FRV ولا سيريون 1300 ولا Gen2

**emadhamdy** · 07-06-2010 01:37 AM

المشاركة الأصلية كتبت بواسطة DR.almaghraby

استاذ محمد عادل

صباح الفل

انا معايا البرسونا " و هيا تعتبر نفس العربية "

العربية جميلة جدا الحمد لله و مريحاني جدا و مفيش ولا حاجة ظهرت معايا

ثبات - امان - قوة موتور - شياكة - تميز - حمالة اسية جدا

علي فكرة ال frv جميلة اوي برده بس انا شايف الجين 2 احلي واضمن لانها صناعة ماليزي و بتعاون مع لوتس زي ماهوا معروف .....

التقفيل تقريبا نفس المستوي

التوكيل ......... اكيد البافارية احلي بكتير من عز العرب....

دا رايي :))

و انا بصراحة شايف ان الجين 2 دي عربية منتهي الجمال " حتي مع عزالعرب الي خاسف بيها الارض "

+++++++++++++++++++++++

**osamy** · 07-06-2010 12:02 PM

ماتشوف فيات ايفو الجديده
عربيه روعه

**Mustafa_Farouk** · 07-06-2010 02:31 PM

Proton Gen 2

**Hmatchy** · 08-06-2010 03:18 AM

المشاركة الأصلية كتبت بواسطة Ahmed.Ali

لو شغلك في التجمع يبقي جيب جين2 بلا جدال لانها ممتازه في استهلاك البنزين معايا في الطرق الفاضيه الي مش زحمه
انا طريقي من 6 اكتوبر للقريه الذكيه بتاع 60 كيلو رايح جاي يوميا و عندي يوم بنزل المعادي و يوم بنزل مدينه نصر و متوسط الاستهلاك عندي 11 كيلو للتر بالتكييف كمان
بحد مش هتندم

معنا كدة انها بتستهلك 9 لتر لكل 100 كيلو و اسمحلى دا معدل عالى جدا لو قارنتها بال FRV اللى بتستهلك 6 لتر لكل 100 كيلو(1600cc) وطبعا على كلامك دا استهلاك على طريق سفر وكدة هيا فعلا غول بنزين لكن لو دا استهلاك المدينة هتبقى معقولة

**momopersona** · 08-06-2010 01:06 PM

باشا
الجين تو موتور 110 حصان اقوى من الاتنين التانيين
الجين تو عفشه تصميم لوتس رياضيه ثباتها خرافى بشهادة الجميع
الجين تو كمالياتها كتيييييير و فيها وسائل امان حقيقيه
الجين تو اثبتت انها عربيه محترمه خلال 5 سنوات
قطع غيار الجين تو ارخص من الاتنين
اعادة بيع الجين تو افضل من الاتنين
الاداء كتسارع وثبات مافيش مقارنه لصالح الجين تو

وانصحك تجرب قيادى التلاته قبل قرار الشراء

**Ahmed.Ali** · 08-06-2010 01:23 PM

المشاركة الأصلية كتبت بواسطة Hmatchy

معنا كدة انها بتستهلك 9 لتر لكل 100 كيلو و اسمحلى دا معدل عالى جدا لو قارنتها بال FRV اللى بتستهلك 6 لتر لكل 100 كيلو(1600cc) وطبعا على كلامك دا استهلاك على طريق سفر وكدة هيا فعلا غول بنزين لكن لو دا استهلاك المدينة هتبقى معقولة

FRV 1600cc استهلاكها 6 لتر لكل 100 كيلو مستحيل عمليا و نظريا
9 لتر لكل 100 كيلو مع التكييف و الحرق علي الغيارات مش استهلاك سفر نهائي
بس هوا غول بنزين بالنسبالك يبقي معدل الاستهلاك كام بالظبط
لو عاوز اقل من 9 لتر يبقي عليك و علي السيريون 1300 مفيش امتع من كدا

**momopersona** · 08-06-2010 03:09 PM

المشاركة الأصلية كتبت بواسطة ahmed.ali

frv 1600cc استهلاكها 6 لتر لكل 100 كيلو مستحيل عمليا و نظريا
9 لتر لكل 100 كيلو مع التكييف و الحرق علي الغيارات مش استهلاك سفر نهائي
بس هوا غول بنزين بالنسبالك يبقي معدل الاستهلاك كام بالظبط
لو عاوز اقل من 9 لتر يبقي عليك و علي السيريون 1300 مفيش امتع من كدا

اعتقد 9 لتر لكل 100 كم
يعنى حوالى 220 كم فى الصفيحه (20 لتر) مع الحرق والجرى والتكييف 10/10

وانا عربيتى مع الحرق احيانا الاستهلاك 7.3 لتر لكل 100 كم يعنى الصفيحه بتعمل حوالى 275 كم

وده مع موتور 1600 كامتين 16 صباب وكمان عربيه وزنها تقيل استهلاك اكتر من مثالى

**mohamedkandel** · 09-06-2010 03:10 AM

المشاركة الأصلية كتبت بواسطة ahmadelsaeed

أنا شايف إن الجين تو تكسب إلا لو كانت السيريون 1500 سى سى .... يبقى كده أنا شايف إن السيريون تبقى هايلة (مع مراعاة إن حجم الشنطة أكبر فى الجين تو) .... بس كل الكلام ده هيفرق فرق السما من الأرض حسب إحتياجاتك للعربية

**Hmatchy** · 09-06-2010 05:05 AM

طيب بالنسبة لموضوع البنزين انا هقول تجربة ليا ب FRV 1600cc و انتو شوفو و احكموا
كان معايا صاحبى فولناها من بنزينة موبيل الشيراتون وخدنا الدائرى الشرقى من طريق السويس لحد اسكندرية الصحراوى وسافرنا اسكندرية ولفينا هناك مع الحرق و التكيف وخدنا نفس الطريق ورجعنا وبردو الدائرى لحد موقف العاشر وروحنا فى الف مسكن وكان فاضل فى التانك مابين الربع و التلت تقريبا فى اليوم دا العربية عملت 550 كيلو بالظبت يعنى العربية استهلكت من 33 الى37 لتر فى 550 كيلو شوفو انتوا بقى دا كدة عالى ولا قليل و اتمنى محدش يزعل منى و انا وسطيكو كدة علشان انا حاسس انى عامل زى الاهلاوى اللى بيشجع الاهلى وسط مدرجات الزمالك

الموضوع: FRV ولا سيريون 1300 ولا Gen2

LinkBack

أدوات الموضوع

عرض

-

-

-

-

-

-

-

المواضيع المتشابهه

سيريون 1300 ولا جيتز

فرق استهلاك البنزين بين سيريون 1300 A/T و gen2 A/T كبير قوى؟

هوندا سيتي 1300 ولا دايهاتسو سيريون 1300

سيريون 1300 2008

لانسر 1300 ولا سيريون 1300 (2008)

الكلمات الدلالية لهذا الموضوع

المفضلات

المفضلات

ضوابط المشاركة