التركيبة القاتلة

**Hossam_Hassan** · 12-02-2008 02:23 PM

بخاف أوى من اللى بيتكلم فى الموبايل و هو سايق

و بخاف أكتر من الستات و سواقتهم

و بقلق من الناس الكبارة و بطئهم

لكن النهاردة قابلت (التركيبة القاتلة)

على الدائرى، عربية بسم الله ماشاء الله امريكانى موديل السبعينات، تقريبا شيفروليه من اللى تاخد 5 مستريحين على الكنبة ورا، ماشية على سرعة 70 تقريبا و عمالة تحدف يمين و شمال على واسع و الناس وراها خايفين يعدوا منها، فضلت مستنى لغاية ما لقيت مسافة و حرقت و عديت منها و بصيت على السواق علشان مكنتش شايفه من ورا، المهم لقيت اللى سايقاها حاجة كبارة فى حدود 60 - 65 سنة و يتخيلوا بتعمل ايه؟ ماسكة بايده الشمال ورق بتقراء منه و ماسكة بايدها اليمين الموبايل بتتكلم فيه، اما الدركسيون فكانت ساندة عليه ايديها الشمال و عمالة تتكلم و تضحك و أراهن لو كانت شايفة الطريق أصلا من الورق اللى قصاد وشها.

بجد مش لاقى كلام يتقال.

**memo_hefnawy** · 12-02-2008 03:04 PM

ههههههههههههههههههه

يابنى تقصد تراهن لو كانت شايفه كلمة من الورق إللى فى إيديها مش فاهم أنا دى بتسوق إذاى و ليه

تركيبة قاتلة فعلا بس عارف دى كانت عايزة كلاكس كرولا أو مرسيدس مزعج كده يجى وراها و يحط إيده يصحيها تتخض يجيلها ساكتة قلبية و بخخ

12-02-2008 03:14 PM

ايه يا جماعه مالكم متحاملين عليها كده
دى Business Woman
و مش لاحقه تخلص شغلها يعنى تقطع نفسها
هههههه
ادعوا لها تطلع معاش و تريحنا من سواقتها

**MMamdouh** · 12-02-2008 03:39 PM

يا جدعان ليه الهجوم دة على كل واحدة ست بتسوق عربية؟؟؟؟؟؟؟؟؟؟؟؟؟؟؟؟

دا هى بتحاول تبقى ملتزمة قدر الامكان فا طلعت الورقة اللى فيها نمرة مدرسة السواقة اللى كانت فيها عشان تتصل و تسال حد من هناك على مكان دواسة الفرامل... بس يظهر اللى اتصلت بيه عجبوا صوتها فا قالها كلمتين حلوين عشان كدة كانت بتضحك

الستر من عندك يا رب

MMamdouh

**Karim_Monir** · 13-02-2008 09:22 AM

وانت تفتكر يا محمود ان كلاكس الكرولا بيصحي الاموات دووول
ابدا دول بيبصولك وكانك انت اللي غلطان وبتزعجهم في وقت راحتهم

**Powert** · 13-02-2008 09:47 AM

وانا جاي دلوقتي لاقت راجل في اربعينات و سايق عربية اكسنت

في صلاح سالم عمال يقراه جرنال الاخبار وفاتحه على الاخر

ومش شايف الطريق ومشكلة ان الطريق ماشي براحة وكل ما العربية

اللي قدامه تمشي خطوه يمشي خطوه نفسي اعرف هو كان عارف

ازاي ان العربية اللي قامه بتمشي طيب بيشوفها منين ؟؟؟؟؟؟

**segsauer** · 13-02-2008 04:36 PM

يا حسام بيه دى ناس متمكنة و واثقة فى نفسها ثقة عمياء
هو أحنا نيجى أيه جنب الناس دى
المفروض أحنا اللى نختشى على دمنا و نوسعلهم الطريق
بطلوا حقد بقه!!!!!!!!!!!!!

-

-

-

الموضوع: التركيبة القاتلة

LinkBack

أدوات الموضوع

عرض

التركيبة القاتلة - انشر الموضوع فى :

-

-

-

-

المواضيع المتشابهه

النظرة القاتلة

المزحة القاتلة

التركيبة السحرية العجيبة !!!!!

الحيرة القاتلة

التركيبة المثلى لإنقاذ الوقف الحالي

الكلمات الدلالية لهذا الموضوع

المفضلات

المفضلات

ضوابط المشاركة