مطبخ نايل موتورز ! (وائل عطية)

12-02-2008 04:40 PM

ههههههههههههههه
طلبتوا نطبخ لكم و كمان مش عاجبكم و بتتأمروا
احنا مطلبناش لا طبيخ و لا غيره
احنا زهقنا من الطبيخ و عايزين نغير علشان كده دخلنا عندكم و احتلينا منتداكم
لكن طبعا لا نقدر نعمل انقسامات و لا ثورات و معتقدش ممكن يجوا يوم يكون منتدى هى

انتوا الاصل طبعااااااااا ؛؛؛؛؛؛؛؛؛؛

ارفض الطبيخ و ان كان و لا بد فأنا حجيب لكم العصائر الفريش جاهزه
عصير التفاح الاخضر ( المايه الخضراااا)
عصير العنب البرى و الكرز (المايه الحمراااا)
نرجو عدم الكتابة باللون الأحمر لإنه مخصص للإدارة فقط - الإدارة 3

انتوا اللى علمتونا الطبخ الحديث على طريقه نايل موتورز
و ده منكم و اليكم
اشكركم ؛؛؛؛؛؛؛

و لو وائل مصمم عالفكره طبعا احنا تحت أمره بس على مسئوليته
و نكتفى بفكره ميمو الخاصه بموضوع طبق اليوم ؛؛؛؛؛

**ihab** · 12-02-2008 04:48 PM

:d:d:dانا اعتقد انه لو اتعمل القسم ده برضه حايبقى اغلب المشاركين فيه رجالة برضه ( بنات كثير مالهمش فى الطبخ و المطبخ ););)

**memo_hefnawy** · 12-02-2008 04:54 PM

شوفت يا عم وائل و شهد شاهد من أهلها :) ههههههه

قولت حاجة من عندى أنا :)

hh · 12-02-2008 04:58 PM

طبييييييييييييييييييخ!!!!!!!! !!!!!!!!!!!!!!!
تانيييييييييييييييييييييي ييييييي!!!!!!!!!!!!!!!!!!!!!!!!!!!!!!
حرااااااااااااااااااااااا ااااااااااااااااااااااااا اااااااااام!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!
يعني يارجالة نعملكوا ايه, ندخل منتدى مصارعة بقى عشان نهرب من الطبيخ اللي ورانا ورانا ده؟؟؟؟؟؟؟؟؟؟

**Karim_Monir** · 12-02-2008 05:10 PM

لالالالالالالالالالالالال ا
استحالة يا جماعة الموضوع ده يحصل هنا
ايه طبيخ
ايه الفشخرة الكدابة دي
طبعا اللي بيتكلم ده واحد جعان والشغل مانعك تاكل اكلة دسمة وعايز تروح تاكل
انسى يا حاج واكل (ها ها قصدي وائل)
على رايهم دي واحدة هاتجيبلك ميه خضرا والتانيه زيت موبيل والتالتة شحم كوبلن نحلى بيه
تاني يوم مهندسه ديكور تطالب قسم زينة
تالت يوم دكتورة تقوللك نفتح منتدي العيانين والتعبانبن والولد جالة مغص والبنت رموشها بتوجعها وعندها صداع في صباع رجلها الشمال
وهوووووووووووووب بدل ما يبقى نايل موتورز
هيبقى
نايلة موتورز
ولا عزاء للرجال

**وائل عطية** · 12-02-2008 05:25 PM

المشاركة الأصلية كتبت بواسطة karim_monir

ايه طبيخ
ايه الفشخرة الكدابة دي
طبعا اللي بيتكلم ده واحد جعان والشغل مانعك تاكل اكلة دسمة وعايز تروح تاكل
ولا عزاء للرجال

ماشي ياعكس كريم !! دا بدال ماتقول اتفضل ولا حاجة !!
عموماً ياللي بتقول الشغل مانعني آكل أكلة دسمة..والله أنا لسه في الشغل لغاية دلوقتي واتغديت صينية بطاطس باللحمة (ربنا يخللي الحكومة)..وفي البريك اتسخنت في الميكرويف واتنسفت بدعم جوي من الزملاء :)

**وائل عطية** · 12-02-2008 05:26 PM

المشاركة الأصلية كتبت بواسطة إسلام شاهين

معلش يا وائل ماتزعلش أصلهم واخدين على الأكل الجاف مالهمش غير في التيك أواي ولا تزعل نفسك أنا وإنت نقضيها طبخ بس على الخاص إيه رايك !! !!!!!!!!!!!!!!

النهارده عاملين فته وكواااااااااااااااااااااا اااارع تحب أبعتلك صورة ولا تيجي تدوق بنفسك ؟؟؟؟؟؟؟؟؟؟؟؟؟؟؟

شكراً ياإسلام ..ماشي مستني الصورة بس زود الملح ..قصدي زود الريزوليوشن:)

12-02-2008 09:55 PM

بجد زعلتونى بكلامكم و اتهاماتكم الباطله .

ihab : بيقول بنات كتير ملهاش فى الطبيخ

karim_monir : بيسخر منا و يقول فشخره كدابه و معرفش ايه

إسلام شاهين : بيقول أصلهم واخدين على الأكل الجاف مالهمش غير في التيك أواي ولا تزعل نفسك أنا وإنت نقضيها طبخ بس على الخاص إيه رايك !! !!!!!!!!!!!!!!

memo_hefnawy : بيقول انا الحمد لله ولا أكيل - ولا متجوز - يعنى ماليش نقاط ضعف هوهوهاهاها

kimo -nubira :اراهنكم لو فيه واحده منهم تعرف تطبخ لنفسها انا عن نفسي هاطلب اي حاجه دليفيري اضمن ياعم بدل مهما يجربو فينا ويتعملو علينا وانا مابحبش اكون فار تجارب في اي حاجه

ان شاء الله حثبت لكم عكس كلامكم و حتشوفوا مهاراتنا فى الطبخ و اكلات مميزه عمركم ما دقتوها قبل كده و لا بعد كده و انا متأكده انكم حتبقوا مدمنين لأكلات عضوات نايل موتورز ؛؛؛

وائل عطيه : بيقول أنا في البيت دايماً بتيجي سيرة نايل موتورز ..فكنت عايز أخلي الموضوع فيه إهتمام مُشترك علشان أقول نايل موتورز وهى كمان تقول نايل موتورز..ياعم الحاج دا تخطيط على تقيل وضرب عدة عصافير في وقت واحد

فهمت طلبك يا وائل انت عايز تعمل اهتمامات مشتركه ووووووووو
حقدم لك أكله روعه مميزاتها كتير
اكله مش تقليديه
مفيده و مناسبه تماما للناس اللى مش أكيله - حتفتح نفسهم عالأكل و ربنا يستر لانها أكله خفيفه موت
مينفعش المدام تعملها لوحدها لازم بمساعدتك و بكده حنزود الاهتمامات المشتركه - حنمى التغيير و التجديد و كسر روتين الحياه الزوجيه ووووووو
فى الاكله دى حنبعد عن الفراخ و اللحمه و الامراض المنتشره الايام دى
و حنستخدم كائن جديد و انا متأكده انه حيعجبكم خاااااالص

كبسه الضب
حتقف يا وائل ماسك الضب بالشكل ده -طبعا المدام حيصيبها الهلع و الصراخ
طبعا لازم تطمنها و تأكد لها انه أليف و طعمه لذيذ و انك حتحضره معاها للغدا

حتبدأ بتقطيع و سلخ الضب المسكين - بس بالراحه عليه ارجوك

الخطوه الجايه بقى حتبدأ المدام تضع لمساتها من البهارات المتنوعه لسلق قطع الضب و عمل المرقه

طبعا فى هذه الاثناء بيتم طبخ الارز البسمتى لعمل الكبسه
و فى النهايه دى صوره الكبسه بالضب

و بالهنا و الشفا للجميع
كلوا بالراحه و انتظروا طبق الحلو قبل ما تشبعوا ؛؛؛؛؛؛؛؛؛؛؛؛؛

**دموع الثلج** · 12-02-2008 10:05 PM

المشاركة الأصلية كتبت بواسطة alsindrella

ههههههههههههههه
طلبتوا نطبخ لكم و كمان مش عاجبكم و بتتأمروا
احنا مطلبناش لا طبيخ و لا غيره
احنا زهقنا من الطبيخ و عايزين نغير علشان كده دخلنا عندكم و احتلينا منتداكم
لكن طبعا لا نقدر نعمل انقسامات و لا ثورات و معتقدش ممكن يجوا يوم يكون منتدى هى

فين الطموح والاهداف ليه ما يبقاش منتدى هى موتوز وشركائه (( هـو)) عشان ميزعلوش احلى شى الانقسام والصمود فى وجهه عدو نون النسوه الاول مش عاوزين نطبخ لهم لكن الاحلى اننا نخنقهم فى كل حته يروحوها يلاقونا فى وشهم :p:p:p:p:p

انتوا الاصل طبعااااااااا ؛؛؛؛؛؛؛؛؛؛

ارفض الطبيخ و ان كان و لا بد فأنا حجيب لكم العصائر الفريش جاهزه
عصير التفاح الاخضر ( المايه الخضراااا)
عصير العنب البرى و الكرز (المايه الحمراااا)

انتوا اللى علمتونا الطبخ الحديث على طريقه نايل موتورز
و ده منكم و اليكم
اشكركم ؛؛؛؛؛؛؛

و لو وائل مصمم عالفكره طبعا احنا تحت أمره بس على مسئوليته
و نكتفى بفكره ميمو الخاصه بموضوع طبق اليوم ؛؛؛؛؛

كـــــــــــــده يا سندريلا خيبتى امـــــل مصـــــــــــر فيكى

انتى بتهاجمى نون النسوه وتقفى مع جمـــع المذكر السالم يا سندريلا :(:( يا خسرتك يا شابه

طيب حتى طالبى بحته صغننه للسيدات ميدخلهاش الرجاله واوعدك اول الغيث قطره بعدها ننتشر فى باقى المنتدى ويتم احتلاله بالكامل