قرار بالانفصال

**maybe** · 08-06-2010 03:28 PM

أنا بحقد عليك ، لأنك لقيت منتدي وناس تنصحك صح ، وتقولك على اللى فيه مصلحتك

أنا كنت في الموقف تقريبا من 15 سنة ، ودلوقت بضرب نفسي بالجزمة علشان كملت واتجوزتها ، على الرغم من انها عملت كل حاجة كنت عاوزها قبل الخطوبة ولكن الطبع بيغلب التطبع ، ورجعت ريمه لعادتها القديمة بل العن من الأول. أنت لا تتخيل حجم الجحيم الذي اعيش فيه حاليا ،

حبيبي ، أخلع فورا ، وماتكملش ولو جات لحد عندك وباست على الجزمة ، المعووج معووج ولن يعدله شئ

**blazer** · 08-06-2010 03:28 PM

المشاركة الأصلية كتبت بواسطة hany_mohamed

تسمح لى ياباشا اقول رأيي
اى بنت للارتباط بها بيبقى مطلوب انها تتميز بعده صفات ان تكون متدينة و متعلمة و جميلة و من عيلة طيبة و تكون خفيفة الدم و تعرف تطبخ كويس و تعرف تربى اولادها كويس و تكون دلوعه وقت الدلع و محتشمة و رقيقة المشاعر ومرهفة الاحاسيس و تقدر تتحمل مسئولياتها فى الزواج وتكون صادقة و أمينة و ذكية ولماحة ومحافظة على رشاقتها
وبتحب الرياضة اللى العريس بيشجعها
و طبعا استحالة تكون فيه واحدة كاملة المواصفات فتلاقى ان فيهن من لديها بعض المواصفات وبعض المواصفات غير مكتمل .
الموضوع عاوز له تركيز فى نقطه واحدة ... هل البنت دى بالتدريب منك لها ممكن توصل لنقطة " تتقى الله فيك ام لا"
وعلى فكرة يا باشا الشكل والمظاهر الخارجية ليس دليل على تدين الانسان وحسن تقواه
و البنت دى كانت معاك واضحة وصريحة و حاولت انها تصلح من نفسها علشانك
وموضوع شلة الشيشة دى عندك حق و الفيس بوك ده بتفكرنى مع احترامى الكامل لحضرتك بأغنية أبو الليف

فكرتنى مره بواحد أعرفة سلم على بنت من اياهم بعد ان وجدها فجأة محتشمة المظهر الخارجى وسألها ايه اللى عملاه ده قالت "علشان أتخطبت بقى و مبخلهوش يلمس أيدى حتى ومفهماه انى معرفش كمبيوتر ده يعنى ايه و رسمت عليه الدور صح انها انسانة خام ومتدينة جدا "

طبعا مفيش انسان او انسانه كامله او زى ما احنا بنكون عاوزين
وفعلا المظاهر مش كل حاجه انما بتدل على مكنون و مضمون الانسان
يعنى مثلا مفيش تفاحه قشرتها الخارجيه فاسده وهتلاقيها من جوه شهد
و اسمحلى اعترض مع حضرتك الطيبون للطيبات
مادام الراجل بيدور على واحده تتقى ربنا فيه و تحرسه هو و بيته واورده يبقى باذن الله ربنا هينولهاله
اولا لانه ساب بنت خاف على دينه معاها
وثانيا لانه بيدور على واحده تدفعه للطريق الصح
والنت اللى انت بتقول عليها فى يوم من الايام هتتكشف على حقيقتها وتتفضح وتنتهى العلاقه فى ثانيه واحده لان الغش عمره ما كان حل

**احمد عبدالله** · 08-06-2010 03:30 PM

المشاركة الأصلية كتبت بواسطة أحمد كمال

في الاخلاق و العادات و الشخصية و التدين ...... الجاهز احسن من التفصيل

يعني ما تفتكرش انك هتاخد واحدة و تغيرها في الحاجات دي تغيير جذري

تغيير بسيط ممكن (يعني حجاب مش مطابق للشريعة تخليها تظبط لبسها شوية ماشي) ..... انما ميني جيب و فيسبوك و شلة ولاد و بنات و الكلام الحمصي ده انسى

و صدقني لازم تفكر بعقلك مش بقلبك لان التفكير بالقلب بيخلي الواحد مش عقلاني خالص (سامحني و الله بس انا كنت بافكر بقلبي في اوقات كتير و دلوقتي فعلا اما بافكر في المواقف دي باقول انا كنت عبيط و اهبل)

فكك منها و شوف لك واحدة تانية ..... دي ما تنفعش تبقى زوجتك ..... و انت مش هتقدر تخليها تبطل العادات دي

و انفصال دلوقتي و انت خاطب - حتى لو هتخسر الشبكة و شوية هدايا انت جبتها - احسن من طلاق بعد كده ممكن تخسر فيه اغلى حاجة في حياتك (اولادك !) بالاضافة لشوية خسائر مادية تانية (مؤخر و نفقة و متعة و حضانة و شقة و بلاوي زرقة) ......

كل يوم إعجابي بحضرتك بيزيد يا أحمد بيه

**msobhy** · 08-06-2010 03:35 PM

من الواضح يا رجاله ان الكل بيتلككوا علشان يتكلموا فى الموضوع ده
ومن الواضح بردوا ان الخطوه اللى قام بيها صاحب الموضوع نالت اعجاب وتقدير كل اللى شاركوا فى الموضوع
ومن الواضح وديه بقت حقيقة زى الشمس ان كل البنات محتجين انهم يتغيروا أو ان الرجالة تبدأ تلبس طرح (جمع طرحه)
ومن الجميل اننا نذكر الاخ صاحب الموضوع أن البنات على قفا من يشيل فى الفترة ديه والكلام غير قابل للنقاش

**أحمد كمال** · 08-06-2010 03:43 PM

المشاركة الأصلية كتبت بواسطة احمد عبدالله

كل يوم إعجابي بحضرتك بيزيد يا أحمد بيه

ربنا يخليك يا باشا

**AmatoALLAH** · 08-06-2010 03:43 PM

واضح انك انسان عاقل

و صدقني التفكير بالعقل هو الافضل

سيبك من موضوع القلب دا

لان بعد الجواز لو ماكنش الزوجين الاساسيات ميلوهم فيها زي بعض هتلاقي الخلافات علي طول موجودة

و انت شخصيه و هي شخصية تانيه خالص

و بعدين الزواج دا رزق من الله يعني ماتئولش حرام اسيبها لاننا شخصيتين مختلفتين لان ربنا اللي بيرزق لا انت و لا غيرك

و تسيبها دلوئتي بدل ما تتجوزها و تلاقي الاختلاف بينكم في كل شئ و يوصل للطلاق و الضحيه في الاخر الاولاد

و ربنا يهديها و يهدينا جميعا و يثبتنا

و علي فكره انا مش بعيب فيها لان دلوئتي دا بئي العادي يعني فيه كتير اوي كده, هي تحتاج واحد نفس شخصيتها

و ما تستغربش الحال دلوئتي فيه رجاله فري و حلوين كده كتيييييييييييييييير للاسف

بالعكس دلوئتي بئي فيه اللي بيطلب من مراته البسي كذا و اعملي كذا و لا حول و لا قوة الا بالله

**أحمد كمال** · 08-06-2010 03:51 PM

المشاركة الأصلية كتبت بواسطة amatoallah

و ما تستغربش الحال دلوئتي فيه رجاله فري و حلوين كده كتيييييييييييييييير للاسف

بالعكس دلوئتي بئي فيه اللي بيطلب من مراته البسي كذا و اعملي كذا و لا حول و لا قوة الا بالله

اعرف واحد بيهدد مراته بالطلاق لو ما قلعتش الحجاب و نزلت معاه البسين و البحر ببكيني !!!!!

تقريبا الناس دي عندها عصير ليمون او صودا او ميريندا يوسفي في عروقها مش دم خالص !!!

-

-

-

الموضوع: قرار بالانفصال

LinkBack

أدوات الموضوع

عرض

-

-

-

-

-

المواضيع المتشابهه

اخر قرار حكووومى

آخر قرار

محتار فى قرار

قرار شراءالياريس

الكلمات الدلالية لهذا الموضوع

المفضلات

المفضلات

ضوابط المشاركة