الموضوع: ياريس 2010 نزلت خلاص

ده انا اجيب حاجة مستعمل احسن وكمان الماني بالسعر ده مش لازم زيرو.

طيب اللي معاه المبلغ ده 120000 جنيه يجيب الياريس و لا يجيب :
- بولو 2010 أوتوماتيك ب 129000
- sx4 سيدان أوتوماتيك كاملة ب 114000
- تيدا 1600 اوتوماتيك ب 112000
- دايهاتسو ماتيرا اوتوماتيك (علي ما أظن ب 110000)
- فيات جراند بونتو

بالذمة ده كلام ..... و الله حرام

رائع رائع بصراحه

تويوتا ايجيبت بالفعل من افضل التوكيلات فى سياسه التسعير مؤخرا

اولهم عربيه ب 205 ألف مانيوال والزجاج الخلفى منافله , والتانيه ب 120 ألف كل منافسينها تحتها بيجى 30 ألف جنيه فى السعر

الى الامام تويوتا ايجيب , خلاص الحيطه قربت متقلقوش

انا اتعرضت عليا وانا بشترى عربيتى من سنه ومارضيتشى اشتريها وكان كل حاجه فيها +بلوتوث +عتب +جنوط +موتور 1500 +كل الكماليات اللى موجودة فى ال 1300 فول اوبشن اتوماتيك وكان ساعتها 124 الف
دة لو قالوا زى السعر القديم بدل 120 الف يبقى 104 الف يبقى بردة حرام

يا جماعة هو احنا بنعترض كده وخلاص بمزاجنا !!!!

اولا العربية سعرها طبيعى جدا

وتعالوا نشوف المنافسين اسعارهم ايه

اولا هوندا سيتى (تجميع تايلندى ) 123 الف وكانت ب 126 كمان
ثانيا فورد فييستا 116 الف
ثالثا فولكس فاجن بولو 129 الف
رابعا سيات ابيزا 130 الف
خامسا اوبل كورسا من 110 ال 127 الف
سادسا سوزوكى سويفت 110 الف

ها نقوول كمان والا ؟؟؟

يعنى لما تكون الياريس غالية
امال البومة الى وصلت ل 130 الف (وجينيريش عفى عليه الزمن ) يبقى دا اسمه ايه ؟؟؟


محدش يقولى اشترى مستعمل والمانى وا وا
لان كل دا كلام ينطبق على اى عربية ومش الياريس بس

يعنى مهو ممكن اقولك بدل ماتجيب سيراتو هاى لاين اشترى استرا والمانى ........


العربية تحفة و1500 بتاعها سحبه خرافى حقيقى وتجميع فظيع .


بينزل منها بره بلو توث وكاسيت 6 اسطونات وعتب وكساحات وسبويلر وجنوط وجى بى اس وكمان برنامج الثبات الالكترونى تخيلوا لو كل دا موجود فيها كانت وصلت ل 140 الف اقل واجب .

المستهلك المصرى لازم يفهم ان العربيات الصغيرة سعرها ارتفع فى العالم كله وبقى غالى .

واساسا مهو كل العربيات فى مصر غالية مش عارف ليه الياريس هى الى مش عاجبة الناس ..

ماتشوفوا الكورولا الشكل الى فات والاستهبال فى اسعار المستعمل منه ومحدش بيعترض
الانسر البومه !!!!


انتوا بتقارنوها با ايه عشان تقولوا غالية !!!!!!

زى ما انتوا شايفين كل الفئة بتاعتها بتلعب من 110 الى 150 عادى زى اى عربية كومباكت .

واحد يقول النيو اكسنت بتنافس الياريس فى العالم كله وسعرها زيها

هقولك ببساطة النيو اكسنت مفيهاش اى بى اس ولا اى بى دى ولا فيها اى عوامل سلامة عشان كده رخيصة .
دا غير ان العربيات اليابانى ليها افضلية على الكورى ودا شىء يعرفه اى حد .

مش كل عربية صغير تبى وحشة
ومش الكماليات هى الى بتحدد

مهو فى اسبيرانزا 2000 سى سى وفئة عملاقة وكل دا ب 110 الف !!
هل دا معناه بقى انى اهاجم والياريس واعترض على سعرها .


الى يستحق هجومنا واعتراضنا سياسة الدولة والنظام من الاساس الى وصل كل العربيات بلا استثناء للاسعار دى .


صراحة لو مكنش معايا ياريس
ومعايا 120 الف هشترى فييستا او ياريس او سيتى وهبقى محتار جدا
بس هختار الياريس عشان سعر اعادة البيع لانها الوحيد الى بتمسك سعر فى فئتها .
دا غير انها كفاءة .