مشكلا ملهاش حل يا سيراتوية

**ramy_mostafaa** · 06-06-2010 01:20 AM

يا جماعة انا معاي عربية كيا سيراتو 2008 خليجي كانت كويسة جدا معايا وكنت علطول بمدح فيها لغاية مطلعلي عيب فيها حيرني جدا وحير كل الكهربائيين والميكانيكين في الاول كانت بتغيب معايا في الدواره غير الاول كانت بتدور بسرعة دلوقتي الموضوع اختلف لازم تتعبني شويا لغاية متدور والموضوع ده كان تعبني لغاية مبدأت أتعود عليه كل لما أروح لحد يخليني أغير حاجة غيرت فلتر البنزين وغيرت البوجيهات وغيرت فلتر الهواء ونظفت الحساسات وفي حاجة كمان مستغربلها كل لما أجي أحطها على كمبيوتر ميقرهاش مش عارف ايه السبب واحد يقولي في جزء عندك من الكنترول طاير وفي واحد يقولي ان العربية دي مش متعرفة عنده على الجهاز وبعد كدا سكت خلاص قلت مش مشكلا اهم حاجة انها بتدور في الاخر طلع عيب تاني لسا جديد كل الكهربائيين بيقولو انه نفس العيب بس زاد شويه بقيت لما اجي أطلع بيها في الاول تقعد تنتش معايا لغاية متسحب مرة واحده كل مره على كدا اجي اقف واطلع بيها تنتش شويا بعد كدا تسحب مبحسش بالموضوع ده وانا ماشي هوا بس في بداية الطلعة بس بعد كدا بتمشي عادي نفسي ياجماعة بجد اي يعرف السبب يقولي عليه ولكم جزييييييييييييييييير الشكر......
والسلام عليكم.

**morasystem** · 06-06-2010 01:30 AM

غالبا هو الكنترول يونت لأن هو المسئول عن دوران الموتور و تنظيم حركة الموتور بين النقلات بم إن حضرتك استبعدت البوجيهات و الرشاشات و كل الكلام ده ... لازم حضرتك تروح للتوكيل أو مركز معتمد يكشفوا عليها لأن الكونترول يونت دى عاملة زى الحيطة اللى بتقع .. تقعد تنقص كل يوم طوبة لحد ما تختفى ... كان فيه زميل لينا فى المنتدى هنا نيو سيراتو حصلت معاه حاجة برضه فى الكونترول يونت بس المشكلة كانت إن العربية مش بتنقل للرابع

ده اللينك بتاعها: http://www.nilemotors.net/Nile/152992-a.html

**QaTaR** · 06-06-2010 01:35 AM

راجع على الكويلات لو عندك او البوبينه

وان شاء الله باقي الاعضاء
يفيدوك

**alzwawy** · 06-06-2010 01:37 AM

المشاركة الأصلية كتبت بواسطة morasystem

غالبا هو الكنترول يونت لأن هو المسئول عن دوران الموتور و تنظيم حركة الموتور بين النقلات بم إن حضرتك استبعدت البوجيهات و الرشاشات و كل الكلام ده ... لازم حضرتك تروح للتوكيل أو مركز معتمد يكشفوا عليها لأن الكونترول يونت دى عاملة زى الحيطة اللى بتقع .. تقعد تنقص كل يوم طوبة لحد ما تختفى ... كان فيه زميل لينا فى المنتدى هنا نيو سيراتو حصلت معاه حاجة برضه فى الكونترول يونت بس المشكلة كانت إن العربية مش بتنقل للرابع

ده اللينك بتاعها: http://www.nilemotors.net/nile/152992-a.html

لأ ياباشا مشكله ابو ليلي كانت ان الفتيس مش بيقري غير ال 3 لا بيقري اول ولا تاني ولا رابع مش رابع بس ولا حاجه

**gazzar91** · 06-06-2010 02:29 AM

المشاركة الأصلية كتبت بواسطة morasystem

غالبا هو الكنترول يونت لأن هو المسئول عن دوران الموتور و تنظيم حركة الموتور بين النقلات بم إن حضرتك استبعدت البوجيهات و الرشاشات و كل الكلام ده ... لازم حضرتك تروح للتوكيل أو مركز معتمد يكشفوا عليها لأن الكونترول يونت دى عاملة زى الحيطة اللى بتقع .. تقعد تنقص كل يوم طوبة لحد ما تختفى ... كان فيه زميل لينا فى المنتدى هنا نيو سيراتو حصلت معاه حاجة برضه فى الكونترول يونت بس المشكلة كانت إن العربية مش بتنقل للرابع

ده اللينك بتاعها: http://www.nilemotors.net/nile/152992-a.html

بس الكونترول يونيت بتاع الفتيس بيبقى غير بتاع المحرك...
بس العربية شكلها فيها ecu بايظ.. يا رب يكون كلامي غلط... و الله أعلم
في رعاية الله

**max_ziro** · 06-06-2010 04:20 AM

المشاركة الأصلية كتبت بواسطة qatar

راجع على الكويلات لو عندك او البوبينه

وان شاء الله باقي الاعضاء
يفيدوك

كنت هقول نفس الكلام + اسلاك البوجيهات
كان عندى نفس الاعراض و غيرت اسلاك البوجيهات و اتحلت الحمد لله
بس ف الاغلب كل العيوب الى حضرتك بتقولها دى عيوب رشاشات
الى هيا التقطيع و التنتيش و تأخير الدوارة
و الله اعلم ...