزق ..... ال overlap بين الاتنين هو سبب كل المشاكل الزوجية دلوقتي .....

النقطتين دول تلخيص للمشكلة كلها
المشكلة فعلا انه بسبب الغلاء المرأة بقت لازم تشارك عشان تغطى جزء من النفقات لو كان مرتب الزوج ضعيف نسبيا

والمشكلة المترتبة على كده انه فى اجزاء من حقوق الزوج بتكون ضايعة فعلا لانها لان مع وجود الشغل والمرمطة فى المواصلات ومذاكرة العيال وتربيتهم ووشهم ودوشتهم وبعدين تشوف شؤون البيت من تنظيف وطبخ وبعدين هل حتبقى لسه فيها حيل انها تشوف جوزها عاوز ايه

اقتباس المشاركة الأصلية كتبت بواسطة khaled_nowaihy مشاهدة المشاركة
كل شئ ممكن بالاتفاق والتنظيم

وأعرف عائلة الزوج والزوجة أطباء ,,,, بعد الزواج ب 10 سنوات الزوجة قررت بمحض ارادتها انها تسيب الشغل
اللى عاوز اقوله ان القرار ده سابق جداً لأوانه .... وماحدش يقدر يتخذه قبل التجربة الفعلية
والطبيبة اللى قعدت فى البيت بمحض ارادتها كانت مش ناوية تقعد فى البيت أساساً وتراجعت عن ذلك
و السبب هو (أولادى أولى بى من أى حاجة فى الدنيا)
وهو دا مربط الفرس انه اختيار الزوجة للوقت اللى حتلاقى فيه انه لازم تضحى بالشغل من اجل البيت والزوج وهو برضه مش اختيار سهل خصوصا اللى قعدت سنين حققت فيها نجاحات وبعدين تتخلى عنها حتى لو قدمت اجازة لانه ساعات بيكون صعب انها ترجع لنفس المنصب لو حبت ترجع للشغل تانى

وتقريبا بالنسبة للصيدلانيات انسب حاجة هو شغل الحكومة ساعتين واخلع لكن بالنسبة للطبيبات فمعرفش ظروفهم ايه