الموضوع: ماذا تعرف عن الgm؟ (رحلة في عالم الصوتيات)

بص يا محمد انا كنت مركب الجي ام على الكاسيت الفابريكه بس طبعا في وصله لازم تعملها في الكاسيت

ناسي اسمها

بس طبعا الصوت بيفرق جاااااااامد عن من غير جي ام

حاتحط حاجه ام بي ثري
الصوت حايصفا و يبان اوي معاك

بس ماينفعش توصل السماعات ايلي اودام على ال جي ام

مش هايبقوا ليهم لازمه
و يفضل انك تلغيهم خالص عشان حاتلاقيهم بيلخلخوا جامد بعد فتره

المشاركة الأصلية كتبت بواسطة ahmed_3omda

الف شكرا يابوحميد موضوعك رائع :)

انا حطيتلك يااحمد تقييم ممـتــاز لآنه موضوع رائـع وكثرت التسائلات عن الجي ام وانتـا افدتنا بمعلوماتك القيمـه .. ألي الامام :)

بشمهندس محمد ممكن اقولك علي رائيي لحين عوده احمد لأن من الواضح انه عنده مشكله في النت .

بما انك ناوي بأذن الله تركب صب ووفر لزم تاخد بالك انك محتاج كاسيت قوي وانصحك ب البايونير يكون في تحكمات صب ووفـر لائما حتلاقي نفسك بعد كدا مدبـس وعايز تشتري زيرو باور علشان تقسم الصوت زي ماتحب .. وبعد تركيب الكاسيت يبقا عندك الاساس وبعد ذلك تبني نظامك الصوتك بنفسـك السماعات الخلفيه تكون بيونير أو في نوع اسمه دبل بيز في توكيل كلاريون ب 400 جنيه والجي ام والصب وكنا عايزين نسئل احمد علي نقطه الصب يركب فوق علي الرف ولا انه يركب في علبه منفصله افضل ؟ :)

وبالتوفيق للجميـع

عمدة بنفسه عندي! ايه النور ده يا باشا!
و النبي تعالى شيل عني ده الاسئلة زي الرز و الناس زي ما يكونوا ما صدقوا:)
بس عنعمل ابه انت عارف منقدرش نتأخر على حد
و عموما خللي الأسئلة هنا عن الجي ام و لكن مش هقدر مردش على العمدة
فيه صب من بيونير اسمه FREE AIR و ده ممكن بتسقط بين السماعتين في الرف الوراني اذا ليه مكان و هوة الوحيد اللي ممكن يتعمله الحركة دي و من بيونيير (راجع موضوع الصبات)
و الغرض منه توفير مساحة في الشنطة خصوصا لو هاتش باك و ساعتها الشنطة كلها بتعكس الصوت بتاعه جوة الكابينة و اي خدعة

المشاركة الأصلية كتبت بواسطة 3mr Farrag

احمد باشا
عندك فكره اسعار الجي ام الكينوود من 300 وات لي 500 وات
2 و 4 شانيل؟؟؟

اتفضل يا غالي
350 وات 2تشانيل=410جنيه
400 وات "و ده قليل ما تلاقيه و بحساسات" 4تشانيل=650جنيه
500 وات "عادي بدون الحساسات" 4 تشانيل=660جنيه
600 وات 2تشانيل (بنصح بيه للصبات بس)=630جنيه
800 وات 4 تشانيل "اطراف مطلية دهب"=1100جنيه

المشاركة الأصلية كتبت بواسطة 3mr Farrag

ايه الحلاوه ديه ....تسلم ايدك
بس ايه الحساسات ديه؟؟؟
و مش هو برضوا فيه 300 وات او اعتقد 280 وات...صح و بكام

كنت هكمل شرحها في موضوع الHPF & LPF بس الادارة شايفة ان الموضوع مالوش لازمة بتثبت
و هوة منه ال350وات ب400جنيه تقريبا

و متزعلش مني لو بطلت اكتب تاني هنا

المشاركة الأصلية كتبت بواسطة 3mr Farrag

يا احمد...
المفروض انك يتعمل المواضيع مش علشان تثبت....
و اثبات مكانك
انما للافاده......لو الواحد بيعمل مواضيع للتثبيت هيبقي المنتدي كله مثبت
مع العلم ان مواضيعك اكثر من ممتازه....
بس الواحد مش بيعمل الحاجه للمساعده و بعدين يستني حد يكافئه عليها بالعافيه


ياريت ماتزعلش من كلامي .....بس هو ده الصح

يا عمنا انا مش عايز مكافئة ولا غيره انا مش عايز كل شوية حد ييجي يسألني سؤال و طبعا المفروض اجاوب عليه كما اعتدت
و لا لو بيلاقي الموضوع متثبت و يرجع ليه للمعرفة ...مش هيكون ده اسهل علينا كلنا؟
و الا انا اقعد كل واحد يسأل سؤال اقعد اجاوبه من الاول و اشرح من الاول؟؟
ده انا غير كل الاعضاء اللي بيكتبوا اسم الموضوع و بين قوسين اسم الباشا صاحب الموضوع ولا اللي بتلاقيه كاتب موضوع مش عارف ايه فكرة مين...
انا و الحمد لله مش من النوعية دي ابدا و لكن برضه محتاج مساعدة من الادارة
و بعدين مكافئة ايه ؟ هوة انا هعلقوا على صدري؟
و منتدى الصوتيات لسة بيقول يا هادي يعني محتاج شغل كتيييييييييييييير و انا بحاول اثبت المواضيع التعليمية ليس الا لأنها عرضة للسؤال المستمر عنها