العفشة فتحت بقها

**ahmedelaraby** · 08-06-2010 11:57 AM

من فتره كدة بقيت احس ان العربية مش متوازنة و بتميل وانا بلف جامد ويترعش من 100 الى 110 المهم قولت هرصص واظبط زوايا بس الاول اربط العفشة
رحت لواحد معرفة كدة قالى ..........
1 - بيض المقص لازم يتغيرو
2 - المساعد الامامى قلبة جاب زيت هنغير القلب بس
3 - فى حاجة تانى بس مش فاكر اسمها هتتغير

طب ياعم القصة دى حسبة كام قاللى 300 الى 350 جنيه
قولتله ليه يا عم قال البيضتين ب 90 ج وقلب المساعد 100 ج والتالتة 80 ج وبعدين هترصص وتظبط زوايا حسبة 60ج كمان
بصراحة مش عارف هو بيحور عليا ولا ايه
لانه كان لسه كاشف على العفشة من حوالى شهرين وكان قايلى زى الفل فهل ممكن دة كله يحصل فى اسبوعين
افيدونى ارجوكم...............

**ahmedelaraby** · 08-06-2010 12:19 PM

اه الحاجة اللى مكنتش عارف اسمها البارات
وانا عربيتى اوبل كاديت زى اللى فى الصورة بتاعت البروفيل بتاعى والعفشة كلها عفشة دايو

**ahmedelaraby** · 08-06-2010 03:53 PM

وبعد ماخلصت كل دة ونزلت اجرب لقيت دركسيون العربية ناشف قوى بس العفشجى قاللى هيخف مع الوقت صح الكلام دة ولا ايه ؟؟؟
بس بصراحة الاداء اختلف يعنى كنت بسمع صوت طقطقة غريب كدة اختفى والعربية فى المطبات بقيت عجينة ومش بسمع صوت خالص ليها
بس فعلا كدة كويس ولا انا اضحك عليا وكمان خايف لحسن يكون مغيرش الحاجات اللى قال عليها دى كلها انتو رايكو ايه يا جماعة

**ahmed_moeaz** · 08-06-2010 04:24 PM

انتى جى تاخد رأينا بعد مظبت العربية ههههههه
على العموم انا مش عايزك بعد كده تسلم رقبتك لميكانيكى او عفشجى لازم تسأل وتدور الاول قبل مينضرب مفك فى العربية
وعامة كمل معاه للاخر وامشى بالعربية وشوف حكاية نشوفية التارة معاك ممكن يكون حشى الاسكترة وجمد عليها ولا حاجة لو مرتاحتش معاك خليه يخفلك عليها شوية

**ahmedelaraby** · 08-06-2010 05:00 PM

شكرا لرد حضرتك
بس والله زى ماتقول كدة ادبست يعنى العفشجى اصله معرفة وقالى انا هنزل اشتريلك الحاجات دية دلوقتى وهبتدى الشغل بكرة الصبح
و انا عايز استفسر عن التكاليف يعنى كويسة ولا غالى عشان افهم اذا كنت انصح بيه حد تانى ولا لا فعايز اتاكد بس من الناس اللى عندهم خبرة

**ahmed_moeaz** · 08-06-2010 08:48 PM

للأسف معنديش خلفية على اسعار قطع الغيار اللى اشتراها لكن انت ممكن تنزل وتسأل بنفسك عن الحاجات دى واسعارها ومصنعية تظبيت العفشة قدام مش بتزيد عن 50 جنية يوم ميكون جاب عليها واطيها
لكن كنصيحة ليك ابقى اسأل الاول زى مقولتلك ومفيش حاجة اسمها تدبيس ومفيش احراج دى عربية وفلوس هتندفع.

**kasten** · 08-06-2010 10:46 PM

محدش بيتعلم ببلاش

**sameh127** · 26-06-2010 04:38 AM

السعر تمام مش غالى و الدركسيون حيكون تقيل خفيف فى الأول علشان البيضات الجديدة(بيضات مقص/بيضات طرف) ماسكة جامد وحاكمة مع حشوها وحينعم تاني مع الشغل و المطبات.