انا لغيته فعلا يا هندسه ركبتله جوان مسدود في الراجع علي المانفولد ما حستش بفرق كبير
عرض للطباعة
انا لغيته فعلا يا هندسه ركبتله جوان مسدود في الراجع علي المانفولد ما حستش بفرق كبير
فيه سؤال برضه ياهندسه
أنت سألته على موضوع الرعشه بعد ماغير سوستة الشكمان
ولا أنت جربت المكنه والسوسته متغيره فى وجودك
ومتأكد من الدق موجود على السلانسيه الساخن وأنت معاه هناك بعد ماغيرتم السوسته والريحه راحت
وهل الدقه دى ظهرت أمتى بالضبط
بعد تغيير سير الكاتينه ولا لسه اليومين دول
وهل هى دقه ولا رعشه
وهل عدد لفات المكنه ثابت
ولا المكنه بتعلى وتوطى معاكم على السلانسيه
بص يا هندسه بالتفصيل واحده واحده انا مشوفتش الوضع بعد التصليح لسه بس قالي ان الرعشه لسه موجوده الوضع متغيرش برده هاتكد من موضوع ريح العادم تاني
سير الكاتينه متغير من حوالي سنه بس بصراحه ما اقدرش اجزم اذا كانت بعد التغير ولا لا ممكن تكون كانت موجوده بعد التغير بس مكنش ملاحظها او يمكن تجربه عربيات تاني بينت الرعشه ويمكن تكون ظهرت بعد تغير السير بفتره يعني ملهاش علاقه بالسير اللي بيحصل بظبط ان العربيه بتترعش من بدايه الدواره بس رعشه بسيطه خالص مش محسوسه بس لما العربيه بتسخن بتحس الرعشه جدا وبتزيد لدرجه انها بتتعب ظهري والدقه بتبدي تظهر بعد ما العربيه تسخن علي السلانسيه تحس كان العربيه سجاده وحد بينفضها بيك دقه جامده كل من خمس لعشر ثواني ممكن تكون داقتين ورا بعض وبعدين الار بي ام علي الاسكنر لان العربيه مفهاش ار بي ام بيلعب علطول من 825 -870 بس بيلعب علطول وبسرعه خالص طالع نازل مش بيسبت ابدا
اعتقد اني جاوب علي كل النتقط
اختصار
1- بعد اصلاح الشكمان مزاله المشكله موجوده هاتكد من العادم برده وهارد علي حضرتك
2-الرعشه والدقه ديه اتلاحظت من فتره بسيطه بعد تغير سير الكاتينه بفتره بس برده مقدرش احكم عشان سير الكاتينه اتغير بعد شراء السياره وديه اول سياره واكيد طبعا مكانش هاياخد باله غير لما يجرب او حد تاني مجرب يقوله
3- هي رعشه بس معاها دقه كل كام ثانيه كده
4- الار بي ام مش ثابت 825 - 870
5- لا المكنه مش بتعلي وتوطي بصوره واضحه او محسوسه بس طبعا باينه علي الار بي ام بس ممكن لو عاوز تشغل كل الحواس كده وتتلكك للمكنه هاتقول انها بتعالي وتوطي بس بصوره غير ملحوظه لدرجه ان في مكانيكه قالوا المكنه كده تام ومفهاش حاجه ومعتبرين الرعشه والدقه ديه عاديه بس طبعا انا عشان مجرب عربيات تاني عارف انها مش عاديه خالص لدرجه انها بتتعب ظهر جدا بحس ظهري اتخلع من الدقه تحديدا
شكرا للاهتمام والمتابعه وانا متابع مع حضرتك
طيب أنت أيه رأيك لو نطمن بالمره على شكل كامات عمود الكامهاقتباس:
اختصار
1- بعد اصلاح الشكمان مزاله المشكله موجوده هاتكد من العادم برده وهارد علي حضرتك
2-الرعشه والدقه ديه اتلاحظت من فتره بسيطه بعد تغير سير الكاتينه بفتره بس برده مقدرش احكم عشان سير الكاتينه اتغير بعد شراء السياره وديه اول سياره واكيد طبعا مكانش هاياخد باله غير لما يجرب او حد تاني مجرب يقوله
3- هي رعشه بس معاها دقه كل كام ثانيه كده
4- الار بي ام مش ثابت 825 - 870
5- لا المكنه مش بتعلي وتوطي بصوره واضحه او محسوسه بس طبعا باينه علي الار بي ام بس ممكن لو عاوز تشغل كل الحواس كده وتتلكك للمكنه هاتقول انها بتعالي وتوطي بس بصوره غير ملحوظه لدرجه ان في مكانيكه قالوا المكنه كده تام ومفهاش حاجه ومعتبرين الرعشه والدقه ديه عاديه بس طبعا انا عشان مجرب عربيات تاني عارف انها مش عاديه خالص لدرجه انها بتتعب ظهر جدا بحس ظهري اتخلع من الدقه تحديدا
لأن من الجائز يكون ليها دخل بالقصه دى كلها
دا لو كان لسه عيب الدق والرعشه موجود فعلا مع الثبات التقريبى لعدد لفات المكنه
____________________
يعنى سرعة المكنه ( على السلانسيه الساخن ) فعلا تعتبر شبه ثابته
ولعب ال rpm البسيط ده يشكك فعلا فى شغل منظومة التاكيهات
طالما أنت مطمن للبوابه وحساس ال tps
_________________________
وعاوزك تركز جدا فى وجود أصوات دق فى المكنه من فوق ( جنب غطاء الزيت وأنت رايح جهة فلتر الهواء )
أى من اليمين الى اليسار
لأن لو فيه أصوات دق فى المنطقه العلويه والمكنه سخنه على السلانسيه
يبقى عيب ميكانيكى فعلا
1- تلف عمود كامه
2- تلف كستبانات أو شواكيش أو سوستة صباب مكسوره مثلا
اوك ديه اول خطوه هاعملها بس هو ديه ما تئثرش علي العربيه في السحب والجري لان العربيه كويسه في السحب والجري
فعلا زى مابتقول
عيب الأشياء دى مش حيبان معاك فى السحب أوى
نظرا لأن المكنه بطبيعة الحالة بيكون عدد لفاتها عالى وهنا بيختفى أو يدارى العيب
ولكن مع السلانسيه ( الهوسهوس ) والسكون
بتنجلى الأمور وتظهر كل الملاحظات الناتجه من عيوب الحريق ( سواء العيب قادم من زاويه كهربيه أو ميكانيكيه )
مثلما يحدث تماما فى حالة السياره
ذات المحرك المتلت كهربيا ( باللغه الدارجه )
أى اللى فيها بوجيه مفصول شرارته من الجهه العلميه (لأى سبب من الأسباب المعروفه )
(فمعروف أن المكنه المتلته عيبها مابينش أوى إلا على السلانسيه وقد لا يلاحظ مع السحب الشديد )
معلش بقي يا جماعه ويباش مهندس سمير هاتعب معايا تاني العربيه دلوقتي معايا وهاتقعد معايا ان شاء الله لغايه ما المشكله تتحل بس الدنيا دلوقتي اختلفت شويه
اولا انا سمعت الصوت عند التكيهات زي ما حضرتك قولت مفيش حاجه بتخبط واضحه بس في اصوات تقريبا طبيبعيه للمتور ده علي اساس ان لو في صوت خبط هايكون واضح علي قد ما فهمت
بس سمعت صوت طقه بسيطه خالص بتيجي كل شويه وعرفت انها من الطمبوره بتاعت البور هلي ديه ليها بليه او كده بس هو صوت بسيط خالص
بس في بقي كام مشكله ظهرت تاني
اولا سحب العربيه قل جدا لدرجه ان العربيه بتكرر في بدايه الحركه ولو هديت عشان اخد مطب العربيه بتكركر خالص ولو شغلت التكيف السحب بيضيع تماما كنت مسافر بيها علي الطريق معرفتش اسحب من واحد راكب شهين بيها مع اني من فتره كنت بشد بيها مع بي ام دبليوا علي 140 انا حاسس ان السحب بقي زباله وبعدين لما بكون ماشي وادوس دبرياش وافرمل عشان العربيه تقف خالص اول ما العربيه تقف بسمع صوت تكه وبحسها في دواسه الدبرياش بتحصل ما بدوس فرامل
وبعدين الرعشه زادت خالص بس بقي دقه علطول مش كل كام ثانيه زي الاول زي ما تكون راكب قطر وماشي عمال يدق علي القضيب بطريقه منتظمه
وبعدين لما بشيل رجلي من علي دواسه الدبرياش حتي لو ماشي يعني مثلا لو اخدت التالت او الرابع احس العربيه بتلق زي ما تكون لسه بتتعلم جديد وشلت رجلك من علي الدبرياش مره واحده طبعا ده مش عيب سواقه يعني انا مش اول مره اسوق ومش اول لانوس اسوقها
في حاجه تاني حصلت برده عشان تكون الامور واضحه واحد حاول ينظف متور الايديل اعتقادا منه انه السبب مع انه نظيف جدا المهم ان فكه وهو سخن ورش فيه اسبراي فسمع صوت طقه زي حاجه سخنه وبتحطها في ميه مره واحده بس ركبه اشتغل عادي بس لما حطيته علي الاسكنر كان اخر مره بيقوف علي 30 -34 سلانسيه دلوقتي وبعد الايديل ليرن 26 مش عارف ده حصلتله حاجه هو كمان ولا طالمه بيللف عادي
معلش انا عارف ان تعابكم معايا خالص بس انا مش عارف ايه اللي بيحصل ده حاجه فعلا غريبه لاما مشكله واحده وبتعمل كل ده لاما هي فتحت بقها مع العلم ان العربيه متظبطه خالص ومفيش فيها مسمار ناقص وكل قطع الغيار من انضف ما يمكن او الاصلي ان وجد ياريت بجد مساعده عشان انا فعلا احترت ومحدش عارف فيها حاجه ولما وديتها لاحسن ميكانيكي هنا بعد جدال طويل علي ان مفهاش حاجه قالي خليها ما تظهر فيها عيب واضح وبعدين نعمله
طبعا ده لانه غلب مش اكتر
بس انا لسه بالي طويل وخاصه ان العربيه ديه علي الطريق الصحراوي علطول وربنا يسترها
شكرا مقدما
اخر حاجه اتعملت في دبرياج العربيه ديه ان اتغير فرش من حوالي سنه وساعت لما اتفك الميكانيكي اللي فك قال ان الاسطوانه والدسك جداد اكتر من كده معتقدش حاجه تاني اتعملت
وللعلم برده العربيه بتجمع حلو بعين جبت 60 علي التاني و80 علي التالت وكان لسه في تاني بس المشكله ان بعد معناه بوصل لكده