الكأس والاستاد والتراس

**cyborg_ift** · 08-06-2010 01:14 PM

المشاركة الأصلية كتبت بواسطة ecybrarian

يا باشا ما فيش تناقض ولا حاجة.. انا كنت باضحك معاك شوية

يعني انت مقتنع إن العساكر دول جمهور حرس الحدود ولا بيمثلوا دور الجمهور!!! يعني لو سألت واحد فيهم خارج الوحدة (او بعد ما يخلص جيش) انت بتشجع مين هايقول لك "الحرس"!!! أكيد لأ موقفهم بالنسبة لي كان كوميدي ليس إلا..انا فاكر نهائي الكأس بين المقاولون (لما كان شحاته مدربهم )والأهلي كان موظفين النادي واقفين في الشارع قدام الاستاد بيعطوا كاب وفانلة المقاولون وعلبة عصير للي يخش يشجع المقاولون!! تخيل بقى الجمهور إللي داخل يمثل إنه جمهور لما يعيش في الدور ويصدق، مش دا برضه موقف كوميدي

لأ ده مش كوميدي بس عارف الكوميدي إيه

اللي كان بيعمله البدري إمبارح كان بيمثل مع كل فرصه تضيع إمبارح إظاهر عاوز يتجه في التمثيل بعد فشله كمدرب
وكله كوم وكل شويه يحط صباعه على راسه كل شويه صباعه على راسه مش عارف كانت بتاكله ولا إيه على العموم بالشفاااااااااا

**ecybrarian** · 08-06-2010 01:24 PM

برضة إللي قاعدين على القهوة بيشتموا بعض على سبيل الدعابة احيانا..وعلى سبيل المدح احيانا اخرى..يعني عمرك ما سمعت حد بيمدح لعيب ويقول علية ابن..وابن..علشان جوب جول جامد جدا. دا مش مقياس..وبعدين في مشكلة تانية في الأهلاوية وغير الأهلاوية فيما يتعلق بالأهلي..في ناس كتير فاكرة إن النادي الأهلي دا مش ممكن يتغلب او يخسر بطولة ودا وهم في حد ذاته. لدرجة إن في فرق كتير كل إللي يهمها في الدوري ماتشين الاهلي والباقي بخ!!!! وناس كتير بتفرح إن الأهلي خسر بطولة حتى لو فريقهم أصلا مش موجود في البطولة من الاساس ولا ينافس عليها!!!! امال لو في منافسة هاتقتلوا بعض في الاستاد!!!!
الأهلي فريق بطل يلعب في عدة بطولات من الجائز أن يخسرها جميعا او يكسبها جميعا او يخسر بعضها ويكسب البعض الآخر. هي كدا..الرياضة كدا..المنافسة كدا رضينا ام لم نرضى

**adfarouk** · 08-06-2010 01:28 PM

المشاركة الأصلية كتبت بواسطة terrible_darsh

خليكم متغاظين و محروقين من الروح الرياضية اللى بيتميز بيها الاهلى و جمهوره عن باقى الفرق

التليفزيون الأسباني و مشاهد من الروح الرياضية

[youtube]http://www.youtube.com/watch?v=8WPt5jRCC5I[/youtube]

**M.Mosaad** · 08-06-2010 01:30 PM

الماتش امبارح كان بين اقوي فريقين في مصر بطل الكاس السنه اللي فاتت مع بطل الدوري بيلعبوا علي الكأس مباراه جميله و فرقه الحرس بتلعب كورة بجد مع مدرب محترم مباره صعبة انتهت بركلات ترجيح و الفرقتين اثبتوا انهم فعلا اللي بيلعبوا كورة كويسة في مصر
و انا اهلاوي و مبسوط جداااا للحرس لانه يستاهل و فريق بيخطط صح و ماشي كويس و السنه دي لعب 9 ماتشات مع الاهلي و الزمالك و الاسماعيلي ( 4 اهلي - 2 زمالك - 3 اسماعيلي ) مخسرشي فيهم و كسب 5 ماتشات منهم ( 2اهلي - 2 زمالك - 1 دراويش )
يعني الموضوع لا فيه كبت و لا زعل و لا اي حاجة لان بعد الدوري و صعودنا دور ثمانيه في افريقيا خلاص حققنا اللي احنا عاوزينه السنه دي من فريق لعب نص الدوري بالشباب
الف مبروك للحرس اللي معلقشي شماعات قبل الماتش لا قال حكام و لا قال هوريكم يا محظوظين و لا قال كلام خايب قال قمه في الفن و الاخلاق و كان عند كلمته و الف مبروك برضة للاهلي اللي عنده لعيبه بتموت نفسها في الملعب و هي كسبانه كل البطولاتدي يعني كله بيعمل اللي عليه مفيش تكاسل و لا تراخي
يعني واحد زي العملاق وائل جمعه قاعد في الارض و زعلان و هو خلال 10 سنين مع الاهلي و المنتخب عمل كل حاجة و مع ذلك زعلان غيرة بيخسر من طوب الارض و عادي خالص مش فارقه معاه

ياريت بس الاهلي و الزمالك يبعدوا عن الحرس شوية و يسيبوله شوية اللعيبه بتوعه لان الفريق دة مكسب للكورة عندنا

**ecybrarian** · 08-06-2010 01:36 PM

امال ليه بتقولوا إن الحرس مالوش جمهور..ماهو في واحد اهو :-))))
يا عم براحة علينا مش كدا..احنا فريقنا اتغلب ومبسوطين :-)) فيها حاجة تزعل دي!!! احنا شايفين إن الفريق عمل إللي عليه ولعب ماتش حلو ووصل للنهائي (-: واخد بالك انت للنهاااائي :-) ولاعب فرقة محترمة معقدانا في عيشتنا :-))) اسمها الحرس.

**cyborg_ift** · 08-06-2010 01:47 PM

خلاص ياعم مبروك الهزيمه كركركرررررررررررررررررررر رر

**Terrible_DaRsH** · 08-06-2010 01:50 PM

ههههههه ربنا يهديكم يا مكبوتين و الله بتصعبوا عليا و انتوا بتدوروا على اى مصيبة للاهلى , بس ده حقكم بصراحة .

لا دورى و لا كاس و لا ابطال افريقيا و لا عارفين تكسبوا الاهلى اللى قعدتوا تفقروا عليه و تقولوا محظوظ محظوظ لحد ما ضيع 40 جول امبارح .

اعملوا اللى انتوا عايزينوا يا جدعان مقدرش اقول غير ربنا يهديكم .

**cyborg_ift** · 08-06-2010 01:54 PM

متزعلوش يا جماعه احنا بنهزر مع بعض وفعلا سوق التوفيق هوه السبب وكل اللعيبه عملت اللي عليهه والحكم كان وحش وتعمد مينزلش بلال علشان الأهلي ميكسبش وأكتر واحده عليهه اللوم هيه العارضه الوحشه اللي لما لقت كورة فضل هتخش اتزحزحت علشان تيجي فيهه ......... فريق لا يعترف بالهزيمه ومقدرش أقول عليه غير فريق العجايز

**human** · 08-06-2010 01:58 PM

المشاركة الأصلية كتبت بواسطة terrible_darsh

بصراحة كمية جهل و اى كلام بيتقال ( كالعادة ) من الناس المكبوتة اللى نفسها تفرح بفرقها و دايما بيقللوا من انتصارات الاهلى و بيكبروا من هزيمته و كان الاهلى ده لا يصلح للخسارة .

خليكم متغاظين و محروقين من الروح الرياضية اللى بيتميز بيها الاهلى و جمهوره عن باقى الفرق و مبروك للحرس اللى يستاهل الفوز بالبطولة .

و يا ريت كل واحد يخليه فى النادى بتاعه و يشجعه بدل ما هو متتبع اخبار الاهلى و نازل شتيمة و شماته من تحت لتحت .

سبحان الله!
نفس الكلام ده سمعته عن الجماهير اللى بتشجع طواحين الهوا و فاكرين ان هوه فريق عشان يعوضوا النقص فى شخصياتهم و انهزامهم فى الحياة فبيدوروا على فريق الجميع واقف وراه عشان يكسب بالنصب و بالتزوير و التدليس شويه و بعدين يتكلموا على الفرق التانيه بمنتهى الجهل و التعصب و يقولوا روح رياضيه

شفت؟ كل كلام ليه كلام ممكن يتقال ضده
بلاش النغمه ديه يا صاحبى :)

و الاهلى و الزمالك و الاسماعيلى و الحرس كلهم انديه بتاعه الدوله فاللى عايز يتكلم براحته و بلاش شوف ناديك و الكلام الانغلاقى ده

هوه فين كايرو؟