الموضوع: خناقة والباب

المشاركة الأصلية كتبت بواسطة hondawy_2008

أنا معايا كرباج في الباب بتاعي للمواقف اللي زي دي

فعلا الكرباج انسب حاجة علشان هتعرف تجرى ناس كتير من حواليك بص الكارثة لو حد انت ضربته اخده منك

لان الموقف ده حصل قدامى مرة و واحد معاه كرباج ضرب اكتر من واحد و جرى الناس من حواليه بس فى واحد هجم على صاحب الكرباج و استحمل كام ضربة منه بس لما اخده قطع الى كان معاه الكرباج

فبلاش الحاجات دى و خليها فى أسوء الظروف

علي فكرة النار مبتطفيش بالنار بتطفي بالمية يا جماعة متخلوش الشيطان يتمكن منكم ساعة الابتلاءات وبعدين افرض انه كان سواق مستبيع ولا مبرشم كنت حتودي نفسك في الكازوزة علشان واحد ميستهلش تتف عليه حتي وعندك بيت واسرة وتقلق الحاجة عليك
خلي rpm دماغك عالية وتفرملك بabs مزبوط
ويا سيدي فدا ضفرك يعني صاج الباب اغلي عندك من نفسك ولا ايه
اهدي كدة امال وقدر الله وماشاء فعل
واحتاط من اخطاء الاخرين في الطريق

أولا.. حمدلله علي سلامتك قبل أي شئ و فداك 100 باب و ميكروباص

ثانيا.. كان المفروض تعمل زي ما أنا عملت قبل كده (نزلت صورت العربيتين و بعدين أتصلت بشرطة النجدة) و تعمل محضر في القسم و ساعتها كانوا هايروقوه خاصة لو مافيش معاه رخص و لا تنرفز نفسك و لاحاجة

ثالثا.. ممكن ترفع لنا صور الخبطة علشان نقولك هيا تتصلح و لا تجيب أستيراد لكن عموما لو عايز سمكري كويس و محترم أقدر أوصف لك واحد في شارع الاربعين بجسر السويس

مع خالص تحياتي
م/ سمير الشهاوي

شكرا علي جميع الردود وانا شكلي هوديها الحرفيين مع اني مابحبش اسيب عربيتي لحد

بس انا مضطر وشكرا مرة اخري لجميع الردود

الحمد لله على كل شئ قدر الله وما شاء فعل

المشاركة الأصلية كتبت بواسطة mrwho1982

السلام عليكم اولا

ثانيا انا اصلاشخصية هادئة جداااا ولكن اتقي شر الحليم اذا غضب

اللي حصل كالاتي واخد امتداد مكرم عبيد وانت رايح ناحية city center

سواق ميكروباص بيلف قام دخل في باب السواق :i_angr1[1]:

المهم نزلت بكل هدؤ وقلتلو هاترجهالي زي ماكانت علشان ده طريقي وانت بتاخد التقاطع عالسريع

نزل الركاب اللي معاك وهات رخصتك وتعالي نروح لسمكري

الراجل بصلي بصة زي مايكون بيقول ( امشي يالا من هنا ) المهم النظرة ماعجبتنيش

قلتلو يعني مش هاتنزل قاللي عوضك علي ربنا المهم قمت رايح ناحية شنطة عربيتي وشديت صليبة العجل

وقمت رايح ناحية الباب الجرار وهو بيقولي يخربيتك انت هاتعمل ايه

قلتلو انا هاعلمك تسوق ازاي ...............

وبالصليبة والشلوت في الباب الجرار المهم الباب اطبق قلتلو احنا كده خلصانين عايز تتخانق تعالي ( كنت مستبيع بصراحة ) المهم مسك التيشرت وبس هي دي فرصتي وبالبوكس في ام وشو الناس اتلامت وكان حد بيصوت بس مش عارف مين المهم كام شتيمة حلوين والناس حاشت وبعدوني عن الراجل لاني كنت ماسك الصليبة في ايدي وكانو خايفين لاحسن انزل بيها علي دماغه

والناس قالولي خد عربيتك وامشي بصراحة انا كنت عايز اخدو عالقسم

بس الناس هي اللي حاشت

اخدت مفتاح العجل وحطيتو في العربية

وكان في راجل كبير قاللي يابني انت لسه صغير الحق روح

ههههههههههههه قلتلو اه صغير
ركبت العربية وبدورها لقيت الراجل( سواق الميكروباص الغبيي) بيقولي لو راجل اوقف

المهم قلت مصلحة وحياة امك لابيتك في مستشفي

لسه بمد ايدي جنب الباب بتاع السواق وبشد سلسلة محترمة (بتاعة ايام الشقاوة ) ونازل من الناحية التانية لقيت الناس اتلمت ياعم روح ده سواق عبيط هاتنزل بمستواك قلتلهم اع انزل واديلو بالجزمة

المهم لقيت واحد قاللي روح يالا ووقفلي الشارع ومشاني

انا متغاظ جدا من اللي عملتو لاني اخر مرة مديت ايدي علي واحد كان من 4 سنوات ايام ماكان معايا ال 127 وكان معايا 4 زمايلي والسواق بعد ماتروق حلف ان هو مش هايسوق تاني خالص ومن بعديها انا قررت مامدش ايدي علي حد

معلش صدعتكو بس انا متغاظ :i_angr1[1]::i_angr1[1]:

المهم دلوقتي هي الخبطة مطبقة باب السواق ومابيفتحش وواخدة جزء من الرفرف تنصحوني اروح عند مين وهي تترد عالبارد ولا عالسخن وتعمل كام

ولا اجيب باب استيراد

ربنا يسامحني عاللي عملتو النهاردة وينتقم من الغبي ده

متزعلش نفسك الناس ديه مش عايزه غير الي يديها بالجزمه والي انت عملته ده صح100%