الموضوع: لمحبى الفيات و لاصحاب الينيا خصوصا موضوع للمناقشه هــــــام

المشاركة الأصلية كتبت بواسطة bembodeniro

انا واحد من الناس اللى بيحبوا فيات ومن الناس اللى اوماترا اديتهم على قفاهم ومنزلتش لينيا وبفضلهم انا لغايه دلوقتى مش عارف اجيب عربيه جديده لانى مقتنع جـــــدا بالينيا وبامكانياتها ولدرجه انى فكرت فى الايفو بس انا راجل متجوز ةعندى ولد صغير و اجلا ام عاجلا الهاتش باك مش هاينفعنى غير انى لاقيت الايفو 77 حصان بس يعنى ممكن يكون سحباها ضعيف ومراتى تقولى بونتو وانا على كلمه واحده مفيش الا لينيا ويوم الخميس اللى فات كنت بتناقش مع واحد زميلى فى الشغل وبيقولى لسه برضه مصمم على فيات قولتله اه قالى وايه المشكله متجيب قولتله التوكيل الجامد بتاعها منزلهاش السنه دى وهينزل على 2011 فامستنى قالى نفترض جيبتها من هنا ولاقيت بعد سنه ولا اتنين منزلتش هاتلبسها مش هتلاقى قطع غيار وهايطلع ترابنتينك علشان تصلحها سكتت كده قولتله لا مافى ناس معاها الينيا وبيصلحوها عادى وقطع غيارها موجوده قالى بص خليكى فى العربيات اللى ماشيه كتير قولتلوا متقوليش سيراتو قالى سيراتو هيونداى نيسان صنى الحاجات اللى ماشى منها كتير وقطع غيارها متوفره قولتله لا لينيا يعنى لينيا قالى براحتك بس انا بجد خايف من انك متلاقيش قطع غيارها وانتهت المناقشه دخلت يوم الخميس لاقيت الاخ tarket عامل موضوع بيقول ان زجاج عربيته اتكسر ومش لاقيه فى التوكيل !!!!!! ومفيش الا الكيلانى وبيبيعه ب 2000 غير طريقته الزباله فى الرد على الناس
يانهار ابيض عربيه 2008 ولا 2009 ومفيش قطع غيار ورجعت بالذاكره لموضوع تانى عامله اخ مش فاكر اسمه عنده باليو وعمل حادثه شديده وودها للتوكيل واكتشف انهم بطلوا يجيبوا قطع غيارها !!!!!! ومحتاس ومش عارف يصلحها واعلن انه خلااااااص اعلن انسحابه من فيات لان ارف من اوماترا واهمالها طب والحل؟؟؟؟؟ نفترض لقدر الله واحد عمل حادثه شديده بالينيا هاتصلح ازاى وقطع غيارها مش موجوده اصلا فى التوكيل والحرفين مفيش حد فيها بيصلح فيات ومفيش مراكز خدمه معتمده كويسه ده مازدا قبل ما يكون ليها توكيل وكانت معتمده على مراكز خدمه وواحد صاحبى عمل حادثه جامده اتصلحت مابالكم لما غبور اخدها .... القصد من ده كله اوماترا توكيل فاشل وانا بجد بدات اقلق من انى اشترى فيات واحتاج قطع غيار بعد سنه ولا 5 سنين ومالقهاش والاقى العربيه واقفه نتيجه غباء توكيل انا حاطط الموضوع ده للمناقشه وبجد مش عايزين حد يقعد يقول ده الاستاذ فلان فى اوماترا وعدنا ان كل حاجه هاتتغير والاستاذ علان بيقول ان قطع الغيار هاترخص والاستاذ ترتان بيقول ان التسويق والدعايه هتضبط وهانصرف 20 مليون على الحمله بجد مع احترامى الكامل ليكم اهــــــوه فى مشكله اهوه ومش موجودلها حل وايه حته لوح زجاج مش موجود امال كمان كام سنه لو حصل كده يعمل ايه يولع فيها بقى او يمشى من غير زجاج مابالكم لو واحد عامل حادثه لقدر الله ومحتاج ماكينه جديده ولا حوض او باب او اى حاجه تقيله يعمل ايه يستعوض ربنا فى العربيه ؟؟؟؟؟ ويرميها وعربيات فيات غاليه مش رخيصه زى الكورى فامينفعش واحد يدفع فوق ال 100000 جنيه وميلقيش قطع غيار لعربيته والاخ tarket بالذات انا بقولك ابعت شكوى لفيات فى ايطاليا واشتكى اوماترا الزفت دى معلش طولت عليكم بس انا من حبى لفيات ومن اللى شايفه من اوماترا خلينى بجد اقلق انى اشتريها واعمل زى بقيه القطيع وابص للى ماشى فى السوق
لينك موضوع tarket اهوه http://www.nilemotors.net/nile/154302-a.html
وادى موضوع الباليو http://www.nilemotors.net/nile/152072-a.html
انا اسف انى اتحمقت بالنسبه للاخوه اللى بيقولوا التوكيل هايعمل ويسوى وعارف اد ايه هما بيتعبوا وبيحاولوا يساعدوا الناس على اد قدرتهم (معلش يا يوكو معلش يا دامصرى انتوا اللى حبيبتونى فى الفيات ولينيا بالذات بس بجد لازم شكوى قويه فى اوماترا دى يد الله مع الجماعه)
tarket روح اشتكى فى جهاز حمايه المستهلك ووريهم شهاده ضمان وقولهم انهم معندهمش قطع غيار ومش عارفين يصلحوها
اسف انى طولت يا جماعه

عندك حق في كل كلمه قلتها ورايي انك تسمع كلام صاحبك بلدنا غير أي بلد تانيه ودي حقيقة وواقع موضوع قطع الغيار مهم جدا وبرضه سعر اعاده البيع مهم جدا
انا باحب عربيات فيات جدا لأنها شركه قديمة وسمعتها كويسه وانا راكب تمبرا الي لسه بعد 10 سنين من انتاجها بدات قطع الفيار تبقي متوفره وفي القاهره بس
لو ان هاغير للاسف مش هاجيب فيات جديد مع اني باعشق عربياتها الجديده
هاجيب اللي الناس بتجيبه وقطع غياره متوفره ده حتي المرسيدس موديلات الستينات لسه ليها قطع غيار جديده وألماني او اجيب لانسر ياباني وشركه محترمة وحاجاتها في اي شارع واي حد يصلحها
ده رأيي المتواضع الذي يحتمل الخطأ وبرضه نشوف ياقي الناس هتقول ايه

رأيي نستني يا يوكو لحد بعي المعرض بشوية
ماكانش يبقي نبعت الشكوي