إقرا يمكن تعرف تساعدنى

**omarsaied123** · 08-06-2010 02:28 AM

معلش يعنى يجدعان هتقل عليكو فى موضوع أظن إنو متعاد بس ياريت تخدمونى
أنا عايز أجيب سرينه صينى كده شغل خفيف يعنى أوى بس يبقا إسمها سرينه
الصينى بيبوظ بسرعة أنا عارف
بس أنا هيبقا إستعمالى خفيف عليها جدا جدا جدا جدا
وبالمناسبه أنا بصيت فى العربيه عندى مفيش مكان ليها خالص
أنا عربيتى فيرنا 1600 مكيفه
مش لاقيلها مكان خالص
بليز يجماعة ساعدونى وقولولى أجيبها منين بليز
وفى واحد بيقلى فى التوفيقيه ب 150 الصينى الكلام ده صح وقدامو بيقلى ب 90 مش عارف أصدق مين ولا أشترى من مين بقا؟
وصاحبى كان جايب واحده ب 65 بس دى سنه 2007 مش عارف بقا الحاجات دى بتغلى ولا بترخص
وبالمناسبه المكان اللى بيطلع منو الصوت ده بيبقا كبير ولا لأ ومش غلط عليه السخونيه ولا بيبقا حديد
سورى يجماعة كلام جاهل بس أنا عايز أفهم مش أكتر
وآسف إنى طولت عليكو بس بليز ساعدونى

**tamertamer** · 08-06-2010 12:57 PM

انزل الوفقية هتلقيها فى حدود 40 جنية مش اكتر انا كنت جايب وحدة ايام عربيتى القديمة وكنت حطتها جنب المتور وعادى فضلت شغالة معاية 3 سنين بس انا مردتش اركبها تانى عشان الواحد كبر على الحجات دية وانا ادتها لواحد صحبنا هنا فى المنتى لو كانت لسة معاية كنت ادتهالك بس بلاش منها احسن دلوقتى الحجات دية بقا فيها حبس مع القانون الجديد

**omarsaied123** · 08-06-2010 02:08 PM

أولا بجد أنا مش عارف أشكرك إزاى يمان والله إنك قدرتنى ورديت
ربنا يكرمك شكرا على الرد الجميل
ثانيا معلش كنت عايز أسأل حضرتك إنتا كنت حططها فى فيرنا برده صح؟
وبعدين أنا لما نزلت التوفيقيه واحد قالى ب 150 الصينى وواحد تانى قدامو بشويه قالى ب 90 الصينى
على كده لازم أفاصل معاهم أوى بقا صح
وبعدين بمناسبه القانون أنا سمعت إن الجهاز بيتحط فى حتت متداريه أوى دى حاجة والتانيه أنا اللى هيسوق والدى مش أنا ووالدى 50 سنة عقيد بالقوات المسلحه بالمعاش وعلى العربيه باتش الجيش ومعاه رخصة من الجيش للسواقة
وبرده لو حد وقفنا يعنى معتقدش إنو هيبص ف الكبوت وأنا برده مش هضربها قرب الكمين يعنى أوى أنا يوم ما أضربها هيبقا فى المنطقة عندنا هنا فى فرح وقرب المساكن أوى يعنى مرة ولا حاجة مش كتير يعنى
وبرده سمعت إن الجهاز اللى جوا العربيه بيبقا مش باين خالص
وأنا الصراحة نفسى أفهم إزاى الجهاز اللى فى الكبوت بيتوصل بجهاز فى العربيه من جوا يعنى السلك بيمر منين؟
معلش أنا آسف مرة تانيه طولت عليك معلش
وبجد شكرا على ردك

**tamertamer** · 08-06-2010 07:39 PM

لا ياباشا ولا يهمك
بص اولا طبعا لازم تفاصل وخش جوة فى زوريق التوفقية سيبك من كلمهم كلة كلام 90 دية تنزل ل40 عادى هما بس بيجس نبضك لكن هى جملتها اصلا 18 ج
بص انا هحكيلك موقف حصلى عشان تاخد بالك انا وصحابى اربع شباب ومن الاخر اى كمين مبيوقفش الا الشباب عشان الحجات قلى كلنا عرفنها انا كنت حاطط السرينة فى طبلوة العربية طبعا كانو بيفتشو العربية على فكرة انا ولدى ظابط كبير فى سلاح الطيران (طيار) ونمر سودة ورخصتى قوات مسلحة ورخصة العربية كمان وبصراحة نزلت متعصب لسة هتكلم مع الظابط والحمار الامين داس على الزرار بتاع السرينة هما 5 زراير من غير مياخد بالة طبعا صوت السرينة على الاخر ومكنتش عارف اعمل اة بجد طبعا انا خلصت الموضوع بس اتعسفت وخليت ظابط ملوش لزمة يمسك علية غلطة بس نصيحة بلاش منها احسن وبتجيب مشاكل كمان بردة واحد صحبى ماسك الميك بتعها وعاكس بنت وانا مش واخد بالى مش عايز اقولك كان هيتعمل فينا اة وخد من دة كتير وبالنسبة للتوصيل عادى السلك بتعها بيبقا طويل وفى اماكن بتخش منها عادى جدا

**goofy_in_love** · 08-06-2010 08:22 PM

المشاركة الأصلية كتبت بواسطة omarsaied123

أولا بجد أنا مش عارف أشكرك إزاى يمان والله إنك قدرتنى ورديت

المشاركة الأصلية كتبت بواسطة omarsaied123

ربنا يكرمك شكرا على الرد الجميل
ثانيا معلش كنت عايز أسأل حضرتك إنتا كنت حططها فى فيرنا برده صح؟
وبعدين أنا لما نزلت التوفيقيه واحد قالى ب 150 الصينى وواحد تانى قدامو بشويه قالى ب 90 الصينى
على كده لازم أفاصل معاهم أوى بقا صح
وبعدين بمناسبه القانون أنا سمعت إن الجهاز بيتحط فى حتت متداريه أوى دى حاجة والتانيه أنا اللى هيسوق والدى مش أنا ووالدى 50 سنة عقيد بالقوات المسلحه بالمعاش وعلى العربيه باتش الجيش ومعاه رخصة من الجيش للسواقة
وبرده لو حد وقفنا يعنى معتقدش إنو هيبص ف الكبوت وأنا برده مش هضربها قرب الكمين يعنى أوى أنا يوم ما أضربها هيبقا فى المنطقة عندنا هنا فى فرح وقرب المساكن أوى يعنى مرة ولا حاجة مش كتير يعنى
وبرده سمعت إن الجهاز اللى جوا العربيه بيبقا مش باين خالص
وأنا الصراحة نفسى أفهم إزاى الجهاز اللى فى الكبوت بيتوصل بجهاز فى العربيه من جوا يعنى السلك بيمر منين؟
معلش أنا آسف مرة تانيه طولت عليك معلش
وبجد شكرا على ردك

تامر البضاعه في بطن الزير و لو عايزها يا مان اتفضل انا اصلا شيلتها من العربيه انت فاهم انا كنت عايز الحوار دا علشان حاجه معينه كدا لمده يومين ههههههههه
المهم شوف انت عايز ايه و قولي

**tamertamer** · 08-06-2010 09:37 PM

المشاركة الأصلية كتبت بواسطة goofy_in_love

تامر البضاعه في بطن الزير و لو عايزها يا مان اتفضل انا اصلا شيلتها من العربيه انت فاهم انا كنت عايز الحوار دا علشان حاجه معينه كدا لمده يومين ههههههههه
المهم شوف انت عايز ايه و قولي

محمد باشا خلاص لو خلصت المصلحة ادهالة بس معرفتش بردو انت كنت عيزها بالسرعة اوى لية سعتها

**omarsaied123** · 08-06-2010 11:20 PM

شكرا بجد على ردك ربنا يكرمك إنتا راجل مقدرنى ربنا يكرمك
بس أنا عايز أوضح نقطه أنا بسوق آه الحمد لله بس مش عربيتى دى عربية والدى يعنى ومبيخلنيش أطلع بيها أبدا ع الطريق إلا لو هو معايا وده مستحيل يعنى وكتيرها الطريق هنا فى المنطقة بس أتعود يعنى إنما سواقة بقا ومشاوير هوا اللى بيسوق طبعا
وعلى ما أعتقد الحمد لله مفيش مرة كمين وقفنا الحمد لله
ودى أنا واثق فيها
أنا بس اللى خايف منو إن حد من اللى واقفين فى الكمين أنا بسأل عن نقطه إن ممكن حد يشوفها مش أكتر
وبعدين أنا عايز أجيبها عشان فرح كده يعنى زيطه يوم قدام المساكن وكده بس
وحتى بقلك عايزها صينى عشان كده وبرده عشان تبقا رخيصه يعنى
لأن والدى الصراحة مش موافق عليها بتاتا يعنى بيقلى ملهاش أى لزمه خالص ولما أقنعتو بالعافيه قالى هاتها إنتا على حسابك عشان تبوظ وتتعلم وتعرف كلامى صح ولا غلط فلو قولتلو كمان واحده ب 100 وشويه مش هيوافق وش يعنى
أنا بس عايز أعرف معلش الفيرنا ليها مكان ولا لأ لأنى مش لاقى فيها مكان دى حاجة والتانيه السلك إزاى بيوصل من الكبوت للعربيه من جوه؟؟؟؟

**goofy_in_love** · 09-06-2010 02:57 AM

بص يا جميل انا كنت مركبها في اوبل فيكترا و خد بالك في كماين بتوقف العربيات و تفتح الكبوت تبص علي الزينون و السارينه و اللع اعلم فس موضوع المكان في الفيرنا دا انا معرفش الصراحه
تامر هبقي اقولك بس في سرك هههههههههههههه

**omarsaied123** · 09-06-2010 12:33 PM

الف شكر ليك يباشا
بس برده انا مش فاهم حتى لو ف اى عربيه
إزاى بيوصل السلك من الكبوت لجوه العربيه؟؟؟؟
فاهم وجهة نظرى
يعنى فى فاصل بين الكبوت والبادى من جوه إزاى بقا!!!!!!!!!!!!!!!!!!!

**omarsaied123** · 09-06-2010 04:51 PM

بليز حد يجاوبنى والنبى عشان لو كده هنزل التوفيقيه يوم الجمعة
على كده زى ما بتقولو اللى يقولى ب 90 ده آخدها منو ب 40 أبدأ ب 40 ؟؟؟
معلش يجماعة والله عشان أنا خايف جدا جدا جدا