استفسار بسيط + كيف تحافظ على البايك

**nour2019** · 07-06-2010 02:31 PM

السلام عليكم ... انا اول مره في حياتي اركب موتوسكل و كنت عايز اشتري ريس بس كل الناس نصحوني اجيب صيني اقعد بيه شويه الاول اتعلم عشان لو جبت الريس و دغدغته و اتدغدغت معاه كل سنه و انتا طيب و راحت فلوسك يا صابر ... كنت عايز اعرف اماكن بيع تقسيط الموتوسكل الهارلي الصيني النضيف مش الفسكان و تاني حاجه بقى .. لو انا هجيب بايك زيرو ايه المطلوب مني كمصاريف و اهتمام عشان متفتحش بقها معايا و تبوظ و تخرب .. يعني ازاي احافظ عليها من البوظان و أسف للإطاله

**KHALED2010** · 07-06-2010 02:43 PM

مراعاة منسوب الزيت باستمرار
بلاش القرص الزيادة ده
بلاش موضوع الرفع خالص

**nour2019** · 07-06-2010 03:29 PM

منسوب الزيت مفهوم زيها زي العربيه و انا متعود على كده بطبيعتي و القرص اكيد مش هقرص على مكنه صيني لحسن تفرقع بيا بس تقصد ايه بالرفع بالضبط ؟ الحصان يعني و كده و لا ايه ؟

**zoom2zoom** · 07-06-2010 03:52 PM

المشاركة الأصلية كتبت بواسطة nour2019

منسوب الزيت مفهوم زيها زي العربيه و انا متعود على كده بطبيعتي و القرص اكيد مش هقرص على مكنه صيني لحسن تفرقع بيا بس تقصد ايه بالرفع بالضبط ؟ الحصان يعني و كده و لا ايه ؟

ايوه خالد يقصد الحصان والتحميل علي الغيار وخلي بالك من الضغط علي الفرامل الاماميه فجاه ودايما تروح للميكانيكي كل حوالي اسبوعين تربط المكنه لان الصيني من كتر الهز في المشي والمطبات المسامير بتحل منه وكمان تخليه يشدلك الجنزير لانه دايما بيرخي وكل شهرين تظبط تاكيهات ونصيحه هات دايون 7 مكنه حلوه وينفع فيها شغل كتير
وبلاش السرعه لان فراملها سيئه جدا ومش بتملك نفسها بسرعه خليك هادي لحد ما تتعلم وابدا ب 250 وربنا يوفقك

**nour2019** · 08-06-2010 05:00 AM

متشكر جدا زووم و خالد على الردود و المساعده .. معلش هتقل عليكو بقى .. محدش يعرف محلات تقسطلي بتسهيلات كويسه و فايده هاديه ؟ وايه نظام الفوايد و التقسيطات عامتن ... فهموني الدنيا فيها ايه يعني لو مفيهاش تعب عليكو و اهي افاده لكل اللي يهمه الموضوع و الف شكر مقدماً