الموضوع: الدكتورة او الصيدلانية ممكن تقعد فى بيتها ساعة الجواز ؟؟؟

المشاركة الأصلية كتبت بواسطة Terrible_DaRsH

امــى ..

فى يوم تكريمها كأم مثالية كنت قاعد مستقل و محتقر التكريم جدا جدا جدا بالرغم من انه كان على مستوى رفيع ..

لا يوافيها جائزة او احتفال او تكريم مهما كان كبير , تستاهل اكتر من كده بكتير اوى اوى اوى اوى .

زمان كانت بتشتغل مع والدى ووالدى كان فى مركز مرموق يعنى مش مساعدة و لكن حب للعمل .

كانت تصحينى انا و اخواتى و تجهزنا الصبح و تودينا المدرسة و ترجع فى نفس ميعادنا تعمل الغذاء و تشوف واجباتنا و الحمد لله بيتنا القديم عمره ماكان فى زرة ( تراب او اهمال ) و كنا محافظين على الصلاة و حفظ القران و احسن تربية فى العالم بفضل الله ثم بفضل امى .

و بعد وفاة والدى كملت المسيرة لوحدها و واجهت صعوبات لو 100 رجل ما يقدر يستحملها و كل ده و هى بتشتغل وواخدة بالها من بيتها فى نفس الوقت .

الناس اللى بتقول مينفعش عمل المراة بقولهم مش كل السيدات زى بعضها و لولا امى ما كنت و لا هكون , ربنا يخليهالى .

صدق من قال الجنة تحت اقدام الامهات .

ربنا يخليهالكم يا درش و يديها الصحة و طولة العمر و يقدركم على رد اي جزء من حقها عليكم

المشاركة الأصلية كتبت بواسطة asbeats

ربنا يباركلكم فيها ويديها الصحة والعمر الطويل....
سبحان الله تحس ان امهاتنا وآباءنا كلهم نفس الشخص.... نفس الكفاح والتعب وتحمل المسؤلية....

عارفين امتى يشدوا وامتى يرخوا....انا رغم اني خلصت دراسة وبشتغل لسه بعمل لهم الف حساب وبخاف من غضبهم كأني عيل صغير....

ربنا يرزقنا برهم ويقدرنا نرد ولو جزء بسيط جدا من اللي عملوه من اجلنا.... ومش هنقدر

طبعا لازم نعملهم الف حساب حتى لو كنا متجوزين و مخلفين و جدود كمان دول اهالينا يا جدعااااااان =) و كثير جدا بسأل نفسي هل هعرف اربي ولادي زي ما ربونا؟ و كثير بفتكر حاجات كنت بعملها لو حد عملها قدامي هضربوا بالنار و مع ذلك اهه لسة حي ارزق و لازالوا بيحبوني الحمد لله

بمناسبة الحديث على الاهالي بقى كدة كل واحد فينا يدعي لأبوه و لأمه يا جماعة

المشاركة الأصلية كتبت بواسطة Khaled_Nowaihy

اللى وصلهم لكده ان أمهم رمتهم فى الحضانة من عمر 3 شهور ... ما أخذوش حقهم فى الرضاعة الطبيعية اللى ربنا أمر بيها
ومش عاوز أقول كانت بتهدر اللبن الطبيعى بتاعها فين وازاى
طبعاً نتيجة ده سوء تغذية وانيميا و ... و .... و ......
وكان الأولاد دايما بتيجى لهم امراض بالعدوى من الاختلاط فى الحضانة بأولاد مرضى وممكن يروح الحضانة مريض والدادة هى اللى تعالجه (دلوقت بيسموها ال miss)
طبعاً الأولاد مافيش تأسيس صحى لهم منذ الصغر
ودا باين عليهم جداً دلوقت

وحلها اما تستقيل أو تاخذ اجازة سنتين على الأقل لغاية ما الأولاد على الأقل يعرفوا يأكلوا نفسهم بايديهم

طبعا مش من سن 3 شهور تترمي في حضانة و لازم الرضاعة الطبيعية مش قبل سنة على ما يتفطمو المروض على حد علمي بس انا عاوز اققول حاجة ان الاطفال لما بينزلو الحضانة بتتبني ليهم شخصية غير لما يكونو قاعدين في البيت مبيشوفوش حد غير ابوهم و امهم و مبيتعاملوش مع حد غيرهم، اه بيعيوا و اه بيتبهدلوا احيانا بس بردو ده كلو بيدي مناعة بس الفكرة اللي بتفق معاك فيها هي ان مش بدري كل حاجة و ليها وقتها فلما الطفل يعيا و هو عندو 3 شهور غير لما يبقى عندو سنة