مشكلا ملهاش حل يا سيراتوية

**sharlsamhon** · 06-06-2010 11:13 PM

المشكلة دي غالبا تكون ف المارش...و الله أعلم

**M.ABDEEN** · 07-06-2010 08:37 AM

احتمال تكون المشكلة في الرشاشات

**hondaaaa** · 07-06-2010 08:56 AM

المشاركة الأصلية كتبت بواسطة sharlsamhon

المشكلة دي غالبا تكون ف المارش...و الله أعلم

اسمع كلامة المشكلة فى المارش ...ههههههههههههههه او ممكن تكون فى الشكمان..الناس بسم الله ماشاء الله تقريبا الناس قالتلك غير العربية قطعة قطعة

نصحتى ليك انك تروح التوكيل وتشوف مشكلة الكمبيوتر فى الاول ..لان الكمبيوتر هو الا هيبينلك العطل فين لزم الاول تتاكد ان الكمبيوتر عندك مفهوش مشكلة ...روح التوكيل اعرف حتى العيب فين وبعدين صلحوا برة مش مشكلة لو مستغلى الصيانة فى التوكيل

**ahmed_su** · 07-06-2010 09:12 AM

من تحليلى لكلامك المشكلة تنحصر فى الرشاشات بها سدد جزئى

ويجب اختبارها خارج المحرك

السبب الاخر ملفات الاشعال العربية دى بداية من 2007 يوجد بها

ملف اشعال(بوبينة) لكل بوجيه مش متأكد من موديل 2006 اذا كان نفس

الوضع ,علشان كده لازم تتاكد من كل كويل على حدا

والاهم من ده كله لما يكون العطل غير عادى سيبك من الميكانيكى والكهربائى

وروح لمركز متخصص او الوكيل ... الفرق يستاهل لانك هتدفع اكتر

للمكانيكيا والكهربائى وهتلف على اكثر من واحد وكلهم هيجربوا

ويلعبو فى العربية .

**أبو_يوسف** · 09-06-2010 02:44 PM

مش ممكن تكون عيب بطارية؟ ولا صعب؟
جرب تكشف عليها

**mrsailor** · 09-06-2010 03:14 PM

المشاركة الأصلية كتبت بواسطة ramy_mostafaa

يا جماعة انا معاي عربية كيا سيراتو 2008 خليجي كانت كويسة جدا معايا وكنت علطول بمدح فيها لغاية مطلعلي عيب فيها حيرني جدا وحير كل الكهربائيين والميكانيكين في الاول كانت بتغيب معايا في الدواره غير الاول كانت بتدور بسرعة دلوقتي الموضوع اختلف لازم تتعبني شويا لغاية متدور والموضوع ده كان تعبني لغاية مبدأت أتعود عليه كل لما أروح لحد يخليني أغير حاجة غيرت فلتر البنزين وغيرت البوجيهات وغيرت فلتر الهواء ونظفت الحساسات وفي حاجة كمان مستغربلها كل لما أجي أحطها على كمبيوتر ميقرهاش مش عارف ايه السبب واحد يقولي في جزء عندك من الكنترول طاير وفي واحد يقولي ان العربية دي مش متعرفة عنده على الجهاز وبعد كدا سكت خلاص قلت مش مشكلا اهم حاجة انها بتدور في الاخر طلع عيب تاني لسا جديد كل الكهربائيين بيقولو انه نفس العيب بس زاد شويه بقيت لما اجي أطلع بيها في الاول تقعد تنتش معايا لغاية متسحب مرة واحده كل مره على كدا اجي اقف واطلع بيها تنتش شويا بعد كدا تسحب مبحسش بالموضوع ده وانا ماشي هوا بس في بداية الطلعة بس بعد كدا بتمشي عادي نفسي ياجماعة بجد اي يعرف السبب يقولي عليه ولكم جزييييييييييييييييير الشكر......
والسلام عليكم.

شوف يا سيدى انا كان عندى مشكلة مشابهة و احترت فيها و لقيت الحل فى مشاركة احد الاخوة فى المنتدى ده لدرجة انى مش بافكر ممكن يكون السبب ايه .. انا مش فاكر اسمه بس كل يوم بادعى له ..
قبل ما تدور تفتح الكونتاكت بس لمض التابلوه تنور و تكارك بنزين و تقفل الكونتاكت و تكرر فتح الكونتاكت و المكاركة و قفل الكونتاكت 3 او 4 مرات
و بعدين دور من غير ما تدوس بنزين
لو ما لقطتش معاك بطل و دور تانى من غير ما تدوس بنزين .. حاتلاقيها لقطت و ظبطتت و مشيت على العجين ما تلخبطوش ..
و ممكن قبل ما تعمل كده تكشف على الtps او تجرب ب tps من اى حد
جرب و طمنا و ادعى لى انا و زميلنا اللى ابتكر الفكرة دى

**dmx6_6** · 09-06-2010 05:15 PM

السلام عليكم

انا حاصلتلي المشكله دي في الهوندا سيتي وجبت بوجيهات و طرمبه بنزين و فلتر هوا وكل ده ماكنش ليه علاقه
بص من الاخر خاليهم يغيرولك ال ( مباين ) الي بتركب على( البوجيه spurk plug ) ويشوفو لو كده يغيروهالك
وان شاء الله تكون على قد كده بس والله اعلم ,,,

**solom_eslam_2008** · 09-06-2010 11:55 PM

المشكلة دي انشاء الله بنسبة 95% طلمبة بنزين لان العيب الي انتا بتقولة يبقي قلة كمية البنزين الي بتروح للرشاشات في اول الطلعة وبعدين العربية دي بتفضل مخنوقة لحد سرعة 90 كيلو وبعد كدة العربية بتسحب كويس

**mrsailor** · 10-06-2010 12:26 AM

المشاركة الأصلية كتبت بواسطة solom_eslam_2008

المشكلة دي انشاء الله بنسبة 95% طلمبة بنزين لان العيب الي انتا بتقولة يبقي قلة كمية البنزين الي بتروح للرشاشات في اول الطلعة وبعدين العربية دي بتفضل مخنوقة لحد سرعة 90 كيلو وبعد كدة العربية بتسحب كويس

و ممكن يكون فى سدد فى الرشاشات .. و لما العربية بتدور المادة اللزجة اللى سادة الرشاشات بتسيح و تدى فرصة للرشاش انه يضخ بنزين .. لان لو تلاحظ هو بيقول ان ده فى اول الدوارة .. و لو الحل اللى قولته جاب نتيجة معاه كنت حاقترح عليه يكشف على الرشاشات .. بس انا قولت ليه حل ياكد شكوكى بدل ما نكلفه على الفاضى .. يعنى بدل ما يغير طلمبة و بوبينة .. نعمل اختبار سهل و نتاكد و بعدين نقرر ايه اللى حايتعمل