اقتباس المشاركة الأصلية كتبت بواسطة نور القمر مشاهدة المشاركة
المشكلة الحقيقية مش في الشيشة
المشكلة الحقيقية في الاختلاط وده سبب كل الكوارث
طيب خلاص كلكم ملايكه و مافيش حد فيكوا بيغلط و كلكم واعظين و كلكم متدينين و عارفين ربنا و هيه بقت كافره

انا مش فاهم ليه كده

يعنى لو هيه بتعمل حاجه غلط بسبب البيئه اللى فيها و عندها استعداد تتحسن او تتعلم ايه المشكله؟؟

اللى بتقولوه ده يخلى اى واحد بيعمل حاجه غلط يكمل فيها عشان الناس الافاضل اللى زى حضراتكم مش هتقبل اى واحد يتوب او يرجع عن غلطه عشان دايما حكمكم مسبق عليه

ابن احسان عبد القدوس شوفوا هو ايه و متجوز بنت مين بنت عادل امام شوفوا متجوزه مين

ليه الاحكام المجحفه على الناس

و بعدين ليه ماحدش بيفكر فى الانسان كأنسان مش كائن فضائى يعنى اللى شرب خمره و تاب لو كان شاف ناس بتحكم عليه زيكم كان زمانه لسه قاعد فى الخماره

و مين يعلم يمكن بكره يجى حد يقدر يفهمها اكتر منك و يجعل منها زوجه صالح و اصلح من اى واحده حد يتمناها

قدره الانسان على التغيير غير محدوده للاسواء و للافضل شويه ثقه فى الانسان اللى ربنا كرمه الله يخليكم

و بلاش تعامل مع المرأه اكنها كائن اسطورى لو سلمت على حد تبقى اتدنست و معيوبه