لانوس1 او نوبيرا1 @ ولا ريجاتا !!!!!

**mig44n** · 20-06-2010 09:38 PM

بسم الله الرحمن الرحيم
ياريت تستحملونى وتقرو الموضوع

الموضوع وما فيه ان كان عندنا عربيه للبيت كانت 128 وبعنها بعد 7 سنين بعد لما اتعلمنا عليها وطلعت عينينا وكرهتنا فلى العربيات كلها بس والله اول لما اتباعت من هنا وامى تعبت واخوى تعب وابوى تعب وانا تعبت وحسينا بقيمه العربيبه حتى لو كانت سيات ...
المهم احنا كنا هنبيع علشان نزود مبلغ صغير ونجيب حاجه اكبر وتكون انضف شويه يعنى حالتها كويسه وتستحمل المهم قررنا نجيب ريجاتا على قد المبلغ الى معانا ....
المهم الموضوع ماانتهاش ده كده ابتداء
انا والدى معاق نتيجه اصابه عمل واعاقته تديله الحق فى عربيه للمعاقين اظن كده الموضوع اتفهم طبعا قرايبى عمالين يزنو علينا نجيب عربيه معاقين احسن من اى عربيه مستعمله بالمبلغ الى معانا وانا طبعا مش موافق بسبب ان العربيه الى هتيجى لا يقودها الا مالكها وانا والدى لا ليه فى العربيات ولا السواقه وانا واخوى الى بنركب العربيه ......
طبعا لما تيجى تحسبها تلاقى ان عتربيه لانوس ولا نوبيرا احسن مليون مره من عربيه ريجاتا طالع عينها 100 سنه وانا محتار وهتجنن وعمال افكر واحسبها مليون مره لان والدى سايبلى الاختيار وبيقولى اعمل الصح ....
وانا مش عارف الصح؟؟؟؟؟!!!!!!
المميزات لعربيه المعاقين :-
1- عربيه استيراد الخارج حاله نضيقه
2- موديل حديث
3- تكييف باور اتوماتيك
4-العربيه باقل من نصف ثمنها
5- بعد 5 سنوات ممكن نبيعها ودى ميزه وعيب
6- العربيه مش هتتعبنا فى المصاريف
7- لا هندفع لمعاق ولا فى وجع دماغ وخوف على العربيه لانها هتبقى باسم المعاق

العيوب لسيارة المعاقين :-
1-لا يقودها الا مالكها يعنى اى لجنه روحت فى دهيه حتى لو كان والدى
2-ممكن اخد والدى معايا فى العربيه فى كل مشوار ومحدش هيتكلم بس كده انا هتعب ابويا ودى مش طريقه عمليه دى هتبقى بهدله !!!!!!!

يعنى لو مشوار للبيت صد رد ممكن اخد والدى معايا ولو مسافرين والدى اكيد هيبقى معايا بس المشاوير الصغير ه لو بقضى مصلحه او بخلص حاجه هتبقى مشكله موضوع الرخصه ده هيجننى ومش عارف هعمل ايه

الكل بيقولى ب 20 جنيه كله هيمشى وموضوع الرخصه ده متخفش منه ده ابوك والرخصه باسمه والى يقولى هو انت كل يوم بتقف فى لجنه يعنى مالناس ماشيه من غير رخص .....

ياجماعه شورو عليا اعمل ايه؟؟؟؟؟؟؟؟
اجيب ريجاتا واخلص من الخوف والقلق ده ولا اجيب عربيه المعاقين واتوكل على الله وفى الاتنين انا متوكل على الله......
معلش طولت عليكم استحملونى ياريت ارائكم فى الموضوع ده لانه شاغل بالى وانا الى مسئول عنه وعايز اخلص بقى واجيب عربيه لاننا محتاجينها قوى ..............

**SiGmAa** · 20-06-2010 11:23 PM

والله ياباشا مبدئيا انت لو جبت سيارة معاقين صدقنى حتلاقى عربيات حالتها تقريبا زيرو وزى مانت قولت فعلا باقل من نص التمن يعنى مصلحة جامدة جدا جدا

بالنسبة لموضوع

1-لا يقودها الا مالكها يعنى اى لجنه روحت فى دهيه حتى لو كان والدى

ماعتقدش انها داهية ولا حاجة عشان دة والدك مش حد غريب يعنى مش شاريها انت تبع حد معاق وماشى من غير فك الحظر وبعدين فيين وفيييييييييين عل ماتقابل لجنة ولو حتى قابلت لجنة فين وفييييين على مابيوقفوا الملاكى ويرخمو عليهم وحتى لو دة حصل تليفوون لاى حد معرفة ظابط ولا حاجة ويخلصلك الدنيا دى فى 5 دقايق ودة للاسف اللى بيحصل فى بلدك هنا
فانا رائيى الشخصى لو معظم مشاويرك فى البلد يعنى مابتمسكش دائرى كتير ومابتسافرش كتير يبقى اتوكل على الله وهاتلك حتة نوبيرا محترمة وفكك بى من الريجاتا وال 128 والكلام دة مع احترامى الكامل لمالكى العربيات دى والكلام دة عن تجربة واحد صاحبى جايب نوبيرا مش فاكر اسمها نوبيرا حاجة كدة غير العادية اللى كلنا عارفينها المهم العربية دى تحفة فنية فعلا ولو قولتلك دى بحالة الزيرو انا كدة مابقاش ببالغ وهى موديل 2002 تقريبا المهم هو جايبها على اسم ابوة برضو وعمر ابوة ماساقها هو اللى على طوول ماشى بيها وبيسافر بيها والحياة حلوة يعنى
وانتظر برضو رائى السادة الاعضاء هنا هيفيدوك ان شاء الله

**amrseba** · 21-06-2010 12:36 AM

انا هقولك على حاجه انت لو مشيت بيها ووقفتك لجنه هيبهدلوك وياخدو العربيه وتبقى مشكله ملهاش حل ومين قالك انك مش هتصرف على العربيات الى جايه من بورسعيد العربيات معظمها حالتها وحشه والمواتير مفوته ونصابيين خليك فى الريجاتا وتبقى ماشى حطط فى بطنك بطيخه صيفى والحكايه ديه حصلت مع واحد صاحبى وكنت معاه فى العربيه وكمان روحت اشتريت العربيه معاه وانا بنصحك بلااااااااااااااااااااااا اااااااش

**mig44n** · 21-06-2010 01:50 AM

المشاركة الأصلية كتبت بواسطة amrseba

انا هقولك على حاجه انت لو مشيت بيها ووقفتك لجنه هيبهدلوك وياخدو العربيه وتبقى مشكله ملهاش حل بلااااااااااااااااااااااا اااااااش

هو ده الى انا خايف منه

**al_manara** · 21-06-2010 02:59 AM

النوبيرا واللانوس احسن من الريجاتا .وكمان حالات العربيات في بورسعيد افضل . بس زي ما انت قلت المشكلة مع المرور ولو اتمسكت في لجنة دي مشكلة (لا يقودها الا مالكها )
رايي تمسك العصاية من النص. تجيب لك لانوس من بورسعيد سمعت ان سعرها من 17 الف الي 23 الف وتجيب لك 127 مستعملة تستعملها الكام سنة دول لحد ماتفك حظر العربية اللانوس . يعني لو افتضرنا انها ب 17 الف وال 127 ب 10 الاف يبقي انت دفعت 27 الف ودة قريب من سعر الريجاتا .
لو خارج انت والاسرة ومعاك والدك اركبوا اللانوس ولو ليك مشاوير انت عارف ان الطريق فاضي فيها ما فيهوش لجان برضة لانوس غير كدة اركب ال 127
.

**mig44n** · 21-06-2010 07:33 PM

المشاركة الأصلية كتبت بواسطة al_manara

النوبيرا واللانوس احسن من الريجاتا .وكمان حالات العربيات في بورسعيد افضل . بس زي ما انت قلت المشكلة مع المرور ولو اتمسكت في لجنة دي مشكلة (لا يقودها الا مالكها )
رايي تمسك العصاية من النص. تجيب لك لانوس من بورسعيد سمعت ان سعرها من 17 الف الي 23 الف وتجيب لك 127 مستعملة تستعملها الكام سنة دول لحد ماتفك حظر العربية اللانوس . يعني لو افتضرنا انها ب 17 الف وال 127 ب 10 الاف يبقي انت دفعت 27 الف ودة قريب من سعر الريجاتا .
لو خارج انت والاسرة ومعاك والدك اركبوا اللانوس ولو ليك مشاوير انت عارف ان الطريق فاضي فيها ما فيهوش لجان برضة لانوس غير كدة اركب ال 127
.

هو ده الكلام الصح ده الى انا كنت بفكر فيه ......
بس فيه اختيارين :-
1- اجيب الريجاتا واستنى سنه يكون فيه فلوس جايه باذن الله اروح جايب سيارة المعاقين واعمل زى ماقولت
2- اجيب سيارة المعاقين وامشى بيها مع والدى لمده سنه وبرده نجيب عربيه جنبها بس عندى فى البيت لو لقو عربيه المعاقين ممكن يصهينو على عربيه تانيه

**al_manara** · 22-06-2010 02:21 AM

ال127 افضل من الريجاتا في حالتك دي لعدة اسباب
اولا سعرها . يعني تقدر بفلوسك تركبها هي واللانوس
تاني حاجة اما تبيعها مش هاتخسر فيها
تالت حاجة قطع غيارها اسعارها ارخص . والمفروض ان انت الفترة دي ماتصرفش علي العربية كتير لانك هاتبيعها . فالي هاتغيرة فيها انت ركبت بية
رابع حاجة حط فلوسك في العربية احسن بدل ما تصرف منها اي حاجة واتعرفش تجيب السيارة التانية