الكأس والاستاد والتراس

**ecybrarian** · 08-06-2010 09:05 AM

امبارح كنت في الاستاد.. اه والله..بقى لي بتاع عشرين سنة ما رحتش ماتش في الاستاد. رحت من غير تذكرة ودخلت اولى علوي علشان اتأخرت..لو كنت رحت بدري كنت دخلت مقصورة!!! على الرغم من كمية القلق والأمن حوالين البوابات إلا إن واحد صاحبنا يعرف حد في إدارة الاستاد قِدر يدخلنا ببلاش..طبعا كمية مجاملات بالعبط بتحصل هناك..لو تعرف مصور صحفي ممكن يدخلك على النجيلة وتقعد على الخط وتجري ورا إللي هايجب جول كمان.

طبعا عيب الدرجة الأولي (اول مرة اقعد درجة اولى) إن المشجعين مش بيشجعوا..دول بيتفرجوا!!! فاكرين نفسهم قدام التليفزيون..بس الظريف إن اغلبهم عائلات. وكمان في عيب خطير هو موضوع السجاير دا!!! الناس مقعدين اطفال على رجليهم وبيدخنوا في وش اطفالهم!!! بس الجو العام امبارح كان ممتاز. المتعة في الاستاد إنك ها تترحم من رخامة المعلقين والاعلانات وفلسفة المحللين

اما عن التراس دول، فانا معجب بالأولاد دول جدا..دول مش صييَع زي ما بيقولوا. بالعكس..مدرج التراس كان الدرجة التالتة بس انا كنت متابعهم. المشكلة ما كانش في دخلة علشان مانعوا دخول الأعلام حتى من غير عصاية!!!! بس التراس دول ما بطلوش تشجيع طول المباراة تقريبا. وكانوا هم يقودون التشجيع في الاستاد كله من مدرجهم. وكانوا بيشجعوا أكتر بعد هدف الحرس الأول.

مش بس كدا دول سقفوا للفريق (الاهلي) بعد المباراة وحييوهم. ونادوا على فضل وشجعوه، وكمان نادوا على طارق العشري وفريق حرس الحدود وشجعوهم. يعني لا كسروا كراسي ولا عربيات علشان فرقتهم اتغلبت

اما عن المباراة، فهي كانت ممتعة للغاية..أنا اهلاوي ومبسوط على الرغم من الخسارة. مبارة حلوة تستحق تكون نهائي كأس مصر.

**زينة الله** · 08-06-2010 09:12 AM

فعلا كانت مباراة حلوة
انا بقى زمالكوية و زيك مبسوطة برضة
مبروك لحرس الحدود و هارد لك للاهلى

**Akram** · 08-06-2010 09:50 AM

و انا بقى زعلان من (فضل) , طالما هو مش موفق و ضيع فرص كتيرة ليه يفضل باقي و ليه يشوط في ضربات الجزاء ...

الله يسامحه ...

**human** · 08-06-2010 10:00 AM

المشاركة الأصلية كتبت بواسطة akram

و انا بقى زعلان من (فضل) , طالما هو مش موفق و ضيع فرص كتيرة ليه يفضل باقي و ليه يشوط في ضربات الجزاء ...

الله يسامحه ...

هوه مش بيلعب فى الملعب بمزاجه و مالعبش ضربه الجزاء بمزاجه
فيه واحد بيقعد عجيب قاعد بره اسمه البدرى
هو السبب

**ecybrarian** · 08-06-2010 10:29 AM

المشاركة الأصلية كتبت بواسطة akram

و انا بقى زعلان من (فضل) , طالما هو مش موفق و ضيع فرص كتيرة ليه يفضل باقي و ليه يشوط في ضربات الجزاء ...

الله يسامحه ...

يا باشا ولا يهمك.. هي الكرة كدا.. مكسب وخسارة، توفيق وعدم توفيق، مباريات عالية ومباريات مش قد كدا.. المهم الاداء العام والجماعي..طبعا في اخطاء في الملعب.. بس مش ممكن فريق يفضل يكسب طول عمره.. الاهلي بطل الدوري بيلعب في النهائي مع بطل الكأس السابق ومتأخر بهدف وبيتعادل وفرص بتضيع من الفريقين..على الرغم من الاخطاء بس المباراة طلعت حلوة

**human** · 08-06-2010 10:48 AM

المشاركة الأصلية كتبت بواسطة ecybrarian

يا باشا ولا يهمك.. هي الكرة كدا.. مكسب وخسارة، توفيق وعدم توفيق، مباريات عالية ومباريات مش قد كدا.. المهم الاداء العام والجماعي..طبعا في اخطاء في الملعب.. بس مش ممكن فريق يفضل يكسب طول عمره.. الاهلي بطل الدوري بيلعب في النهائي مع بطل الكأس السابق ومتأخر بهدف وبيتعادل وفرص بتضيع من الفريقين..على الرغم من الاخطاء بس المباراة طلعت حلوة

حبيييبى :)

الكلام ده يتقال لو فريقين بيلعبوا فى نفس المستوى او دورى شركات و الروح الرياضايه و مبروك للفائز و هارد لك للخاسر ده كلام الجرايد :) بس فى الاخر ده بيزنس كبيييييير مافيهوش هاردلك للخاسر
لما فريق يتفك ب 15 فريق من الفريق التانى و فلوس و دعايه و يزنس انا شايف ان ده تبسيط جدا :)
على العموم ربنا يسهل فى بطوله افريقيا
و سعيد انك انبسط فى الاستاد
و على فكره مخرج الماتش جاب ناس بتنضرب بالبونيه و كده من الجمهور- ماشفتش الموضوع ده؟

**ecybrarian** · 08-06-2010 11:44 AM

المشاركة الأصلية كتبت بواسطة human12

حبيييبى :)

الكلام ده يتقال لو فريقين بيلعبوا فى نفس المستوى او دورى شركات و الروح الرياضايه و مبروك للفائز و هارد لك للخاسر ده كلام الجرايد :) بس فى الاخر ده بيزنس كبيييييير مافيهوش هاردلك للخاسر
لما فريق يتفك ب 15 فريق من الفريق التانى و فلوس و دعايه و يزنس انا شايف ان ده تبسيط جدا :)
على العموم ربنا يسهل فى بطوله افريقيا
و سعيد انك انبسط فى الاستاد
و على فكره مخرج الماتش جاب ناس بتنضرب بالبونيه و كده من الجمهور- ماشفتش الموضوع ده؟

بونية!!! الحقيقة ما شفتش ومكنتش مركز مع الشاشة للأسف..بس على فكرة الكلام دا مالوش علاقة بدوري الشركات ولا كلام جرايد..فاكر المانيا لما طلعت من كأس العالم على ارضها حصل ايه!!! فاكر برشلونة لما طلعت من بطولة دوري الابطال على ملعبها حصل ايه!! فين بقى كلام الجرايد..وانت لما غلبت الكاميرون (إللي يتفكوا بـ15 منتخب زي مصر) كان حصل ايه!!! فاكر لما ضيعت كاس العالم على الكاميرون في بلدهم وايتو قعد يعيط، حصل ايه!!!! دا كلام واقعي بيحصل من الاغنياء المتقدمين في اوروبا وبيحصل من الفقراء المتخلفين في افريقيا

قشطة عليك يا عم هيومان :-) نسيت اضحكك..جهمور الحرس إللي هما عساكر بيشجعوا علشان ياخدوا اجازة 48 ساعة..الظاهر كدا إنهم صدقوا إنهم جمهور بجد!!!! لأ وليهم leaders وهتيفة وهتافات..لأ وإللي يضحك اكتر انهم عاشوا في دور الجمهور لدرجة قلة الأدب كمان :-)) تخيل كانوا ما بين الشوطين بيقولوا لجمهور الأهلي "قاعدين ليه ما تقوموا تروحوا" :-))))) هما يقولوا وانا اضضضحححك :-))))

**human** · 08-06-2010 11:48 AM

المشاركة الأصلية كتبت بواسطة ecybrarian

بونية!!! الحقيقة ما شفتش ومكنتش مركز مع الشاشة للأسف..بس على فكرة الكلام دا مالوش علاقة بدوري الشركات ولا كلام جرايد..فاكر المانيا لما طلعت من كأس العالم على ارضها حصل ايه!!! فاكر برشلونة لما طلعت من بطولة دوري الابطال على ملعبها حصل ايه!! فين بقى كلام الجرايد..وانت لما غلبت الكاميرون (إللي يتفكوا بـ15 منتخب زي مصر) كان حصل ايه!!! فاكر لما ضيعت كاس العالم على الكاميرون في بلدهم وايتو قعد يعيط، حصل ايه!!!! دا كلام واقعي بيحصل من الاغنياء المتقدمين في اوروبا وبيحصل من الفقراء المتخلفين في افريقيا

قشطة عليك يا عم هيومان :-) نسيت اضحكك..جهمور الحرس إللي هما عساكر بيشجعوا علشان ياخدوا اجازة 48 ساعة..الظاهر كدا إنهم صدقوا إنهم جمهور بجد!!!! لأ وليهم leaders وهتيفة وهتافات..لأ وإللي يضحك اكتر انهم عاشوا في دور الجمهور لدرجة قلة الأدب كمان :-)) تخيل كانوا ما بين الشوطين بيقولوا لجمهور الأهلي "قاعدين ليه ما تقوموا تروحوا" :-))))) هما يقولوا وانا اضضضحححك :-))))

باشا :)
الاتنين بارجراف بيناقضوا بعض :)

موضوع الكاميرون مختلف عشان انت عندك فعلا لاعيبه ممتازه و احسن لاعيبه فى القاره و مدرب عالى مش و فيه برضه فلوس كتير بتتصرف و دايما المنتخبات غير الانديه :)

**Migo123** · 08-06-2010 11:58 AM

الماتش كان جميل والاهلي فريق محترم والحرس فرقه محترمه جدا ولعبت كوره حلوه
وفكك بقه من الزمالكويه اللي عايزين يشمتو وزي ما قال المثل ( القرعه تتعايق بشعر بنت أختها ) المصيبه بقه ان حتى بنت اختها طلعت قرعه هي كمان ودلوقتي بيشمتو برضه وخلاص ..... هيومان خليك كوووول

**cyborg_ift** · 08-06-2010 12:02 PM

ياترا مندهوش على خيبتهم برضه كركركرررررررررررررررررررر رررررررررر

لا مؤاخذه يا جماعه أصلي من إمبارح مش عارف أبطل ضحك على البدري اللي مفهمش لأخر الماتش إن فضل ربنا مش موفقه انهارده

الموضوع: الكأس والاستاد والتراس

LinkBack

أدوات الموضوع

عرض

الكأس والاستاد والتراس - انشر الموضوع فى :

-

-

-

-

-

-

-

-

-

المواضيع المتشابهه

راجل نحس كان حياخد الكأس

الكأس للحرس بذنب بتروجيت

الكلمات الدلالية لهذا الموضوع

المفضلات

المفضلات

ضوابط المشاركة