انا نقلتلكم الموضوع الظريف ده من منتدى آخر لان شخصية ظريفة بتحكيه وده واضح من اسلوب الكتابة



 ================================================== =
 قصتي مع الاسبرانزا

ويالها من قصة
محدش يتخض القصة مش مؤلمة
قبل ما ابدء القصة ..احب اقول ان سبب كتابتي للقصة هو ....اولا المنتدي وماوجدت فية من اقاويل ومواضيع جعلتني اقول ياااااااااااااااااااااااا اااااااااااااااا دا كلة حصل من الوزة الاسبرانوا
وتاني سبب هو كثر الكلام عن الاسبرانزا في الشارع بين المهتمين بسوق العربيات وكثر ما الناس ما تسالني احيانا وانا راكبها واركنها ويقولوا هي الاسربانز عاملة اية معاك ؟؟؟؟؟
 نرجع للقصة
وبكل ضمير ومصداقية هتكلم
اشتريت الوزة في شهر سبعة يوليو 2007 في عز الحر
اشتريتها من معرض سيارات كبيرررررررررررررررررررررر ررررر تقريبا اكبر معرض بسعر 69.5 بعد ما انقطع نفسي لانها كانت عندهم 70.400 ..المهم
استلمت الوزة عروسة ومن عرايس الف ليلة ...وجاء المهندس سلم لي العربية وعمل تشيك اب عليها امامي ...وكاني بستلم فرخة مشوية ....يعني لخص معايا وكلمتين بحركتين وقال لي امضي مضيت استلام لاني فرحاااااااااااااااان بشكل وكبر وجنال العربية وبالسعر داااااااااااااااااااااااا اا الفرحة عمت عيني المهم
 مشيت بيها ولا كاني راكب جكور او لكزس ....اتمختر ولو قدرت مخلهاش تمشي علي الطراب كنت عملتها
رخصت وخلصت وبداءت حياتي الجديدة مع الوزة
بدءت امشي بيها وامارس حياتي بيها بشكل عادي
لم اشعر بشي فيها غير عادي مولع التكييف ليل ونهار فيها وماشي بيها كل السرعات والله العظيم ولا بصيت لتليين ولا الف كيلو فقط كنت اللحظ فعلا سخونة من تحت الدريكسيون ولكن غير دائمة يعني احيانا وكنت بعتقد من حر الصيف والمتور بس لانها كانت قليل ما تحدث ما اهتمتش سافرت في شغل موقت لمدة ثلاث شهور وسيبت العربية لاختي الكبيرة واولادها .....لانها اختي وبرضة ساعدتني في شراءها بالفلوس
رجعت
وجدت مايالي
 العربية يا اخوان وبكلها بقول صراحة
مشيت عشرة الف كيلو من غير اي صيانة
ولم يتم تبديل الزيت الا عند اربعة الف كيلو وبزيت شيل ابو 35 جنية ...طبعا جريمة
زيت الماتور لما جيت اغيرة اخير واعمل صيانة كان ناقص اكثر من 70% ولما خفت وقلت راح فين الزيت ورحت لمكانيني صديق كشف عليها وقال الماتور زي الفل الزيت يمكن اتسرب من المسمار او اتبخر لان مفيش اي مشكلة في الموتور
 كل زيوت العربية كانت ناقصة زيت ....والعربية ماشيبة زي الفل والله العطيم
طبعا لحقت العربية ورحت التوكيل وقالو لي اني احتمال برة الضمان وهيتصلو بالمركز الرئيسي واتصلو والمركز قال لا عادي استمر جو الضمان

ودخلت الصيانة بتاعت الف والخمسة الف والعشرة الف مرة واحدة ولما قالو لي بتعاني من حاجة قلت والله العربية زي الفل لا يوجد بها شي

خرجت العربية من الصيانة واستلمتها
وانا ماشي وجدت مايالي
 السحب اصبح اضعف
الفتيس فية خشونة قالو فية عضة ؟؟؟
 صوت انذار الابواب لا يعمل
سخونة تحت الدريكسيون
حتي اني شكيت انها عربيتي
 المهم
رحت عند صديقي المكانيكي قال لي من المفترض ان التوكيل يكون افضل منا خصوصا وان العربية جديدة علينا
بس قال انا هظبط لك العربية ان شاء الله
 زبط لي السحب وزبط لي عضة الفتيس .....اما الانذار بتاع صوت الابواب لسة عطلان وانذار الشنطة كمان ...والسخونة بتاعت تحت الدريكسون مازالت موجودة وان كانت قليل جدا لما تظهر ومش عارف لية

القصة لسة لها بااااااااقي
ولكن للحلقة القادمة


اشكركم جميعا علي الرد ........واسف للتاخير بس يمكن كلكم عارفين مشكلة كابلات النت ...والبهدلة التي حصلت ...يالة هنعمل اية مجتش علي النت؟؟؟؟؟

 المهم يا اخواني هكمل الموضوع بس الحلقة دي هتكون كدة سريعة لان اسبوع الشغل هيبدء بكرة
وقفت عند اني ظبطت العربية عند المكانيكي وبقت اخر فل ...وفي الحقيقة ظلت بعض مشاكل الكماليات عاملة لية حالة نفسية يعني زعلان ان صوت الانذار مش شغال وتعليق في اوكرة الباب الخلفي برضة ..المهم
 مشيت بالعربية مفيش مشاكل ..بل كان اداء زي الفل ...والله العظيم شديت مع لانسر وكان اداء العربية زي الفل ماشاء الله ......

 بداءت اقراء عن الاسبرانزا في الانترنيت ..........وياريتني ما قراءت ...وجدت كم من الانتقادات للوزة الاسبرانز لايحصي ..واحد يقولك صيني مضروب وواحد يقولك عربية مجهولة الهوية وناس نقول عربية مشاكلة وقلة قيمة .....وووجدت كمية من التفاصيل غريبة جدا

 علي سبيل المثال
بور الدريكسيون فية مشكلة ؟؟
 السيارة بتحدف يمين ومرة تانية يقولة شمااال؟؟؟
 ناس تقول طقطقة في العربية من وراااا؟؟؟
 وناس تقول الشاسية معوووج...شاسية معوج دي مصيبة ؟؟؟؟؟
 ناس تقول الفتيس ..والسحب ...والعزم ....وبتأكل بنزين
وناس بتقول ودي سمعتها من كثير ....العفشة واقعة وتعبانة ..كهربة العربية مش مظبوطة ..وووووو......والعربية بتأكل كوتش
دا غير المصيبة الكبري بيقولو الموتور ....اي كلام ومش هيكمل
سنتين ......طيب من فين افتيتو انة مش هيكمل يابشر ؟؟؟
 انا اتجننت والله العظيم اتجننت ...دا كلة في عربيتي دا كلة يجتمع في عربية واحدة
بقيت انزل ابص علي الوزة واقف ابص عليها وكاني ببص علي جاسوس عميل خاني ..وغدر بيا ....والله العظيم بداءت نفسي تنكسر من العربية اركبها وانا مركز علي كل حاجة فيها لو شوية شفت حاجة في الدركسيون من مطب ولا حاجة اقول ايوووووووووو اهية المصايب بداءت لو سمعت صوت اي حاجة في الشارع من عربية جنبي اتخض وافتكرها من عندي بقيت اطفي المسجل واقفل الزجاج علشان اركز في اي صوت او اداء غير طبيعي للعربية ...والله بداءت ادخل في وش وهوس .....يااااااااساتر من كلام الناس
رحت للمكانيكي ق قريبي قلت لة العربية دي شفها وقولي فيها اية قال لي المكانيكي بنشتكر من اية ؟؟؟؟ قلت له مش عارف بس العربية اداءها مش عجبني ؟؟؟قال لي لية فيها اية ..قلت له كل ما ذكر اعلاة .....قال لي دا كلة ولسة الغربية ماشية بيك ياراجل حرام عليك....قال لي اقعد شوية اخلص ونشوف فيها اية ونطلع بيها نجرب ؟؟؟؟؟؟وخد المفاتيح وقال تعالي هطلع هجربها علي خط مفتوح ونشووووف اية حكاية الاسبرانزا دي

 والله طلعت معاااااااااااها وطلعنا علي خط مدينة العبور والشروق ...يجرب العربية
وهكمل الحلقة القادمة لان الموضوع طويل اقوي


والله ياجماعة انا اسف للتاخير
بس جد جديد
الوزززززززززززززززززززززز زززززززززززززززة بتاعتي يارجالة اتخبطت
اتخرمشت الوزة ياجماعة محدش سابها في حالة
انا مش فاهم انا هعيش كدة في قصص الوزززززززززززززززززززززز ززززززززززززززززة
كنت راجع من صلاح سالم داخل علي الخليفة المامؤن والله العظيم والله العظيم واقف في الاشارة الساعة 1 ليلا مع ان الدنيا فاضية بس قلت خليك انسان حضاري واحترم الاشارة خصوصا وانا راكب عربية وززززة شكلها حاجة تفرح واقف ولا لية ولا علية وجنبي ثلاث عربيات
سمعت فرملة وزحلقة ورايا قووووية لسة هبص ورايااااااااااااااا سمعت خبطة قوية والعربية اتهزت وصوت وقلق انا مش مستوعب وعقلي مش عاوز يترجم اية الي حصل يعني اية الصوت والخبطة دي في عربيتي انااااااااااااااااااااااا ااااا لاااااااااااااااااااااااا اااااااااااااااااا والف لاااااااااااااااااااااااا ااااااااااااااااااااااااا اااااااااا
 ااا مش معايا انا ومش في وزتي مستحيل والله العظيم كل دا دار في دماغي في خلال اقل من ست سبع ثواني الي انا بصيت وشفت وبداءت استوعب
ايوووووووووووو الخبطة في وزززززتي بالفعل انا في هذة اللحظات بداءت اترجم في دماغي اصبحت احد مالكي سيارات الحوادث ثواني معدودة حولتني انا والوزة من شكل الي شكل اخر
لاحول ولاقوة الا بالله
فتحت الباب نزلت بكل قوة وصرامة ولا قلت كلمة الناس تجمعو اتجهت الي خلفية الوزة بصيت وقفت اتأمل شفت بعيني الحقيقة الوزة اتخبطت الفانوس الخلفي الشمال تم تدميرة عن بكرة ابية جنب الزواية اصبح لا اثر له ...بصيت اشوف العربية التي خبطتني
ياللعجب عربية شرطة بوكس بالضابط والعساكر والله العظيم .................لحظات لسة الظابط هيتكلم انا كنت انفجرت صرخت فيهم اخرسوووووووووووو الله ينتقم منكم هو لامنكم ولا كفاية شركم الله يخرب بيتكم دمرتم حياتنا وهدمروووووو كمان ممتلكتنا ....هو دا الي بتاخدة من الحكومة واراجل يقول لي يامحترم قلت له محترم غصب عنك ....علي الاقل مش بدمر ممتلكات الناس . ...هي دي الشرطة ...وهاجت الدنيا والناس تهديني ....وانا ازعق .....الضابط يقولي ياسيدي انت مش في الضمان قلت له وانت مالك انا في الضمان ولا مش فيه ....انا عاوز حقي منكم عاوز حقي من الداخلية عاوز حقي كلة من الحكومة انا هشتكيكم في القسم ؟؟؟؟؟؟واحد جنبي قالي مهما القسم يا يا ابني ....؟؟؟طيب يعني اية حد يفهمني اليلة دي يعني هتخلص علي اية ....انا مش مروح بالعربية بتاعتي الا زي ما خرجت بيها
ياناس ياهووووووووووووووووووووة انتم مش حاسين بالنار جواياااااااااااااااااااا .... ...........دي فيها شقا عمري حرام
 ولا الهوااااااااااااااااااااا اااااااااااا
 مطولش عليكم الضابط برغم اني كرهتة بس كان محترم هداني وقال لي ولا يهممك كل الي عاوزة هنعملة .........هديت قلتلهة اتقوالله دا انا واقف في اشارة لا ليا ولا عليا ؟؟؟؟؟قال لي معلش والله عارفين الغلط كلة عندنا بس العجل بتاعنا والسرعة والفرامل فلتت وكلام انا مش فاهمة ..المهم قال لي هنظبطلك كل حاجة .....هنعملك محضر وهنخلصها بطريقتنا تصليح وصيانة من التامين بتاعك والتوكيل من غير ما هتدخل في حورات وقلق ومصاريف ...ووو....زبداءت قصة جديدة مع الاسبرانزاااااااااااا
 مش عارف اكملكم قصتي الاولي ؟؟؟ولا قصتي الثانية ...ولا اكتب اية او اية
الوززة مش عارف واخدة عين من المجتمع والشعب واصحاب الفيرنا والدايووووووووو ولا اية
محدش سايبها في حالهاااااااااااااااااااا لية
القصة دي لها برضة ترجمة اخري ..لان في حاجة غريبة ...بعد ما رحت مع الضابط القسم بتاعة وبصينا علي العربية استغرب جدا وقال لي غريبة العربية دي اتحملت الخبطة بجد قال صعب انها تتحمل خبطة من بوكس شرطة مصفح وتخرج كدة ...طبعا انتم ممكن تقولو انة بيهدني صح ممكن بس انا فعلا لحظت دا وكل الي شافها قال لي خبطة مش مخيفة قالو لي عادية جدا ...قالو لي ممتاز جدا ان صاجها يتحمل خبطة من بوكس سريعا وتخرج بس بخبطة متوسطة في الزواية من غير تهشيم الجتب كلة من الشنطة للبزين
طبعا بداءت حوار التامين بالصيانة ......ومبدائيا كان اول الطريق من التوكيل .......
 معلش استحملوني بس بفضفض ..معاكم ما انتم رفقاااااء الوزة محدش هيحس بيا الا انتم
وان شاء الله اكملكم كل القصة الاولي ودي
بس الاخ بتاع توقع ان الحلقة الاخيرة كانت دي

 يارب تكون الحلقة الاخيرة الي جاية لاني مش هتحمل قصص مع الوزة
عليا بالثلاثة والاربعة والخمسة لو قصص الوزة مخلصتش ونزلت الستارة علي العرض المسرحيى لاكون دابح الوزة وشاري ......كتكوت

 معلش نسيت اقول الحلقة القادمة ترقبووووووووووووووووووووو وووووووووووا

 صورة الوزة وهي مخبوووووووووووووووووووووو ووووووووووووووووووووووووط ة
 حصريا علي المنتدي
 صورة اول وزة مخبوطة بالمنتديااااااااااااااااا اااااااااااااات