الموضوع: هل هناك نتشة فى فتيس الفلوانس

المشاركة الأصلية كتبت بواسطة meggieboy

الشكر لحضرتك على أسلوبك الراقى فى الحوار......

واللة يا جماعة انا الى بشكركم جدا على اخلاقكم واهتمامكم بمشكلتى بدون سابق معرفة واللة دة اول منتدى اشترك فية بحياتى وفعلا ملقتش فية غير كل احترام
ان شاء اللة اقابل حضرتك يوم السبت فى اى مكان حضرتك تحددة وبجد بتأسف لو هعطل حضرتك

المشاركة الأصلية كتبت بواسطة adfarouk

أنا النهادرة الصبح بعت ميل للناس بتوع رينو مصر بخصوص المشكلة دي بصفتي واحد من الناس اللي حاجزين الفلوانس و يهموا انه يطّمن على اختياره

الصراحة الأستجابة السريعة بتاعتهم كانت فوق مستوي توقعاتي و اكدت لي ان الواحد بفضل الله اختار العربية الصح و الوكيل الصح

و بعد كده كلمت الأستاذ / شريف و شكرته ... صراحة رجل محترم جداً و أكد لي أنهم على أتم الأستعداد للرد على أى استفسار و حل أي مشكله

ان شاء الله يا sanset يساعدوك توصل لحل في مشكلتك

ده نص الميل زي ما جالي

واللة يصعب على الواحد الرد ان شاء اللة اح الاعضاء يجرب معى العربية واعتقد انة مهندس سيارات وكمان معاة ميجان واعتقد ان رأية هيكون الاصوب على الاطلاق

المشاركة الأصلية كتبت بواسطة wawoo

الله يخليك يا مهندس احمد ..و انا اتمنى فعلا ان مشكلة سانسيت تتحل و نعرف مصدر المشكلة منين ...عشان كدة طلبت منة انة يهدى لانة كان منفعل بزيادة جدا و المشكلة سيطرت على تفكيرة بشكل كبير .

فحبيت انى اطمنة شوية و اخرجة من الدائرة دى ..و دة اول الطريق للبحث عن حل بهدوء و تريث ..

انا اسف لو كان ردى ضايقك بس واللة الواحد بيطلع عينة فى الشغل عشان يحوش فلوس يجيب بيها حاجة بيحبها فلما تطلع فيها حاجة بايظة بتعكننواقسملك باللة العظيم انا راكنها من اخر مرة كنت فى التوكيل
انا اسف لو صدرت منى كلمة مش فى محلها وبشكرك على مشاركتك معايا ورأيك مهما كان محل اهتمام وبكرر اسفى لو صدرت منى اى حاجة فى حقك يا اخ واو

المشاركة الأصلية كتبت بواسطة sskarim

انا في قمة الاستغراب..الناس دي خلوا أقصي آمالنا انهم يردوا علينا...
لاحول ولا قوة الا بالله..

ملاحظتين غير التهكم علي العملاء وعدم الاحترافية في الرد..ممكن أفهم ايه فايدة الرد السريع اللي صاحبه لسة ماعرفشي حاجة عن الموضوع ولا كلف خاطره ان موظف يكتب له تقرير عنه..ولا هو زي مابيقول اللبنانيين طق حنك...؟

أنا مش متخيل ازاي يوصف عملاء رينو الفرنسية بالوصف ده..امال العامة والغوغاء من غير راكبي رينو (في نظره) يقول عليهم ايه...
التوكيل ده قمة في التعالي علي عملاءه..وده شئ لمستوا بنفسي في معارضهم ..يعني من أول ما بيستقبلك...امال لما الواحد يدخل في الجد يعملوا فيه ايه...

انا مش هقدر أكلمك عن تعامل توكيل رينو لأني لسة مجربتوش و ربنا وحده الأعلم باللي هيحصل بالرغم من ان كل الأعضاء بتشكر في التوكيل

بس كل اللي اقدر أكلمك عليه الموقفين دول

- لما رحت توكيل رينو اللي في سور نادي الزمالك أنا و مراتي نتفرج على العربية علشان كنا لسة محتارين بينها و بين الكروز .. الرجل اللي استقبلنا اد اية كان زوق معانا لأقصي درجة و فضل واقف معانا مسبناش بالرغم من الوقت الطويل جداً اللي خدناه أنا و مراتي في معاينة العربية حتة حتة

- لما كنت عايز أعمل التست درايف كلمتهم بس مكنتش عارف ظروفي ممكن تسمح امتي اني اروح .. الرجل المسئول اداني الموبيل بتاعه و كلمته بعد كده و حددت ميعاد و بعدين كنسلتة .. في المرة الأخيرة بعد ما اتفقت معاه و انا في الطريق لاقيته كلمني علشان يتأكد اني جاى لأن هوا غلط و اداني ميعاد المفروض العربية كانت تطلع فيه تعاينها شركة علشان هتشتري منها كمية لموظفينها ... المهم لما عرف اني فالطريق أجل طلوع العربية لغاية لما رحت و عملت التست درايف على مهلي و بعدين شوفت العربية و هيا طالعة فعلاً

أسف للأطالة بس دي شهادة لوجه الله لأني مشفتش حاجة من الحاجات اللي واجهت حضرتك خالص

على فكرة انا مش بشكك في كلامك و العياذ بالله بس الأمانة تقتضى اني احكى اللي حصللي

المشاركة الأصلية كتبت بواسطة adfarouk

يا شباب أنا بحترم كل وجهات النظر في طريقة كتابة الرد

بس أنا عايز أوضح اني لما كلمت الرجل و سألتة اذا كان قرا الموضوع قالي لأ ..... فيمكن علشان كده هو بتكلم عن أنواع الشكاوي عموماً مش المشكلة دي تحديداً

عموماً لو خدنا الجانب الأيجابي الرجل رد عليا في مدة قياسية و قالي أنه أول لما استلم الميل عملوا اجتماع مع الناس المختصة بالموضوع ده و قالي ان حد منهم هيدخل المنتدى ان شاء الله و يحاول يتجاوب مع الأعضاء

في النهاية أعتقد ان ده يعتبر خطوة كويسة من ناحيتهم ... و ممكن نعتبره مجرد خطوة بسيطة على الطريق الصحيح في كيفية التعامل مع المستهلك

الكلام دة مظبوط يا جماعة محدش بيرد بالسرعة دى غير رينو وانا بأكد انة من احسن التوكيلات المتواجدة فى مصر ولو قطعة الغيار غالية بيتعبك بس فى النهاية بتلاقى استجابة

المشاركة الأصلية كتبت بواسطة esslynx

ده الكلام ده على توكيل رينو؟؟..انا عايزك تاخد بالك الاخ اللى بعت الايميل و كلم الراجل قال ايه ؟ و الراجل مقلش حاجه غلط على فكره انت ممكن تشوف انه صاحب العربيه كان عايز يبعها بالخساره من قبل حتى ما نعرف فيها ايه و اخ تانى كان عايز يلغى الحجز ..ايه الى حضرتك مستغربه احنا فعلا شعب ودان و الرينو واخده سمعه وحشه فى اعاده البيع علشان احنا شعب ودان و اقصى امل انهم يرودوا اه و كويس انه ده و كويس انه ادى شكوى حتى لو بسيطه اهتمام و قارن بينهم و بين توكيلات تانيه العربيه بتولع قدامه و يقولك عادى يا فندم ده طبيعى زى ما تكون واحد عبيط مش فاهم و انت اكيد بتفهم عنه و بعدين ازاى قمه فى التعالى ده حصلت امتى دى..انا مش عايز اقلك انه يوم ما كنت لسه بحجز العربيه الناس كانت خدومه ازاى و مدير الفرع فضل يتكلم معايا ربع ساعه فى حاجات عامه ملهاش اى دخل بالعربيه معتقدش انى لمحت اى تعالى من اى حد.. الناس بتشوف شغلها كويس و ده المهم مش خدم عندنا ولا ايه؟..انا مش عارف الموضوع كبر كده ليه؟

واللة يا جماعة الكلام دة مفيش احسن منة انا اصحابى بيخبطو راسهم فى الحيط من التوكيلات التانية توكيل رينو مهما كانت مساؤة احسن بكتييييير من الصيانات التانية