الموضوع: ظبط رجلاش الثلاثة دواسات + فرملة اليد ( بالصور )

المشاركة الأصلية كتبت بواسطة عصام غنايم

وضحلى الجزء اللى حضرتك مش فاهمه وانا ان شاء الله هفهمهولك

جزاك الله كل خير


احب اوضح اولاً ان انا مش متمرس و مش قاري كتيير علشان كده حاجات كتيره بديهيه ممكن تكون واقعه مني و عربيتي اول عربيه اتعامل معاها

واللى مش فاهمه هحشره بالازرق بداخل موضوعك(مع الاعتذار)

المشاركة الأصلية كتبت بواسطة عصام غنايم

2 صدادة الدبرياش
ودى مسئوله عن ارتفاع الدواسه اجمالاٌ وظبط الخلوص الخاص بالدواسه
ودى صورتها
[img]..[/img]

وهى عباره عن مسمار رجلاش تحته صامولة رباط فى طرفه كاوتش لصد الدواسه عند رجوعها

هنفك صامولة الرباط بمفتاح 13 ثم نربط المسمار سنه بسنه حتى نلغى الخلوص ( مسافة التحرك الحر ) من الدواسه ثم نعيد رباط صامولة الربط تانى

اللي انا فهمته ان الكاوتشه اللي في نهاية المسمار هيه اللي بتتحكم في الارتفاع العام للدواسه "صداده" كاني بالضبط ساند برجلي على الدواسه المهم و انا بتعلم السواقه اتعلمت ان التريحه على دواسة الدبرياج غلط على طقم الدبرياج

و هنا بيجي فدماغي سؤال

هل المقصود بالخلوص انه لما بضغط على دواسة الدبرياج انه في مسافه خلوص بعدها بيبتدي التاثير الهيدروليكي الفعلي لتوصيل الديسك بالاسطوانه

لو افتراضي صحيح

ازاي اقدر احس المسافه دي بحيس اني مقللهاش زياده عن اللزوم


[img]..[/img]


بعد ما ظبطنا خلوص دواسة الدبرياش نظبط المدى الحركى للدواسه

وده مهم اوى لان
الدايو والاوبل بصفه خاصه فتيسهم فيه خشونه شويه فى حركة النقل وبخاصه غيارين الاول والمارشيدير فيهم صعوبه وممكن نسمع اصوات احتكاك التروس عند التعشيق

بس انا عندى الحل الشافى ان شاء الله

هنبص على دواسة الدبرياش هنلاقى الدواسه متصله بعمود عليه رجلاش متصل من ناحيه بكاوتشة خزنة بستم الدبرياش ومن ناحيه بصامولة رباط مقاس 12

الرجلاش ده واصل بخزنة البستم
يعني بيرجلش ايه بالضبط
هل بيرجلش كمية الزيت الخارج من البستم و بالتالي بيتحكم في وضع الديسك عند ضغط الدواسه للأخر
ولا ايه

هل افتراضي صحيح

و لو مش صحيح

ايه العلاقه بين الرجلاش و الفتيس؟


هندور العربيه ونفك صامولة الرباط بمفتاح 12

[img]..[/img]


هنمسك عمود التوصيل من الفتحتين على جانبيه بمفتاح مقاس 9

[img]..[/img]

و نبدأ نربط نص لفه فى اتجاه عقارب الساعه وندوس دواسة الدبرياش للآخر وندى للعربيه غيار اول ومارشدير

ونشوف النقل بقى اريح , الاصوات بتاعت الخبطه مع النقل اختفت

لو لسه نربط كمان نص لفه

لو تمام خلاص

ونخلى بالنا اوى من ان الرباط الكتير غلط لان لو ربطنا كتير اوى والدواسه عليت اوى ممكن يأثر بالسلب على اسطوانة الدبرياش

خلصنا كده جربنا النقل بقى سلس

تمام

هنربط صامولة الرباط تانى ونجيب ال wd - 40 ونرش على مفصلات الدواسه وفى قلب الكاوتشه اللى داخل فيها عمود نقل الحركد للتزييت وتسهيل الحركه

[img]..[/img]


ان شاء الله كده كله تمام

نطلع نجرب العربيه ونخلى بالنا لان الاداء اختلف كتير عن الاول فنجرب براحتنا علشان البرجله بتاعت احساسك بالدواسات فى الاول

الفرامل كده عليت وحساسيتها زادت معاك وبقت بتمسك بسرعه
البنزين بقى باللمس والعربيه تطير
الدبرياش بقى لين تحت رجلك
الفتيس بقل سهل فى تغيير النقلات ومبقالوش صوت
فرملة اليد بقت حديد

يبقى كده احنا نجحنا

الف مبروك

طبعاٌ اى استفسار تحت امركم
رقمى فى التوقيع

ومتنسوش اللى اتفقنا عليه اول الموضوع
انا مش ناسي
اللهم اشفي ا/ عصام و زوجته و اولاده و بارك لهم في الرزق الى يوم الدين

وسلام مؤقت