اقتباس المشاركة الأصلية كتبت بواسطة A_H_M_A_D مشاهدة المشاركة
يا جماعه القاهرة دي حلها بسيط قوي زي ماناس كتير قالت قبل كده

تتنسف كلها و ترجع تتبني تاني على أسس سليمة و على 5 أضعاف مساحتها الحالية

شفتوا الحل بسيط إزاي
ههههههههههههههههههههههههه هههههههه بسيطة جدا ندى الناس اجازة وفلوس يصيفوا 3 سنين عقبال ما يعملوا كدة بس المشكلة لو سكان القاهرة اتوزعوا على المحافظات هتلاقى كل محافظات مصر القاهرة
اقتباس المشاركة الأصلية كتبت بواسطة احمد المصرى مشاهدة المشاركة
المقارنه حرام
انا كنت فى الغردقه من حوالى شهرين
اولا :- اى مشوار بياخد حوالى 10 دقائق بكتيره لان الطريق ماشى على طول
ثانيا :- مره الساعه 12 بليل نازل ولقيت عربيه واقفه فى اشاره حمراء والعربيه واقفه لحد لما الاشاره تقلب خضراء والغريب ان الطريق فاضى خالص اساسا والغريب اكتر ان لا يوجد عسكرى مرور يعنى ممكن يمشى عادى بس محترم الاشاره
ثالثا :- المطبات هناك حاجه ذى الفل اى مطب بتاع 2 متر وارتفاعه طبيعى
ان شاء الله لما ننسفها ونبنيها تانى هيكون دا حالها

اقتباس المشاركة الأصلية كتبت بواسطة Tyler_Durden مشاهدة المشاركة
القاهرة أسوأ مدينة في مصر على الإطلاق للحياة ..
المدن السياحية و الساحلية أفضل بمراحل ..
اللي يروح دمياط الجديدة مثلا هايتحسر على حال القاهرة
انت لو روحت اى مكان هتتحسر على القاهرة

اقتباس المشاركة الأصلية كتبت بواسطة ihabchina مشاهدة المشاركة
اوعى تكون بتتريق ههههه لان كلامك حصل فعلا!!

جابو مهندس استشارى تخطيط من برة وركب الهليكوبتر واتفرج على القاهرة كلها من فوق والراجل نزل قالك لاااااااااااااااا ده تفضل زى مهى ملهاش حل غير اننا تتنسف كلها وترجع نبنى من اول وجديد على اسس علمية هههههههه
ههههههههههههههههههههههههه هههه
هوا شفها من فوق قال كدة اومال لو شفها من تحت زينا هيقول ايه؟؟؟؟؟؟؟؟؟؟؟؟؟؟

اقتباس المشاركة الأصلية كتبت بواسطة elrasy مشاهدة المشاركة
انا بقى معرفتش عذاب العيشة فى القاهرة غير لما سافرت السعودية من 5 شهور بس, فعلا يا جماعة فارق كبير اوى فى النظام والتلوث
الله يكون فى عوننا.
بس تعرفوا برغم كل المساوىء فى القاهرة الواحد بردة وحشة الزحمة ,,,والروح اللى مش موجودة فى اى حتة زى مصر.
معاك حق والله العظيم الروح اللى موجودة فى مصر هى اللى مصبرا الناس الجميلة اللى فيها بجد بلد جميل بس محتاج اننا نراعى ربنا فى معملتنا ليه

انا بقا حصل معايا موقف كنت مسافر السويس وماشى مع صاحبى من السويس عند سينما رينسانس كنت ماشى 60 او 70 ومرة واحدة لقيته بيقولى يخريب بيتك كسرت الاشارة
بقولو اشارة ايه؟؟؟؟؟؟؟؟؟؟
قالى اللى عديت عليها دى و اسمعلك صوت سارينة و ابوص فى المراية الاقى امين شرطة جايلى على موتوسيكل رحت مشغل انتظار وركنت يمين نزل وكان بصراحة محترم اوى قالى رخصك لو سمحت قلتلوا اتفضل قالى كنت بتجرى ليه وكسرت الاشارة قلتلوا حضرتك خدمت فى القاهرة؟؟؟؟؟
قالى طبعا ليه؟؟؟
قلتلوا تبقا اكيد عارف اشارة روكسى راح ضاحك وقالى هو فى حد اشتغل فى المرور وميعرفش اشارة روكسى
قلتلو ماهو حضرتك انا دا مفهوم الاشارة عندى عربيات زحمة من 4 اتجاهات و أحيانا ال 8 بيكونوا واقفين
عسكرى بينط قصاد العربيات علشان يوقفهوم
و أمين شرطة ماسك الدفتر وبيشاور للعربيات تمشى بسورعة
لكن هنا انا لقيت مفرق بصيت فى الاتجاهات كلها لقيتها فاضية فا موش حطيت فى دماغى يكون فى اشارة
راح باصصلى وقالى طب امسك رخصك يا محمد و اول ما تخرج من القاهرة تانى مرة انسا اللى اتعلمتوا فيها قلتلوا دانا هنسا اسمى اول ما اطلع منها و ادانى الرخص ومن ساعتها بمشى اسئل دى اشارة ولا لأ لحد ما ركبوا عيون القط اللى بتنور دى الحمد لله