اخيرا بقيت اوبتراوى باركولى :)

**houbaz** · 07-06-2010 12:25 AM

باركولى يا اوبتراويه اخيرا جبت اوبترا 2006 سوداء مانيوال عاملة 60 الف كيلو بعد رحلة بحث بقالها 4 شهور شفت فيهم 8 عربيات اوبترا مفيش واحدة كانت تستاهل انى اشتريها! و كنت خلاص قررت اجيب صنى زيرو بالقسط بس ربنا اراد اجيب اوبترا فى الاخر :)
الحمد لله حالة العربية حلوة جدا ما شاء الله عليها، كانت بتاعت دكتورة فى الجامعة و بالصدفة طلعنا جيران فى المعادى، اتفرجت على العربية حالتها عجبتنى خلصت فيها على طول.. كنت مستغرب العربية فى الاول بس بعد كام مشوار للشغل حبيت العربية جدا، وبداية الحب دا كان سببه حسام اوبتراوى اللى عامل شغل عالى اوى للاوبترا ربنا يخليهولنا، بس فعلا العربية تستاهل انها تتحب...
اى حد بقى عنده نصايح او افكار اعملها فى العربية ما يبخلش علينا

**hobaz** · 07-06-2010 12:27 AM

الف مبروك ياباشا وربنا يديك خيرها ويكفيك شرها وشر الطريق.........

**Haitham10** · 07-06-2010 12:36 AM

الف مبروك ياجميل وربنا يديك خيرها ويكفيك شرها

ياريت تبقي تقولي رأيك فيها لاني بفكر انا كمان فواحدة
فقولي ايه الحاجات الي حسيتها في الاول والباور ناعم مثلا زي البومة ولا تقيل

**houbaz** · 07-06-2010 12:46 AM

الله يبارك فيكو، متشكر جدا..
هيثم باشا بص العربية overall ناعمة و الباور ناعم مش تقيل خالص بس مش فى نعومة البومه اقل سيكه، و الموتور موتور نوبيرا بس هادى و مالوش صوت و عزمه ما شاء الله عالى جدا 150 N.M و ادائه ممتاز، العفشة وسط ولا هى ناشفة بتدب ولا ناعمة زى الكورى بس انا شايفها كويسة مش مدايقانى خالص و الثبات تمام، نيجى لاحلى حاجة فيها صالونها واسع جدا و الكراسى مريحة و التابلوه simple وفى نفس الوقت شيك و عزلها هايل لما تقفل الشباك و مولع التكييف بتفصل عن بره خالص.. بس كده :)

**abou-yahia** · 07-06-2010 08:53 AM

الف مبروك

يا هلا بيك معانا في نادي الاوبترا .

ياريت حضرتك تديني تفاصيل اكتر عن حاله العربيه و ثمن شرائها , ومستنيين منك تقريير اكتر تفصيلا عن اداء العربيه بس بعد شويه تكون قدرت تكون فكره كويسه عنها وخصوصا انك هونداوي قديم .

**Hosam_Optrawy** · 07-06-2010 07:10 PM

الف مبروك ياباشا ربنا يباركلك فيها ومبروك علينا اوبتراوى جديد :)

بس مهم جدا انك تعرف اذا كانت العربيه عامله صيانة ال 60 ولا لأ لان الصيانه دى من أهم الصيانات وبيتغير فيها حاجات كتير

وكمان الكاوتش لو ماتغيرش لازم تغيره

**Abo el-Seoud** · 07-06-2010 08:54 PM

المشاركة الأصلية كتبت بواسطة houbaz

الله يبارك فيكو، متشكر جدا..
هيثم باشا بص العربية overall ناعمة و الباور ناعم مش تقيل خالص بس مش فى نعومة البومه اقل سيكه، و الموتور موتور نوبيرا بس هادى و مالوش صوت و عزمه ما شاء الله عالى جدا 150 N.M و ادائه ممتاز، العفشة وسط ولا هى ناشفة بتدب ولا ناعمة زى الكورى بس انا شايفها كويسة مش مدايقانى خالص و الثبات تمام، نيجى لاحلى حاجة فيها صالونها واسع جدا و الكراسى مريحة و التابلوه simple وفى نفس الوقت شيك و عزلها هايل لما تقفل الشباك و مولع التكييف بتفصل عن بره خالص.. بس كده :)

مبروك اولا بس مع احترامي لرايك بس انا كان معايا نوبيرا وموتور الاوبترا مالوش علاقه بموتور النوبيرا
كفايه صوت موتور النوبيرا المزعج