سى دى الميجان بيعلق

**Rsarabia** · 06-06-2010 09:40 PM

من فترة كنت عامل موضوع عن سى دى الميجان و ان الاسطوانة بتعلق

و الحمد لله عملت وصلة Aux و شغالة تمام على الموبايل بس للأسف الكوالتى بتاع الصوت مش زى السى دى فى فرق كبير جدا جدا بينهم + فى وش مش ملحوظ اوى لما برفع الصوت على الاخر

فى حد كان قال ان سى دى الميجان مش بيشتغل كويس مع الاسطوانات الرخيصة قليلة الجودة اللى انا مشغلها و عاوز انواع معينة بجودة اعلى

السى دى عندى لازم يدى ERROR CD كتير جدا لحد ما يفتح السى دى و لما اطلب السى دى يخرج مش بيخرج ابدا و السى دى بقاله شهور مخرجش

يا ترى هل فى حد من الاعضاء الكرام جرب نوع معين من الاسطوانات و اشتغل معاه اجربها عندى ؟

شكرا و اّسف على الاطالة

**yalahwy2010** · 06-06-2010 10:20 PM

كان أحمد عبد المقصود كان قال على نوع حلو بيتباع عند راديو شاك
بس معلش مش متذكر اسمه
بس هو عند راديو شاك....روح اسأل عندهم وهتلاقى ان شاء الله

**ecybrarian** · 06-06-2010 11:08 PM

احمد عبد المقصود كان جرب CD cleaner من راديو شاك..وانا كنت جربت هواء مضغوط..الـCD cleaner آمان لو ماليكش في فك الكاسيت..

بالمناسبة، الـAUX صوته ممتاز. ممكن العيب يكون عيب في الجهاز إللي راكب في وصلة AUX

**midohits** · 06-06-2010 11:34 PM

بص احسن نوع جربته في السيديهات هوه philips بس مش هاتلاقيه كتير ، بس انا كنت جبته من كرفور اسكندريه هما اغلى شوية بس انضف وعمرهم ماقطعوا معايه

**chato_eg** · 06-06-2010 11:49 PM

الماركة إللى بيستعملها أحمد عبد المقصود هى Memorex
و ممكن تلاقيها فى أماكن غبر راديو شاك
و أنا اتعاملت مع فيليبس برضه و هو كويس

لكن عموما سمك ال CD-R أقل من ال Original Audio CD و هو ده سبب عدم قدرة الموتور على لفظ الاسطوانات
الغريب فعلا إن ال MP3 CD Player الأصلى ما شفتش فيه المشكلة دى....و ده كان فى السينيك بتاعت أحمد كمال
مش عارف لسه كويس و لا ظهرت فيه نفس المشكلة

بالمناسبة كابل ال Aux صوته ممتاز و التشويش بيظهر خفيف على الدرجات العالية جدا من الصوت....أكيد صوت ال CD أحسن

**ecybrarian** · 07-06-2010 12:08 AM

على فكرة لازم تنضف الـHead unit الـCD cleaner بينضف العدسات فقط في حين إن الهواء المضغوط بينضف الجهاز من الداخل..وعموما يُنصح با ستخدام CD cleaner بعد استخدام الهواء المضغوط