السلام عليكم ورحمة الله وبركاته
عرض للطباعة
السلام عليكم ورحمة الله وبركاته
يااااااااااااااه هيه دي اخطر مشكله في السيراتو
دي عربيه جامده اخر حاجه
طبعا فى كتير تابع المشكلة اللى حصلت معايا واتكلمت فيها فى كل التفاصيل
http://www.nilemotors.net/Nile/152992-a.html
مش عارف ابدا منين ولا اتكلم ازاى لاول مرة اكتب موضوع من غير ما يكون فى تحضير
بس اللى يهمنى دلوقتى انى اعرض مشكلتى علشان الكل يستفيد .
طبعا موضوعى للاسف بقى من ضمن الاسباب اللى بقت تخلى الناس تهاجم السيراتو وكل ما كنت افتح موضوع بعيد عن القسم الاقى الناس بتتكلم عن العيب اللى فى السيراتو
وبقى الموضوع بيضرب بيه المثل فى عيوب العربية زى موضوع حادثة المهندس غازى
والمشكلة اللى بيقرا الموضوع بيشوف فيه اللى هو عاوزه بس وخصوصا اللى مستنيين الغلطة
فى العربية ومش بيشوف الباقى وليا كلام تانى بخصوص الموضوع ده .
بعد تقريبا 10 ايام اكتشفت ان المشكلة لسه موجوده بس المرة دى بتختفى بمجرد ما العربية تهدى
رحت المطار من الهرم حوالى 40 ك بركن العربية لقيت العربية راحت رجه جامد وهنا قلبى وقع
لان الموضوع ده معناه حاجه واحده ان العربية بقت على الغيار التالت وهى واقفه نفس المشكلة تانى
بجد اترعبت ومكنتش مصدق من الصدمة . كان معايا ناس كنت رايح اجيبهم من المطار ( اختى )
سبت العربية ورجعت ادور الاقى ولا كان شى حصل بتجيب الغيارات كلها
فى ايه ؟؟؟؟
سؤال بساله لنفسى طول الطريق ايه اللى حصل معنى كده ان المشكلة من الاصل متحلتش طب ازى
وهى بتجيب معايا باقى الغيارات معنى كده انها اتحلت
قررت اروح مركز تكنو وان ورحت فعلا وقلت بالمرة علشان اعمل شهادة الضمان على العربية
طبعا كلمت كريم منير زى الاتفاق علشان اعمل شهادة ضمان قلى روح وكلم هو احمد الشحات
وفعلا رحت للمهندس احمد قلى هنعمل كشف على العربية علشان نقدر ندخلها الضمان
فى هناك مهندش تانى مختص بالموضوع ده كشف على العربية بالجهاز والمفاجاة
العيب مازال موجود على الجهاز !!!!! ؟
طب ازاى والعربية ماشية عادى بتجيب كل الغيارات ده كان سؤالى والرد كان
المهندس احمد / انا قلتلك لاازم نغير الكنترول ومش هنقدر نعملك شهادة ضمان طول ما العربية
ما الجهاز مطلع عيب قلتله معنى كده ان العربية من الاصل لسه فيها المشكلة قلى ايوة
طب ازاى والعربية بتجيب باقى الغيارات ؟؟؟ قلى انا كشفت على العربية ووقتها قلتلك جربها وانت قلت بقت تمام .
من الاخر مقدرش يقولى تفسير لانه ببساطة معندوش تفسير تانى غير ان الكنترول لاازم يتغير .
الجهاز مسجل ان فى عطل فى الكنترول يونت الخاص بالفتيس والمهندس مسح العطل من على الجهاز
وقلى جرب .
طيب والضمان ينفع اشتريه قلى لا خلاص كده مينفعش اعمل ضمان لعربية كان فيها عيب
( العربية ا تعلم عليها )
قلتله حتى لو العيب اتصلح قلى حتى لو اتصلح .
مشيت وانا مش فاهم فى ايه كان معايا الاولاد وامهم فى العربية طبعا والحزن والغم هو الانطباع اللى موجود فى العربية بتكلم مع زوجتى فى المشكلة راحت قالت ماتشوف الكتيب بتاع العربية يمكن تفهم منه حاجه . قلتلها لما نبقى نروح
تخيلو معايا ليلى بنتى مسكت الكتيب وبقت تقلب فيه وتقولى بابا ان شاء الله هتلاقى العيب اللى فى العربية موجود هنا انا شفته اهو .
ضحكت يا ليلى انتى فاهمة حاجه ؟؟ فالت لا بس مش عاوزه اشوفك زعلان .
استنونى لسه الموضوع فى مفاجات كتييييييييييييييير .
من الحرفيين الى الهرم المسافه بعيده وخصوصا لو اخدتها من م نصر يعنى زحمة واشارات
وقفنا عند مطعم وانا بركن لقيت العربية راحت عملة نفس الرجه والغيار بقى على التالت تانى
طيب علشان مطولش عليكم معنى كده ايه
1 - العيب من الاساس تقريبا راح منه جزء والجزء التانى لا
2 - انا بيتى فى فيصل وشغلى فى الدقى يعنى المسافه حوالى ربع ساعة
3 - العيب بيظهر لما امشى بالعربية مسافات طويلة وهنا بيتسجل على كنترول العربية ان فى عيب
4 - العيب بيختفى بعد ما العربية تهدى او ابطل وادور مرة تانية بس بيفضل متسجل ان فى عيب
رحت مركز صيانة تانى معتمد لهيواندى ودخلت لمدير الصيانة وحكيتله على الموضوع كله على اساس انى محتاج اتاكد ان فعلا العيب من الكنترول .
سمع منى وقلى مش هقدر اعملك اى حاجه هنا علشان ممنوع ندخل عربية تانية بس قلى روح عند مركز خاص بكيا معتمد ومديره صديق ليا وخليه يكشفلك على العربية
وفعلا رحت مركز معتمد وخاص بكيا بدون ذكر اسماء ورحت المركز وعرضت المشكلة على مدير الصيانة
وكشف عليها وقلى اللى انت عملتها بره ده غلط غلط غلط
العيب مش فى كنترول العربية وبعيد عنها وخطر انك خليتهم يفكو الكنترول ويلعبو فيه
قلتله عاوز افهم ايه المشكلة ؟؟
قلى الموضوع هيحتاج وقت بس ممكن يكون فى الحساسات او ضفيرة الكهربه انما بعيد عن الكنترول
سبت العربية بعد ما انتظرت حوالى ساعتين وهو بيجرب وبيشوف وقلى العربية هتفضل معانا
قلت طيب اعرف فى ايه ؟
قلى هنجرب نشوف الحساسات وضفيره الكهربا ونجرب
روحت وكلمته تانى يوم ( امبارح ) ايه الاخبار قلى انا شاكك فى فيشه اللى بتوصل اللى خارجه
من الكنترول انها بتهرب كهربا عملتها وهطلع اجرب العربية وقلتله طيب انا هجيلك على الساعه 3
قلته والعيب ظهار على الجهاز قلى انا مسحته وهجرب هيظهر تانى ولا لا
كلمته تانى بعد ساعتين قلى انا لسه جى من بره ومشيت بالعربية مسافات طويلة ومن الصبح وهى
دايره ومحصلش اى حاجه قلتله طيب انا جى
رحت وبمجرد دخولى قلى لسه حالا العربية عملت نفس المشكلة وبقت تجيب الغيار التالت
طيب والحل قلى اتفضل استريح فى الاستراحة ونجرب حاجه تانية
ساعة عدت وقلى يلى نجرب انا دلوقتى وصلت للعيب بنسبة 80 % انه يكون منها بس المرة دى هنمشى مسافه طويلة شويه وفعلا مشينا حوالى 60 ك بالعربية وقلى ان فى كابل ( باور سبلاى ) هو اللى بيهرب لان البنات بتعته كانت بعيده عن بعضها وانا ظبطها
طيب يعنى انت متاكد ان العيب راح قلى هنشوف ورجعنا بعد المسافه دى كلها وكشف على العربية من خلال الجهاز والعيب مظهرش قلى كده خلاص خد العربية وروح وبرضه هتمشى مده طويلة
لحد ما توصل وشوف وقولى
مشيت بالعربية حوالى 70 ك لحد البيت والحمد لله محصلش حاجه والنهارده محصلش حاجه والعربية زى الفل
هى دى الحكاية واعزرونى لانى اتكلمت بالتفاصيل بس انا بفضفض معاكو .
ربنا معاك ياباشا ويارب تكون المشكله اتحلت
يااااااااااه يا ابو ليلي - الله يكون في عونك بجد - مهما قولنا مش عنعوضك دقيقة من القلق اللي انت شوفتو
عموما انا ليا صديق قريبه مدير مشتريات كيا eit - لو في اي قع غيار او اي فيشة محتاج نجيبها ممكن اعرفلك تفاصيلها كلها وربنا يقدرني واعرف اخدم
عموما يا رب يكون العيب خلص علي كده ومتعملش مشاكل تاني ابدا
الحمد لله انا المشكلة اتحلت
متابع ياقاسى
ده انتا مخرج
الله يكون فى عونك و يصبرك على ما ابتلاك به و ان شاء الله تكون المشكلة اتحلت.
اا متابع الموضوع من اول حكاية بتاعة البخور و العذاب اللى انت شفته غير القلق.
عموما قضاء اخف من قضاء و الحمد لله ... اكيد كده افضل من اى حاجة تانية ، و اكيد فيه خير لك بس احنا مش عارفينه دلوقت.. و ربنا معاك
طب طمنا قول اللى حصل وطلت المشكلة ايه ؟
ولا اقولك ابعتلى رقمك اسهل
انا متشوق لمعرفة السبب
الحمد لله إن الكنترول يونت سليمة و مجرلهاش حاجة بعد ما اتبرمجت فى الحرفيين ... و طالما الراجل ده حط إيده على المشكلة يبقى هيجيبها ... و لو فيه قطعة غيار أو فيشة تانية يا ريت حضرتك تركبها فورا لأنها مهما إن كانت فهى عطل تافه جنب لاقدر الله الكونترول يونت
و نقول مبروك مقدما
أبو ليلى حبيبى وصديقى الصدوق :)
الحمدلله ان المشكلة راحت الله لا يعودها تانى
وانا مقدر القلق اللى انت فيه والحالة النفسية وربنا يكون فى عونك بجد
بس صدقنى الحمدلله انها بتيجى على قد كده والحمدلله انك بخير والجماعة بخير :))
وعايزين نسمع بقه أشعارك ياكبير وحشتنى اووى :)))
كان الله في العون .. وأنا مقدر حرقة الدم اللي أنت فيها دي .. ويا رب تكون أخر المشاكل وتستمتع بعربيتك .
وأنا عاوز أقولك أن الفضل في تصليحها لبنتك ليلى اللي حطت أيديها على المشكلة .. ها ها ها
الحمد لله
و ابقي طمني اول باول
طبعا انت عارف كل حاجه من امبارح يعنى مش محتاج تقرا حاجه
والله يا محمد نفسيتى تعبانة جدا جدا ولا عارف اكتب ولا حتى افكر اديك شايف انا كاتب الموضوع ده ازاى تحس فيه انى بقوله من غير نفس ده غير تقصيرى فى الشغل بسبب عدم التركيز
بس المنتدى ليه حق عليا لاازم اوفيه انى زى ما بستفاد من تجارب الاعضاء لاازم كمان
اعرض مشكلتى علشان الناس تعرف وتستفاد
ان شاء الله خير
التحليل الاخير اقرب للصواب
انا بعد عرضك للمشكلة الاولى الفضول خلانى اقراء السيرفيس مانيول للعربية
بس مرور الكرام - اللى لفت نظرى ان الفتيس كقطعة تكنولوجية معقدة بعض الشىء
فيما يتعلق بالكنترول وتوابعه ...
توابعه هنا هى دى مربط الفرس مجموعة من الحساسات المرتبطة بكنترول
الفتيس ,حساس السرعة, حساس حرارة زيت الفتيس , .. الخ
اى قراءة خاطئة فى اشارات هذه الحساسات تعطى بالتباعية امر تحكم
غير طبيعى على سبيل المثال حساس السرعة بيخرف فبيدى اوردر لكنترول
الفتيس انه يغير النقلة سواء للاعلى او الادنى حسب حالة "التخريف"
الموضوع مش بسيط بس لشوية لوجيك هنوصل للحل ان شاء الله
حفضل ورا السيرفس مانيول وهنشوف - بس انت اطمن وخليها على الله
الحمد لله انها اتحلت ودى تجربة انت واحنا مرينا بيها والدرس المستفاد منها ان الواحد مننا ميخدش بكلام فنى واحد ابدا مهما كانت شهرته او كفائته لان مفيش حد كامل الكمال لله وحده
:11:
كان الله فى العون يا أستاذ وائل
وإن شاء الله خير وربنا هيكرمك بإذن الله
انا متفائل خير :)
ـــــــــــــــــــــــــ ـــــــــــــــــــــــــ ـــــ
وخير اللهم اجعله خير كنت نايم وجاتلى سوسو ( السيراتو ) ولابسة أبيض فى أبيض ووشها منور وضربالى العالى وعاطية إنتظار ومشغلة أغنية حماقى ( عارفة أحلى حاجة فيكى ايه )
وقالتلى سوسو أختى بتاعت أبو ليلى أعصابها تعبانة بس شوية ( قولتلها مالها )
قالتلى عشان كان فى واحد غتيت كان قاعد على الشنطة ورا وهيا راكنة وكانت متضايقة
ومعرفتش تتصرف وأبو ليلى سايبها لوحدها فى الشارع من غير حتى مايغطيها
فخدت على خاطرها وجاتلها حالة (استبحس نفسواى شنطاوى) وهتاخد شوية وقت كده
وخلاص هتبقى كويسة بس اصبروا عليها ودلعوها شوية
قولتلها فيكى الخير والله وكتر خيرك وربنا يكرمك ويكتر من أمثالك :shine[1]:
وراحت جايبة على الإستيبترونيك وعملت حتة امريكانى وإختفت زى الصاروخ وبتلعبلى إشارات يمين وشمال من بعيد :F_eyeb1[1]:
بس كده يا أبو ليلى شوفت بقه أدى بشرة خير أهى يا كبير :colsmil:
إضحك بقه :ask:
انا كده اطمنت طول ما الموضوع فى اهتمامك
انا بقى لفيت النت كله لحد ما عرفت ايه هو الموضوع وقريت كل ما يتعلق بالمشكلة عاوزك تشوف
اللينك ده بيتكلم بالتفصيل عن الكنترول يونت ودوره فى العربية
ط´ط±ط. engine mangment course - (Powered By PBBoard)
صراحة اللي فهمتو من الموضوع ان المشكلة اتحلت
هو ليه زعلان و بلاقي الكل بيواسي بيك؟؟
أو يمكن أنا فاتتني حاجة بالمصري و مش فاهمها:11:؟؟
طب مش تكلمني تقوللي
كل ده و انت لوحدك
بس خير ان شاء الله
جرب كتير اليومين دول
ربنا معاك ياباشا ويارب تكون المشكله اتحلت
مبروك اخي ابوليلى وان شاء الله مش راح يرجع العُطل ده تاني
بالنسبه لموضوع الكنترول ده استبعده وخليك واثق ان عربيتك زي الفُل مفهاش حاجه
الكنترول ده عقل الكتروني يعني يا يعطل يا يشتغل مش ساعه يشتغل وساعه لاء بالتالي يكون عطله بالكامل او جزء منه مره واحده بلا رجوع لحين تغييره او اصلاح الجزء المعطوب منه
ياه يا أبو ليلى بجد أنت ربنا يكرمك لأنك شفت كتير من العربيه دى
والى بيحصلك منها دا أبتلاء وربنا يصبرك بجد
بس انا بجد زعلان منك لأنك مش بتقلى على حاجه وماشى لوحدك كدا
يا سيدى حتى أعرف بس ومش هساعدك يا سيدى
بس خلينى معاك!!
بص يا نورمال من البداية وانا متوقع من وقت حتى ما اشترى العربية يكون فى حاجه هتحصل
ده الطبيعى وانا اعتقد والله اعلم انى اخدت عين حلوة ومنورة والحمد لله انها جت فى كده
احسن من الواحد كان يعمل حادثة ولا حاجه وعاوزك تعرف حاجه
انا كده فى نعمة من عند ربنا لان فى غيرى كتير اكتر منى بمراحل عندهم مشاكل وحوادث .
انتى حبيبى يا نورمال وانت عارف معزتك عندى قد ايه بس مش بحب اشغل بالك فى حاجه .
انتى ناسى ان عندك امتحانات ولا ايه ثم انا بحب اكتب لما تكون الصورة واضحه تماما علشان ميكنش الموضوع دمه تقيل ..
الله يكرمك يا أبو ليلى وان شاء الله العربية ترجع أحسن من الزيرو، وعلى فكرة نورمال عنده امتحانات بس أنا خلصت من الموال ده من 9 سنين :E_braces[1]: و فاضى وفى خدمتك فى أى حاجه وأى وقت لو محتاج أى حاجه بجد اعتبرنى أخوك الصغير.
معلش يابو ليلى قدر الله ومشاء فعل ربنا يكون في عونك على القلق الي انت كنت فيه ده
ان شاء الله تبقى كدة المشكلة اتحلت وربنا يفرجها ان شاء الله
وان شاء الله ترجع تمتعنا بتقاريرك الحلوة بتاعة زمان دي
ربنا يكون فى عونك يا ابوليلى وان شاء الله دى ازمة و تعدى على خير
من ابو زياد الى ابو ليلى اوعى تزعل نفسك او تتضايق انا مقدر شعورك لانى تعرضت لهذه التحربة ولكن فى سيارة اخرى واصبت بالاحباط وتعرضت لما يشبه الازمة النفسية من السيارات , اخى الفاضل لا تحزن ولا تفكر كثيرا فى هذه المشكلة قد يرسل الله الحل على يد ابتنك العزيزة او من احد اصدقائك بالمنتدى و بالمناسبة احى اعضاء منتدى كيا على العلاقة المتميزة بينهم
للاسف الشديد تكررت المشكلة مرة اخرى بعد خروجى من العمل واثناء ذهابى للمنزل
اتصلت بالمهندس قلى هات العربية ونجرب حاجه تانية ونشوف ايه اللى هيحصل .
حسبنا الله ونعمة الوكيل
أنا شايف أننا بعلاقتنا فى المنتدى نكلم بشمهندس خالد ونحاول ندخل عربيتك أبو رواش
أكيد دى مش أول حاله عندهم وأكيد هيلاقلها حل
ربنا معاك يا أبو ليلى ويطلعك من المحنى دى ياااااااااااااااااااااااا ااااا رب
انا عندى فكرة لية حضرتك متبعتش موضوعك ده لشركة كيا الام علطول
حتى لو العربية خليجى هما يهم سمعة العربية واعتقد ان عندهم الحل وكمان متأكد انهم هيساعدوك
هما بردة بيعتبروا نفسهم مسئولين عن العربية حتى بعد خروجها من المصنع
دول ناس محترمة